DANIYEL 4:27 - Bible en langue guiziga

²⁷ Buy a zla, a ɓi: «Puraka, hana i Babiloŋ, walahay madiɗa, ya mindira ti gidaŋ ɗu, kaɓa mamay ngi buy. Hana a biga le ya gidaŋ, yo yi buy misi dudoko.»

DANIYEL 4:27 ပူးပေါင်းရင်းမြစ်များ

ZLI VIRZI 11:4

Dar a ɓam ma: «Yawwa! Pukum walahay madiɗaŋ, yo ndurukum hay musubur, misi hirnga naŋ a wusa muŋ, ɓa slimiɗ ndra a zil, yo ɓa i zliɗam hirnga asi ruwuy gar ta.»

BUYOY MUDUMBUŊ NAŊ 21:29

«Akap mihin hirnga le a mbuŋ ɗu na, ki si na le kwa? Angi hin ngi siifa naŋ na, y'anta sa slino mendere ar mizli ngi hay naŋhaya mata, asi naŋ mihin hirnga a mbuŋ ɗu na, sey i sa slino di angi hin ngi mangal naŋ masa zum buy.»

DIMISEY 119:46

Ko a mbuŋ buy madiɗahay kwana, i sa ɓa ɓi ngi ɓimuɗuva ɗike, manja mesem.

MIKUCUWULOY 11:2

Da huhumo vu ada na, naɓa hiris kwana ada ya, amma sinmijileŋ, naŋ avu mizli muluɓ luɓoy.

MIKUCUWULOY 16:6

Da ji ngama ada, gi teŋteŋ ada na, naɓa wereke ada ya, yo da mbur ara zluwun ti Bumbulvuŋ na, a mbiɗa duba da malambaˀa.

MIKUCUWULOY 28:13

Mbur maɗumo malambaˀ naŋ na, naŋ anta bi ti jeŋ ta, mbur manjika malambaˀ naŋ, yo maga mata na, a sa pulakaŋ malambaˀ naŋ vuna avra.

EZAYI 10:13

Asi buy Asiri a ɓi: ‹Ya miga gwatay gar na, ti gidaŋ ngi haŋ ɗu, waɗ ti sin ɗu mijileŋ, asi ya ti lesle. Maakway ngi sukwi ngi mizli, i susuyumo taŋ le, yo gwat taŋ muwam di vu, i va taŋ le pay. Mizli mijoˀ ar janga ngi buyoyo, i putukuso taŋ le a ruwuy kaɓa bugawla.

EZAYI 47:10

Ki pula vu ɗike le mbak wãˀ da wer malambaˀ ɗike, ki ɓi na: «Mbur mapiriy anta.» Amma sin ɗik mijileŋ ati sin ɗik ngi gi gwat vuna, muguw gilaw i nah. Dar ka ki ɓi ti kwacay ɗike: «Mupuɗaw i ya pal ɗu, mizli mekelemeye gar na, i ngataraŋ.»

EZAYI 47:8

Amma wurenna, ka mawuɗ gwat ngi cira hiri haɗa na, cin, ka ki ɓi ti kwacay ɗike: «Mbur mupuɗaw i ya pal ɗu, mizli mekelemey gar na, i ngataraŋ. y'anta sa cifi wudiga ta ndiɗaˀa, y'anta sa ziza ziri ɗuwoyo ta.»

ZEREMI 29:7

Gam welele vur zlili ngi walahay, ya Bumbulvuŋ miga ɓa a jukum ng'ara na, diram dibiɗ da ya Bumbulvuŋ vurˀe, asi da walahaya naŋ ti zlili na, naɓa kumo kwana, kum zlili aya.›

ZEREMI 38:20

Zeremi a mbiɗaŋ di: «Anta sa vulukuw asi haŋ taŋ ta. Cina mi ngi Bumbulvuŋ kaɓa ya maɓuw di na, gwat gar a sa gi tir mezle avu ka, kisa laha hutuŋ ɗike.

EZEKIYEL 18:7

naŋ anta zum mbur ta, gwat mbur mijika le ar deɗe ngi duvus na, a mi di da buy naŋ a muŋ, naŋ anta hul ta, mbur muro ti maya, a vulaŋ gwat ngi zum, a vula zana da mbur manja zana,

EZEKIYEL 29:3

Slufaŋ di, ɓaŋ: Ya Bumbulvuŋ, Buymisemuŋ i ɓaŋ na: Buy madiɗa ngi Ezipte, y'ani i ra lumuw akẽh. Ka kaɓa hurum madiɗa mihin le tup a wuzla mihaŋ ngi mizaw Nil. Ki ɓi na, mizaw Nil i ngi ɗiki, i ka miga, yo i ka miga vu ɗik tehhe ti haŋ ɗiki.

EZEKIYEL 29:9

Hirwuy Ezipte a sa tiri daŋ daŋ, i diŋ. Dar mizli a sa sinaka yi Bumbulvuŋ. Vur ki ɓi le: Mizaw Nil i ngi ɗiki, i k a miga.

ZOWEL 2:14

Da a sa mbiɗa wuluko kwani, misina i waka? Yo a dirba nah, a sa ɗuwulukum mi, naɓa, kisa soko ti hapa ngi vul waɗ mbaazla ngi pusl da Bumbulvuŋ, Buymisemuŋ kumo.

AMOS 6:13

Ki mumulom asi kum mulumam bugawla a Lodebar na, i walahay mupuɗaw ta ma kini, joˀ ki ɓam: Ndra mitiɓaka walahay Kornayim, walahay migidaŋ na, ti gidaŋ ndra ta kwa?»

ZONAS 3:9

Misina i waka! Asinta, Buymisemuŋ a sa mbiɗa wuluko, a sa pula ɓi naŋ mujuwa a mevel na, a sa muca mevele, kanah na, anta sa kiɗa ndra vagay vagay mata kwani?»

HABAKUK 1:11

Akẽh so na, a mbiɗaka wuluko. A cohom tir li mekelem, a cam ar mungra, a puraka gidaŋ taŋ, kaɓa i ngi huruk huruk ava.

SOFONI 2:15

Walahay macir hiri, muro zuy zuyo naŋ kahana so. Naŋ ara ɓi zleˀe na: «I ya si ta na, i wa aruŋ maka!» Na a sa tiri ɗoɗok, yo a sa tiri kuɓuŋ ngi gwat misãmihey mbri mbri maka? Ko wa gar macuh a cikeˀe, a curuɓ, a hira hirnga har har.

Matiye 3:8

Gam gwat mezle mabiga ki mbiɗaka mevele le n'ayɗi!

Ɓimezle ngi Yesu Kristu LUK mitil di mi 11:41

Zuwen vulam gwat ngi huroˀohoy da misi murgahaya jaka, ɓa gwat gar a sa tiri i miɗiya le avu kumo.

SLRA 24:25

Amma Pol maru ti mingiɓi dum le ng'ar ɓi ngi cifi mijeŋŋe, jigina vu avu gwatay waɗ ng'ar ɓi ngi kiita ngi kiɗa mi ngi duniya tuwa na, a ga zluwun le da Felikse, a tika Polo, a ɓaŋ: «Wurenna, aru kwaɗay, i sa ziluw duwul aruŋ.»

SLRA 26:20

Yi zla i til di mi dumbuŋ jak ma na, da mizli ngi Damasay, da ngi Zerusalemey, da mizli ngi hirwuy Yude gar waɗ da sukwi ngi mizli mekelemeye ma. Yi tila taŋ mi, yi ɓa taŋ ɓa a mbiɗam mevel, a mbuɗoko ng'avu Buymisemuŋ, yo ɓa a gam gwat mabiga a mbiɗaka mevele le gisiŋ.

SLRA 8:22

Zil marava, pula malambaˀ ɗik na, yo tumbulo Bumbulvuŋ. Asinta, a sa puyuw wuluk muso kahana a mevel ɗik na kwani.

KORENTIHEY MUCUW NAŊ 5:11

Ndra misinaka zluwun ti Bumbulvuŋ sin si na, i puram jiviɗ ɓa mizli a tiɓaka Ɓimezle. Buymisemuŋ a si na ndra le kuy kuy wãˀ. Yi wa na, ki sinikiy le kuy kuy a hur mevel kum aya.

GALATAY 5:13

Sukum ɗuwoy, kumo, Buymisemuŋ a zulu kum, ɓa ki lumam hirnga kum. Na so na, luuma hirnga kum na, anja a tiri i ɓi ngi ji mi, ɓa ki gam di gwat ngi dumvu kum mawuɗ ta, amma pulaka vu kumo da wuɗavu, ɓa ki jinam vu ar wala kumo.

GALATAY 5:22

Amma gwat ˀUf Mipal maya a hur mburo n'anihĩ: wuɗavu, mumul, zuy zuy, ɓusa ɓi, gimezle, mevel mezle, gi teŋteŋ,

GALATAY 5:6

Asi avu mbur mujum le ati Yesu Kristu na, da ko a ci le a mizawa, malla ko a ci ta kwana, i gwat mupuɗaw ta. Amma gwat mupuɗawa, sey tiɓi mabigi ti wuɗavu.

EFESEY 4:28

Mbur muhul zleˀe na, anja a pula hulo. Anja a hurdum ngi gi slra ti haŋ naŋ ti jiviɗ mikaslsla, ɓa a lum gwat ngi wunuk ati mbur muro ti may naŋ jaka.

Slu cuw 24:13

Pas mira diɗ na, ki makaŋ ti zana naŋ mijika vuna, ɓa a sa hin ti zana naŋ avu vu, a sa ɗuwulukum mi, yo Bumbulvuŋ Buymisemuŋ kumo a sa pura, ki gam gwat mezle le.

Slu cuw 32:27

Amma zluwun a giy le ti mesene taŋhay masa singiram ar ya, a sa waka kaɓa i taŋ, a sa ɓam: ‹Miga gwat hana i hirbazla ndra migidaŋ haɗa na, anta i Bumbulvuŋ ta.›

Slu cuw 8:17

Anja ki ɓam ti kwacay kumo: «I gam zlili le ti haŋ ndra, ti gidaŋ ndra na, ki ɓam ta.»

PIYER MUDUMBUŊ NAŊ 4:8

Dumbuŋ na, hurdumom ti wuɗavu ar wala kumo, asi wuɗavu na, a susuyum mungrahay haɗa.