DANIYEL 3:5 - Bible en langue guiziga

⁵ ‹ˀAy ngi tulum, ngi bozloro, ngi garaya, ngi gujuvur, ngi kããku, ngi fugum ati ngi gwat ngi dunguroy gar na, da kum misa cinam le cin na, ki hurukom huruk huruk, yo ki huruk hurukam a mbuŋ kuli mipa ti ɓiri tapasl tapasl, buy ɓi micica deŋ tuwa.

DANIYEL 3:5 ပူးပေါင်းရင်းမြစ်များ

DIMISEY 115:4

Kuli ngi mizli tayna, i ɓiri bara ati ɓiri tapasl tapaslay, i mizli muvuɗaka taŋ ti vuɗ.

DANIYEL 2:46

Akẽh na, Nabukodonozor buy madiɗa a huruk huruk a ruwuy, a ɗuva hirnga da Daniyele, a ɓa mizli, a vulakaŋ gwat ngi mikulihey ati urdihey.

DANIYEL 3:10

Kumani, ka vuna ti haŋ ɗike, ki ɓa le ɗaˀ le: ‹ˀAy ngi tulum, ngi bozloro, ngi garaya, ngi gujuvur, ngi kããku ati ngi gwat ngi dunguroy miwal wal na, mbur gar micina le cin na, a huruk, a huruk huruk a mbuŋ gwat mipa ti ɓiri tapasl tapasl na.

DANIYEL 3:15

Na wurenna, kum masa cinaka ˀay ngi tulum, ngi bozloro, ngi garaya, ngi gujuvur, ngi kããku ati ngi gwat ngi dunguroy miwal wal na, ki juwam vu le ɓa kisa hurukom, yo kisa huruk hurukam a mbuŋ kuli ya mipa ti ɓiri tapasl tapasl tuwa muduba sukwa? Da ki huruk hurukam a mbuŋ naŋ ta na, i sa hizigukum ng'ar vu matiɓi giw giw. Ko kuli masa luhukum tisi haŋ ɗu anta.»

DANIYEL 3:7

Akẽh na, mizli gar, sukwihey ati mizli maɓam mi wal walay gar micinaka ˀay ngi tulum, ngi bozloro, ngi garaya, ngi gujuvur, ngi kããku ati ngi gwat ngi dunguroy gar cin sina, a hurukom huruk huruk, a huruk hurukam a mbuŋ kuli ngi Nabukodonozor buy madiɗa ɓi micica tuwa.