DANIYEL 4:30 - Bible en langue guiziga

³⁰ Angi ler nah na vuna sina, gwat miɓaka ɓi naŋ tuwa, ara gi avu buy Nabukodonozoro si: a ɓulakaŋ ti wuzla mizli avra. A ra zum giziŋ kaɓa sla, yo a ndir yorororo ar wulngar. Himac ngi hirnga naŋ, a gil kaɓa zlara ngi kurom, yo zleneke, a gil kaɓa ngi ɗiyuw.

DANIYEL 4:30 ပူးပေါင်းရင်းမြစ်များ

ZLI VIRZI 10:10

Walahay madiɗa ngisi ruwuy naŋhay i Babel, Erek, Akad waɗ Kalne, taŋ cek angi hirwuy Sineˀar.

ESTER 1:4

A gam kiya merkeɗe, angi hin nah gar na, buy a ro ar li biga taŋ zlili naŋ mihaɗa, naŋ muluma ar zumabuy naŋ, yo kuy ngi dudok naŋ mihaɗa mazli ta wãˀ na.

DIMISEY 104:1

Yawwa, i wuɗ i ga sise da Bumbulvuŋ ti membezleŋ ngi vu ɗu wãˀ! Bumbulvuŋ, Buymisemuŋ ɗu, ki madiɗa muwãˀ naŋ kpaka. Kuy ɗik ati wucuɗ ɗike, kayya, a zli ta wãˀ.

DIMISEY 49:20

A sa ra luuma li cifi ngi dideˀ naŋhaya, yo t'anta sa puraka li minjahha mata ndiɗaˀ.

MIKUCUWULOY 11:2

Da huhumo vu ada na, naɓa hiris kwana ada ya, amma sinmijileŋ, naŋ avu mizli muluɓ luɓoy.

MIKUCUWULOY 16:18

Maru ti mbur nga zizi na, i huhumo vu, mahizigiɗa mburo, i hirsa vu.

MIKUCUWULOY 29:23

Huhumo vu a hin ˀay da mbur, amma wuluk ngi hina hirnga na, a cika hirnga da mburo.

EZAYI 13:19

Babiloŋ, virzle hirnga wãˀ ngir zuma buyoy, gwat ngi wuya macira hiri da Babiloŋhoy na, Buymisemuŋ a sa ngizla, kaɓa naŋ migi ti hirwuy Sodom ati Gomor na ya.

EZEKIYEL 29:3

Slufaŋ di, ɓaŋ: Ya Bumbulvuŋ, Buymisemuŋ i ɓaŋ na: Buy madiɗa ngi Ezipte, y'ani i ra lumuw akẽh. Ka kaɓa hurum madiɗa mihin le tup a wuzla mihaŋ ngi mizaw Nil. Ki ɓi na, mizaw Nil i ngi ɗiki, i ka miga, yo i ka miga vu ɗik tehhe ti haŋ ɗiki.

DANIYEL 4:31

Nabukodonozor a ɓi: «Ar kiɗa mi ngi vi tarnaˀ na, ya Nabukodonozoro, i zuɓa hiri paɗ nga muŋ na, wuluk ɗu a mawa a muŋ. I ga sise da Buymisemuŋ Mimadiɗa wãˀa, yo i hunumaŋ, i ga dudok da misi ti siifa ngi sete. Zuma buy nga naŋ, i zumabuy ngi sete, yo zumabuy nga naŋ, naŋ vur dideˀ vur dideˀ.

HABAKUK 1:11

Akẽh so na, a mbiɗaka wuluko. A cohom tir li mekelem, a cam ar mungra, a puraka gidaŋ taŋ, kaɓa i ngi huruk huruk ava.

Ɓimezle ngi Yesu Kristu LUK mitil di mi 14:11

Asi mike na, mbur gar maɗuva hirnga da vu naŋ na, a sa makaŋ nga ruwuy. Yo mbur gar mama vu naŋ na, a sa ɗuvakaŋ hirnga.»

Ɓimezle ngi Yesu Kristu LUK mitil di mi 14:9

Naɓa mbur muzulo kum na, a sa ɓuw ka malla ko mbur mekeleme: «Pula li da mbur hana.» Dar kisa ra cifi ti mesem ar li cifi ngi dirba wãˀ.

KORENTIHEY MUDUMBUŊ 10:31

Na so na, da ki zumam i mi, da kisam i mi, malla ko da ki gam i mi gar na, gaka ngi ga dudok da Buymisemuŋ.

PIYER MUDUMBUŊ NAŊ 5:5

Naŋ kanah ya, kum gawlahay, hinam hirnga a mbuŋ mizli micawwahaya. Ar jumoˀay kum gar ar wala kum na, kaka hina hirnga ɓaˀ avu vu ka zana, asi a tohoko na: «Buymisemuŋ a cici kaŋ kaŋ avu mizli mahuhumom vu hoyo, amma a ga mezle da mizli mahinam hirnga a mbuŋ naŋ.»

ƁIMUNJUYO 14:8

Modro mucuw naŋ mekelem, ara sipa mudumbuŋ ɓaˀ a dirba, a ɓi: «Babiloŋ, walahay madiɗa, a diɗ le, a diɗ le! Naŋ muvula mbaazla ngi madama naŋ mukuy ta wãˀ da sukwi ngi mizli gar na.»

ƁIMUNJUYO 16:19

Walahay madiɗa a wuh a wuzla makir, yo walahay madiɗa ngi si duniyahay cek gar a mbizlam rip rip. Dar Buymisemuŋ a wulka Babiloŋ, walahay madiɗa keŋ, ɓa a vulaŋ sikiɗ misi mbaazla ngi himaˀ naŋ mavuruɗ anga na, ɓa a saŋ.

ƁIMUNJUYO 17:5

Slimiɗ manja sin toh toh a midibiɗ naŋ. A tohoko na: «Babiloŋ madiɗa, mumuŋ ngi sulomehey ati ngi gwat malambaˀ ngi si ruwuyoy.»

ƁIMUNJUYO 18:10

A sa cicam zar kileŋ ti zluwun ngi bonoy, naŋ masa na, a sa ɓam: «Bonoy! Bonoy! Babiloŋ, walahay madiɗa, walahay migidaŋ! A gukuw kiita si na, ar pas purla si!»

ƁIMUNJUYO 18:21

Modro migidaŋ a zuɓa ɗugur mududok ka ngurvuŋ, a hiziga dizlim ti gidaŋ ng'ar mubuliy, a ɓi: «A sa hizigaka Babiloŋ, walahay madiɗa, ti gidaŋ, kanah ya, anta sa lumaka mata wãˀ.