DANIYEL 4:14 - Bible en langue guiziga

¹⁴ Gwat nah a cuh kahana, asi i mbur miɗeŋ ɗeŋ hiri ɓi micica ɓi naŋ. Ɓi nah a cuh kahana, asi i modro ngi Buymisemuŋ Mimadiɗa wãˀ miɓa ɓi naŋ, ɓa mizli misi ti siifahay a sinaka, Buymisemuŋ Mimadiɗa wãˀa, i madiɗa ar zumabuy ngi mizli titiraˀahaya, a vula zuma buyo da mbur naŋ muwuɗ le gar, yo mbur mihina hirnga miwãˀ ngi si mizli, a slikiɗaŋ.›

DANIYEL 4:14 ပူးပေါင်းရင်းမြစ်များ

Ɗerewol JOP 24:20

Mumuŋ taŋhay a puyukom taŋ hirnga, amma mumuyuŋ a lum gwat ngi zum mundum le. Ko mizli anta sa wulkaka taŋ keŋ mata. Malambaˀ taŋ na, a ngil le kaɓa widisi.»

ZEREMI 27:5

«Miga muŋ ati hirwuy i ya, waɗ mizli titirahay ati ginew ngi si ruwuyoyo, i ya miga taŋ ti gidaŋ ɗu mihaɗa waɗ ti gidaŋ ɗu mupusak haŋ ngi wi mizli. I vula ko da waka gar ya mupura le kuy.

ZEREMI 51:6

Kilam baɗ ti Babiloŋ, bam ng'avra, mbur malih gu na, a lihi! Da hana ta na, tapas naŋ masa wurkaŋ migir ngi mungra naŋ na, kisa zizam. I hin ɓa Bumbulvuŋ a pul cuwal: a wurkaŋ di i gwat naŋ miga.

ZEREMI 51:9

I titilaka le ngi mbulo Babiloŋ, amma naŋ anta mbul ta. Pulakaŋ mbak fuku, mbur gar a cuh ng'asi ruwuy naŋ. Kiita nga naŋ a ndil le a muŋ, a ndil le ngbasl ar gazlavay.

EZEKIYEL 31:10

Vurˀe, Ya Bumbulvuŋ, Buymisemuŋ i ɓi na: Miter a gil le suyom haɗa. Hirnga naŋ a gil ɗiw ɗiw nga wuzla gazlavay. Naŋ migil haɗa tuwa na, a hiziga jijih.

DANIYEL 2:21

I naŋ mambuɗa hiney ati gwat ngi giheye, i naŋ maputukuso buyoyo, i naŋ maca buyoyo, a vul sinmijileŋ da misi sinmijileŋhey, yo a vul sli wala ngi gwat da misina sli wala ngi gwatay.

DANIYEL 3:4

Buy ɓi ngi muguzlumo, a til mi ti gidaŋ, a ɓi: «Kum mizli gar, kum sukwi ngi mizli miwal walay, kum maɓam ti mi wal walay, cinam ɓi maɓukum di ani:

DANIYEL 4:12

Amma dirngbizliŋ naŋ ati dimbasl naŋhay, a sa ndiram a ruwuy. Juwaka vah vah ti celelu ngi ɓiri ho gar waɗ ngi ɓiri gaza a wuzla giziŋ ngi ɓuhoy! Anja a ndir yorororo ti wulngar, a sa zum giziŋ a ruwuy kaɓa gwat misahmihey.

DANIYEL 4:23

Yo mana, a ɓam ɓa a pulaka dirngbizliŋ ngi widis ati dimbasl naŋhaya a ruwuy. Ti ka misa tiɓa le, Buymuŋ i madiɗa angi gwatay gar si na, a sa vulukuw zuma buyo a muŋ.

DANIYEL 4:29

A sa ɓulukuw ti wuzla mizli avra, kisa cifi ati gwat misahmihey a ɓuh. Ki sa zum giziŋ kaɓa sla. Ki sa ndir kanah vi tarnaˀ, hãka misa tiɓa le kuy kuy, Buymisemuŋ Mimadiɗa wãˀa, i madiɗa ar zumabuy ngi mizli titiraˀahaya, yo a vula da mbur naŋ muwuɗ le gar.»

DANIYEL 5:20

Joˀ a huhum, hirnga naŋ a tiri gidaŋ haɗa. Dar a putukusokoŋ tir janga naŋ ngi buyo, a tiɓaka dudok naŋ.

DANIYEL 5:21

A ɓulakaŋ ti wuzla mizli avra, wuluk naŋ a tiri kaɓa wuluk ngi gwat misahmihey, a cifi ti hay naŋ ati zungu ngi ɓuhoy. A zum giziŋ kaɓa sla, yo a ndir yorororo ar wulngar. A gi kanah hã ti naŋ misa sina, Buymisemuŋ Mimadiɗa miwãˀa, i madiɗa ar zumabuy ngi mizli titirahay, yo mbur naŋ muwuɗ le gar na, a cifi di buyo.

Matiye 3:10

Sliŋ ngi zlimbe a ro taˀ avu slaslalak ngi widiseye si. Widis mayi mezle ta gar na, a sa ngumaka avra, a sa hizigaka ng'ar vu.

Matiye 7:19

Widis mayi mezle ta gar na, a sa ngumakaŋ, a sa hizigaka ng'ar vu.

Ɓimezle ngi Yesu Kristu LUK mitil di mi 3:9

Zlimbe a ro taˀ avu slaslalak ngi widiseye si. Widis mayi mezle ta gar na, a sa bukokoŋ, a hizigaka ng'ar vu.»

ƁIMUNJUYO 10:3

Dar a widi ti gidaŋ kaɓa tuwuy ngi mobor. A dirba naŋ miwidi na, i ndisl ngi vuŋ tarnaˀ mimbiɗakaŋ di.

ƁIMUNJUYO 18:2

A til mi ti gidaŋ, a ɓi: «A diɗ le! Babiloŋ, walahay madiɗa, a diɗ le, a diɗ le! A tiri hay ngi milyamay le, li cifi ngi setenehey, waɗ ngi ɗiyuw ngi zum tahay ati ngi hirisey gar.