DANIYEL 4:32 - Bible en langue guiziga

³² Avi naŋ na, mizli ngi si ruwuy gar i gwat mupuɗaw ta: ko vur vurum ngi muŋhoy, ko vur mizli ngi ruwuyoy kwana, a ga gwata avu wuɗ nga naŋ. Ko mbur loŋ matikaŋ gu anta, yo mambiɗaŋ hirnga ar gwat ngi gi naŋ gu, anta.

DANIYEL 4:32 ပူးပေါင်းရင်းမြစ်များ

ƁI NGI HINEY MUCUW NAŊ 33:13

Dar a tumbuloŋ. Bumbulvuŋ a pulaŋ vu, a cinaŋ tumbul naŋ, dar a mi di nga Zeruzalem a muŋ, ɓa a zumabuy naŋ. Akẽh so na, Manase a si na le muduba, Bumbulvuŋ i Buymisemuŋ.

Ɗerewol JOP 42:2

Yi si na le, gwat gar, ki ga gu, gwat ka mujuwa le ngi gi gar na, ɓa ki si na ta na, anta.

Ɗerewol JOP 9:12

Gwat naŋ mitiɓa le ti gidaŋ na, mbur mamo di gu ada kwa? Mbur masa ɓaŋ: «Ki gi mike» na, ada kwa?

DIMISEY 115:3

Buymisemuŋ ndra, naŋ da a muŋ, gwat naŋ muwuɗ gar na, a ga le.

DIMISEY 135:6

Bumbulvuŋ, gwat naŋ mawuɗ gar na, a ga le, gwat ngi muŋhoy ati ngi ruwuyoy, ngir mubuliyey malla ngir mijileŋ naŋhay.

BI NGI ISRAYELEY 8:10

A hilaka taŋ zikitiŋ zikitiŋ, Ezipte gar a zĩˀĩ gec tititi.

BI NGI ISRAYELEY 9:14

Asi wurenna, i wuɗ i slino bonoyoy cek ng'ar ka muduba, nga hirnga ɗik vuna, ng'ar gawla ɗikey waɗ ng'ar mizli ɗikey, ɓa kisa sina, ko mbur pal ngi wa ti ya anta asi ruwuyo ta.

BI NGI ISRAYELEY 9:29

Moyis a ɓaŋ: «Ya misa bi le tir walahaya si na, i sa zuɓa haŋ ng'avu Bumbulvuŋ, ndisl ngi vuŋ a sa tiˀi, yam a po mata, ɓa ki si na miwa hirwuyo i Bumbulvuŋ.

EZAYI 37:20

Na ka, Bumbulvuŋ Buymisemuŋ ndra, laha ndra tisi haŋ ngi buy Senakerip na takwa. Kanah na, mizli mazumam buy ar duniya gar na, a sa sinaka, ka Bumbulvuŋ, Buymisemuŋ i ka pal ɗiki.»

EZAYI 40:15

Ani sukwi ngi mizli, taŋ avu Bumbulvuŋ kaɓa yam magico tes purla tir jugulguy. Taŋ kaɓa muyuŋ leŋ purla ar kilo. Pura maturaˀahaya, taŋ kifilew kifilew ava kaɓa murɓuku.

EZAYI 40:17

Sukwi ngi mizli gar, taŋ a mbuŋ naŋ ka gwat lambaˀ, t'anta puɗaw ta, i gwat ngatarahay lambaˀ.

EZAYI 45:3

Gwat ngi lum mukulaˀ ar luvuŋ waɗ zlili muɗumo le ɗumo, i sa vuluw taŋ. Kanah na, kisa sina, yi Bumbulvuŋ, ya Buymisemuŋ ngi Israyel, ya miziluw daɗ ti slimiɗ ɗiki.

ZEREMI 27:5

«Miga muŋ ati hirwuy i ya, waɗ mizli titirahay ati ginew ngi si ruwuyoyo, i ya miga taŋ ti gidaŋ ɗu mihaɗa waɗ ti gidaŋ ɗu mupusak haŋ ngi wi mizli. I vula ko da waka gar ya mupura le kuy.

DANIYEL 2:21

I naŋ mambuɗa hiney ati gwat ngi giheye, i naŋ maputukuso buyoyo, i naŋ maca buyoyo, a vul sinmijileŋ da misi sinmijileŋhey, yo a vul sli wala ngi gwat da misina sli wala ngi gwatay.

DANIYEL 4:31

Nabukodonozor a ɓi: «Ar kiɗa mi ngi vi tarnaˀ na, ya Nabukodonozoro, i zuɓa hiri paɗ nga muŋ na, wuluk ɗu a mawa a muŋ. I ga sise da Buymisemuŋ Mimadiɗa wãˀa, yo i hunumaŋ, i ga dudok da misi ti siifa ngi sete. Zuma buy nga naŋ, i zumabuy ngi sete, yo zumabuy nga naŋ, naŋ vur dideˀ vur dideˀ.

DANIYEL 5:21

A ɓulakaŋ ti wuzla mizli avra, wuluk naŋ a tiri kaɓa wuluk ngi gwat misahmihey, a cifi ti hay naŋ ati zungu ngi ɓuhoy. A zum giziŋ kaɓa sla, yo a ndir yorororo ar wulngar. A gi kanah hã ti naŋ misa sina, Buymisemuŋ Mimadiɗa miwãˀa, i madiɗa ar zumabuy ngi mizli titirahay, yo mbur naŋ muwuɗ le gar na, a cifi di buyo.

ZOZUWE 4:24

A ga kanah na, ɓa mizli ngisi ruwuy gar a sinaka gidaŋ ngi Bumbulvuŋ, yo ɓa hin gar na, ki zluwunam ti Bumbulvuŋ, Buymisemuŋ kumo.»