DANIYEL 4:1 - Bible en langue guiziga

¹ Ya Nabukodonozoro, i ro zleˀe a hay ɗu, hiri ra ciri ar mugum ɗu.

DANIYEL 4:1 ပူးပေါင်းရင်းမြစ်များ

ƁI NGI HIN GAR MUDUMBUŊ NAŊ 12:18

Davit a bo nga mbuŋ taŋ, a ɓa taŋ: «Da ki soko nga pur ɗu ngi jam ngi vu, yo ɓa ki jinikiy na, i tuɓukum ti mevel purla. Amma da ki soko ɓa ki tikinikiy da mesene ɗuwoy, manja i gi malambaˀa si na, anja Bumbulvuŋ ngi dideˀ ndrahay, a pura, yo a ga ndra kiita!»

ESDRAS 4:17

Buy Artakzerses a mbiɗa taŋ di ani: «Ɗerewol hana da Rehum, buy miwi li ati Simesay, mbur mutoho gwat, waɗ da cil kum mekelemey mipam a Samari waɗ tir li mindir tisi pas ngi pastaˀ ngi mizaw Efrata, jam jam kum.

ESDRAS 5:7

Ɗerewol taŋ mutohokoŋ di ani: «Mingiɓi da ka buy Dariyus, anja ki ndir zuy zuy!

ESTER 3:12

Ti hin mukuruˀ nga makir ngi kiya mudumbuŋ na, a ziloko mizli mutoho ɗerewol ngi buyoyo cek cek. Haman a ɓa taŋ, ɓa a tohom letirey kaɓa naŋ mavula taŋ jiviɗ ngi tuh naŋ. A tohoko da mijingaˀ ngi buy miwi li ngir lihey, da buy miwi lihey purla purla gar, da buy ngi wuzla sukwi ngi mizli pal pal gar. A tohoko ng'ar li ngi buy gar, kaɓa toho gwat nga taŋ, yo da sukwi ngi mizli gar ti mi taŋ ti mi taŋ. A tohoko ti slimiɗ ngi buyo waɗ haŋ naŋ taˀ taˀ araŋ.

ESTER 8:9

Hirak ti hin nah vuna si na, a ziloko mutoho ɗerewol ngi buyoyo. Naɓa i kiya mimakir naŋ, a mbiɗeˀvra, kiya Sivaŋ, ngi hin mizli ngir cuw nga makir naŋ. A tohoko letireye kasl kasl kaɓa Mardoke muvula taŋ ɓi nah. A tohoko da Yudehey, da mijingaˀ ngi buy miwi lihey ati buy miwi lihey, da mizli madiɗa ngi slrahay misi ar li ngi buy miwi lihey mitaˀ taˀ skat ti kukur cuw nga tarnaˀa. A zli zle a Eŋde, hã sesẽŋ a Etiyopi. Li buy miwa le gar na, a tohokoŋ di ka toho gwat taŋ, ti mi ngi mizli ngi mizli, yo da Yudeheye ti toho gwat taŋ, yo ti mi nga taŋ maɓam di.

DANIYEL 3:29

Na ya so na, yi ɓi le ɗaˀ le: «A wuzla mizli ɗuwoy, sukwi ɗuwoy, ati mizli maɓam mi miwal walay gar na, mbur masa ɓi mi malambaˀ ar Buymisemuŋ ngi Sadrak, Mesak ati ngi Abet-Nego na, a sa puwaka paw paw, yo hay naŋ a sa tiri kitikil. Asi Buymisemuŋ mekelem malih vu ka hana, anta.»

DANIYEL 3:4

Buy ɓi ngi muguzlumo, a til mi ti gidaŋ, a ɓi: «Kum mizli gar, kum sukwi ngi mizli miwal walay, kum maɓam ti mi wal walay, cinam ɓi maɓukum di ani:

DANIYEL 6:25

Buy a ɓa mizli, a soko ti mizli minjikaka Daniyel tuwa, a hizigaka taŋ ng'ar butum ngi moboroy tuwa, jom ati ziri taŋhay waɗ ngwas taŋhaya. A ndilaka virzi ngi vigiɗe t'aruŋ si na, moboroy a vaka taŋ kac kac, a humbuɗa ka taŋ kirap kirap, jom ti tesleye.

DANIYEL 6:27

I vula mingiɓi ɗu ani, ya miɓa ɗaˀa: anja a zluwunam kirkir ti Buymisemuŋ ngi Daniyele, ar zumabuy ɗu gar. Asi Buymisemuŋ misi ti siifa i naŋ, yo a ndir ngi sete. Zuma buy naŋ anta kiɗ ta, yo a sa ndir i buy madiɗa hã ngi samadin.

DANIYEL 7:14

A vulakaŋ zumabuy, dudok ati li zumabuy. Mizli ngi ruwuyoy, sukwihey ati mi miwal wal gar, ara gam gawla naŋ. Gidaŋ naŋ ngi buyo, i gidaŋ ngi caˀ, masa kiɗ mi ta. Zuma buy naŋ anta sa kiɗ ta ndiɗaˀ.

ZAKARI 8:23

Ya Bumbulvuŋ misi gidaŋ wãˀa, i ɓi na: Angi hin nah na, ziley kuruˀ maɓam mi wal avu ngi cala avu ngi cala na, a sa soko avu mbur Yude, kaw kaw haŋ avu mi ngi zana naŋ, a sa ɓam: «I wuɗam i ram asi ka, asi i cinaka na: Buymisemuŋ naŋ avu kum.»

SLRA 2:6

Taŋ micinam hurum ngi gwat tuwa na, zigiduw a kuso timbiɗim, a ga taŋ welele teˀe. Asi ko wa gar na, ara cine mitiɓihey maɓam na, ti mi miyakaŋ cak ti naŋ cak ti naŋ.

ROMAHAY 1:7

I ra tuhukum di da kum ngi Romahay, Buymisemuŋ ara wuɗukum gar, a zulukum le ɓa ki tiram nga naŋhay. Anja Cine ndra Buymisemuŋ ati Buy Yesu Kristu a gukum mezle, a vulukum zuy.

EFESEY 1:2

Anja Cine ndra Buymisemuŋ ati Buy ndra Yesu Kristu a gukum mezle, a vulukum zuy.

TIMOTE MUDUMBUŊ NAŊ 1:2

I ra tuhuw di da ka Timote, mangal ɗu migisiŋ gisiŋ ar tiɓa. Anja Cine ndra Buymisemuŋ ati Buy ndra Yesu Kristu a gukuw mezle, a purukuw ˀircece, yo a vulukuw zuy.

PIYER MUDUMBUŊ NAŊ 1:2

Cine ndra Buymisemuŋ muwunukum kaɓa naŋ miɗiya jiviɗ naŋ zleˀe si na, tisi ˀUf Mipal, ɓa ki cinaka mi da Yesu Kristu, yo ɓa pumbus naŋ a bunukum. Anja Buymisemuŋ a gukum mezle, a vulukum zuy haɗa haɗa.