DANIYEL 4:19 - Bible en langue guiziga

¹⁹ nah na gar, i ka vuna kumani! Asi ki tiri le ki madiɗa, yo ka gidaŋ, madiɗa ɗik a sik le, a ndil le sesẽŋ a muŋ, zumabuy ɗik a ndil le sesẽŋ asi ruwuy mira kiɗo mi.

DANIYEL 4:19 ပူးပေါင်းရင်းမြစ်များ

ZLI VIRZI 31:35

Akẽh na, Rasel a ɓa cine: «Da yi slikiɗ gu a mbuŋ ɗike ta na, anja ki ji mevel ta, ambuh, vur ya ti dili. Laɓaŋ a wunjula le bleŋ bleŋ ko a luuma kuliheye ta.»

ZLI VIRZI 32:18

Dar a ɓa gawla mudumbuŋ: «Da sukum ɗu Esaw a sa ji hirnga le tika, yo da a sa cufuɗuw le: Ki gawla ngi waka? Ki ru a maka? Gezleŋ ngi ginewey mi taˀ a mbuŋ ɗik na, i ngi waka na? Ki sa mbiɗaŋ di:

ZLI VIRZI 40:12

Zozef a ɓaŋ: Mbiɗeˀvra ngi musuwun ɗike n'ani. Mihaŋ miɓaˀ ɓaˀ makir na, i hin makir.

BUYOY MUDUMBUŊ NAŊ 18:7

Ti Obadiya maru a jiviɗe na, a ji hirnga gurjik ti Eli. Obadiya a sinaŋ le, a huruk huruk a mbuŋ Eli, a ɓaŋ: «Ani i ka kumani ɗu Eli na gisiŋ kwa?»

BI NGI ISRAYELEY 32:32

Amma wurenna, ambuh takwa, pula taŋ mungra taŋhaya! Da kine ta na, slimiɗ ɗu ka mutoho ar ɗerewol ngi siifa na, vuvuyo avra.»

ZEREMI 29:7

Gam welele vur zlili ngi walahay, ya Bumbulvuŋ miga ɓa a jukum ng'ara na, diram dibiɗ da ya Bumbulvuŋ vurˀe, asi da walahaya naŋ ti zlili na, naɓa kumo kwana, kum zlili aya.›

ZEREMI 4:19

I ra diɗ gidaˀas gidaˀas! kwacay ɗu ma, kwacay ɗu ma! Mevele anta ar haya ta! Megeɗek a kiɗ ngbeŋ ngbeŋ, i cifi teˀe gu ta, asi i ra cine mafaka tulum, waɗ widi ngi vurumo.

DANIYEL 1:7

Madiɗa ngi migi slra ngi mamay buyo, a ca taŋ slimiɗ mekelemey. Daniyele, a zila Beltasar, Hananiya, a zila Sadrak, Mikayele, a zila Mesak waɗ Azariya, a zila Habet-Nego.

DANIYEL 2:26

Buy a zla a ɓa Daniyel mazilaka Beltasar tuwa: «Musuwun migiy na, ki bigiy di gu kwa, yo ki ɓiy mbiɗeˀvra naŋ gu kwa?»

DANIYEL 2:37

Aw buy ɗu, ki buy madiɗa ngi buyoy gar. Ka, zumabuy, gidaŋ ngi wi mizli waɗ dudoko, Buymuŋ a vuluw taŋ le.

DANIYEL 4:24

Vurˀe so na kumani ɗu! Anja ki tiɓa kuti ɗu ani! Mbiɗa hirnga ngi mungra ɗikeye ti gi jeŋŋe, yo malambaˀ ɗikeye, ti pura ircece da misi murgahay! Asinta, a sa pulukuw ki cifi setette neˀ ava kwani.»

DANIYEL 5:12

Asi a puraka Daniyele na, a wuluk haɗa, a naŋ ti sin ngi gi gwata, a pura gwata kweŋ kweŋ ngi njika musuwunoy, a bo ti ɓi mumbuzahaya njoy, yo a ɗiya ɓi mutuwaˀa. Buy vuna, a caŋ slimiɗ mekelem, a zila Beltasar. Na ani wurenna, ngi zilo mbur Daniyel nah vuna, naŋ a sa njika mbiɗeˀvra ngi gwat mutoho hana.»

DANIYEL 5:18

Kumani! Buymisemuŋ mifineˀ gwat gara, a vula zumabuy, madiɗa, dudok waɗ buy le da cine ɗik Nabukodonozoro zleˀe.

DANIYEL 5:19

Vur naŋ muvulaŋ madiɗa tuwa na, mizli gar, sukwihey ati mizli maɓam mi miwal wal gar na, a zluwunam kirkir a mbuŋ naŋ, asi ko wa gar, da naŋ muwuɗ le na, a kiɗa vagay, ko wa gar, da naŋ muwuɗ le na, a pula ti siifa, ko wa gar, da naŋ muwuɗ le na, a gaŋ ɗongor, ko wa gar, da naŋ muwuɗ le na, a maŋ nga ruwuy.

DANIYEL 7:15

Ya Daniyele, didak a miɗiy hã sesẽŋ avu membezleŋ ngi vu ɗu, yo gwat ya mupura ti kleŋ tuwa, ɓi naŋ ara giriy a mevele haɗi.

DANIYEL 7:28

Slufa ɓi ngi kleŋ ɗu a kiɗ mi ar hana. Ya Daniyele, wuluk ara giriy haɗa. A pusluɗiy vu ndararara, i ro di a mevele.

DANIYEL 8:27

Ya Daniyele, i ra hĩhĩy, ya guta, ɓaˀ hin mbeˀ mbeˀe. A dirba nah, i slikiɗ, i gi slra ngi buy. Wuluk ara giriy, vur ɓi ngi gwat ya mupura ti kleŋ na, amma ko mbur misla wala naŋ anta.

HABAKUK 3:10

Da muwãhay a purukuw le na, a jijikam. Yam mivilvil ara zuɓ, yam mijileŋ ngi ruwuy maɓul na, ara cinawa, yo a nga diɓele nga dadala muŋ.

SAMUYEL MUDUMBUŊ NAŊ 1:15

Ana a mbiɗaŋ di: «Kumani, yi wi ta. Yi si mbaazla ta, ko gwat mawi vu, yi si ta. Amma i ra vul di i gir ɗu da Buymisemuŋ.

SAMUYEL MUDUMBUŊ NAŊ 24:8

Davit miɓi kanah tuwa na, a cica mizli naŋhaya gicic, a pula taŋ ɓa a kiɗaka Sawulo mata. Sawul a bi tir butumo, a zuɓa jiviɗ.

SAMUYEL MUDUMBUŊ NAŊ 26:15

Davit a ɓa Abner tuwa: «Ki mbur mizile takwa, yo mbur misi kaɓa ka anta asi ruwuy Israyele ta. Na ki jigina buy madiɗa ta vur mike? Mbur aru le ti wuzla mizli nga kiɗa buy ɗike zleˀe.

SAMUYEL MUDUMBUŊ NAŊ 3:17

Eli a ɓaŋ: «Buymisemuŋ vuna a ɓuw mbrike?» Inga ɓiy di, ki ɗumiy di ta. Ɓi naŋ muɓuw di gar na, da ki ɗum le purla, ki ɓiy di ta na, anja Bumbulvuŋ a guw kiita mihimaˀ.