DANIYEL 4:6 - Bible en langue guiziga

⁶ ‹Beltasar, madiɗa ngi mupura daˀasay, yi si na le, sin ngi kuli mezlehey ada ar ka, yo gwat mufuna wuluk ngi mbur wanaka gar na, anta zumuw hirnga ta. Ɓiy ɓi ngi gwat ya mupura ti kleŋ na, yo ɓiy mbiɗeˀvra naŋ ma.

DANIYEL 4:6 ပူးပေါင်းရင်းမြစ်များ

BI NGI ISRAYELEY 7:11

Amma buy Ezipte kwana, a zilo misi sinmijileŋhey ati misi keteleheye, joˀ misi ketele ngi hirwuy Ezipte tayna, a gam gwat misi purla ti ketele taŋ tuwa ya.

EZAYI 8:19

Yo mizli mekelemey a ɓam: «A ram ng'avu mupura daˀasay masisikam ˀay, yo maɓam ti mi yaŋ yaŋ, ar gwat masa gi tumbuŋ. Mizli ada puraka kuli taŋhaya ta kwa? Yo ada puram mulvuŋhoy vur mizli misi ti siifahaya takwa?» Da ara ɓukum kanah,

DANIYEL 1:17

Gawla mumufaɗ tayna tuwa, Buymisemuŋ a vula taŋ sin ngi gi gwat ati sin ar mingiɓi waɗ ar sinmijileŋ. Daniyele, a sla wala ngi gwat gar, gwat mupura ti kleŋ ati musuwuno gu.

DANIYEL 2:2

A ɓa mizli, a zilakaŋ misi cucukoy, muɓula musuɗukoy, mupura kulihey ati Babiloŋhoy, ɓa a mbiɗakaŋ ɓi ngi musuwun naŋ na. A soko joa ciki buyo.

DANIYEL 2:48

A dirba nah, buy a ga ɗongor da Daniyele, a vulaŋ gwat madiɗahay haɗi ngataraŋ, a vulaŋ hirwuy vay buy miwi li miwa a Babiloŋ gar, waɗ a tiri di madiɗa ngi misi sin mijileŋ ngi Babiloŋhoy gar.

DANIYEL 4:15

Ya buy madiɗa Nabukodonozoro, musuwun migiy na, kahana so. Ka so na Beltasar, ɓiy mbiɗeˀvra naŋ. Misi sinmijileŋhey gar ngir li zumabuy ɗu anta njikikiy di gu ta. Amma ka, ki njikiy di gu, asi sin ngi kuli mezleheye, naŋ da ar ka.»

DANIYEL 5:11

Ar zumabuy ɗike, mbur ada, sin ngi kuli mezlehey ada ar naŋ. Ti hin ngi cine ɗik mazum buy na, i puraka na, a sla wala ngi ɓi kwaŋ kwaŋ, naŋ ti slesle, yo naŋ ti sinmijileŋ kaɓa ngi kuli mezlehey. Cine ɗik Nabukodonozor a cufaŋ i madiɗa ngi muɓula musuɗukoy, ngi mupura kulihey, ngi misi cucukoy waɗ ngi mizli mupura wurzlaŋhay. Cine ɗik buy miga na, naŋ kanah.

DANIYEL 5:7

Dar buy a widi ti gidaŋ, a ɓi ɓa muɓula musuɗukoy, mupura kulihey ati mupura wurzlaŋhay a soko. A ɓa mizli misi sinmijileŋ ngi Babiloŋ tayna: «Ko wa gar muslufa gwat mutoho hana le, yo a njika mbiɗeˀvra naŋ le na, a sa kakaŋ zana hirnga, a sa luwakaŋ virzle ngi ɓiri tapasl tapasl asi ˀaya, yo naŋ vuna, a sa cifi madiɗa migi slra ar zuma buyo.»