DANIYEL 3:28 - Bible en langue guiziga

²⁸ Nabukodonozor a zla a ɓi: «Sise da Buymisemuŋ ngi Sadrak, ngi Mesak ati ngi Abet-Nego. A slino modro naŋ le, yo a laha migi slra naŋhaya le asi taŋ muvulakaŋ vu taŋ. A pulaka mingiɓi nga ya buyo le. A wuɗam i bonoy jaka, a cinaka mi ngi kulihey ta, a huruk hurukam a mbuŋ taŋ ta, sey a cinam mi, yo a huruk hurukama, a mbuŋ Buymisemuŋ taŋ tewle.

DANIYEL 3:28 ပူးပေါင်းရင်းမြစ်များ

ZLI VIRZI 9:26

Joˀ a ɓi ma: «Sise da Bumbulvuŋ, Buymisemuŋ ngi Sem! Kanaˀan, anja ki tiri gawla ngi Sem!

ƁI NGI HIN GAR MUDUMBUŊ NAŊ 5:20

Angi vurum nah, a cufuɗam jini avu Buymisemuŋ, asi a pulakaŋ mevel taŋ le. Dar Buymisemuŋ a cine dir dibiɗ taŋ, a vula taŋ Hagrihey ati mizli ngi si taŋhay gar asi haŋ taŋ.

ƁI NGI HINEY MUCUW NAŊ 20:20

Cẽẽt ngi li naŋ muwun na, mizli a slikiɗam, a bam nga wuzlaɓuh mikirɗak kirɗak ngi Tekoˀa. Taŋ macohom le na, Zozafat a slikiɗ, a ɓa mizli na: «Kum Zudahay ati Zeruzalemey, cinaka mingiɓi ɗu ɗi! Pulaka mevel kumo mbak da Bumbulvuŋ Buymisemuŋ kumo, naɓa kisa lumam gidaŋ. Pulaka mevel kumo mbak da mijiviɗ naŋhaya, naɓa kisa lumam bugawla.»

ƁI NGI HINEY MUCUW NAŊ 32:21

Joˀ Bumbulvuŋ a slino modro naŋ ng'ar li pi sar ngi Asiriheye, a ngizla soje miwirwirey ati madiɗa ngi sojehey waɗ mizli hirnga ngi buy Asiriheye pay. Buy Asiri tuwa, a mi tilngir tirngir ti mesem nga ruwuy naŋ. Naŋ mici ng'ar hay kuli naŋ na, ziri naŋhay tehhe a muŋ a kiɗaka vagay ti maslalam.

ESDRAS 1:3

Ko wa gar a wuzla kumo, mubo ti wuzla mizli naŋhay gar na, anja Buymisemuŋ naŋ a ndir ati naŋ, a mi nga Zeruzalem, hirwuy Zuda, nga ndira hay da Bumbulvuŋ Buymisemuŋ ngi Israyele. I Buymisemuŋ misi a Zeruzalem!

ESDRAS 6:11

Ko wa gar mingila ɓi hana le na, y'ani i ɓi ɗaˀ le vurˀe: a muɗam mbal purla avu hay naŋ, a ng'aka kaˀ a ruwuy, a cufakaŋ a raŋ, ɓa a ci nga mozoroɓ, hã a bo ti balam, yo hay naŋ kwana, a gam di kitikil.

DIMISEY 103:20

Kum modro ngi Bumbulvuŋhoy, gakaŋ sise, gwat naŋ muɓukum di le na, ki ra gaka mbar vu wãˀ, yo naŋ miɓi le ɗaˀ si na, ki ra cinakaŋ mi.

DIMISEY 147:11

Amma Bumbulvuŋ a hiyĩ di i mizli masinakaŋ, manjaham hiri njah asi gi teŋteŋ naŋ.

DIMISEY 33:18

Amma Bumbulvuŋ ara jigina mizli mazluwunam di, ara jigina mizli muɗuvaka wuluk taŋ le taˀ angi gi teŋteŋ naŋ na,

DIMISEY 33:21

Mumul ngir mevel ndra a bo ti vaŋ, yo i pulaka mevel ndra le mbak ar slimiɗ naŋ mipal kine na.

DIMISEY 34:22

Bonoy a sa kiɗa mbur misi moˀore, mbur mijeŋŋe, a sa kutaka mesene naŋhaya ti bonoy.

DIMISEY 62:8

Milih ɗu ati dudok ɗu, i Buymisemuŋ, mandazlay muwã ɗu migidaŋ waɗ li ɗum ɗu, i naŋ.

BI NGI ISRAYELEY 20:5

Ko ki huruk huruk a mbuŋ gwat misi ka tayna ta, yo ki gi gwat asi taŋ ta ma, asi Bumbulvuŋ Buymisemuŋ ɗik i ya, yi Buymisemuŋ mawuɗ vu suloŋ suloŋ. Da mbur ara gi mesene ti ya na, i sa kuta ti bonoy, zle avu naŋ hã dideˀ dideˀ makir malla mufaɗa.

EZAYI 12:2

Buymisemuŋ Milih ndra n'ani, i vulakaŋ mevel ndra le, yo ndr'anta zluwunam mata. Haˀaw, gidaŋ ndra ati dimis ndra, i ka Bumbulvuŋ! I ka milih ndra.»

EZAYI 37:36

Modro ngi Bumbulvuŋ a ci ng'ar walahay guɗuk ngi soje Asiriheye, a kiɗ mizli durmuk skat ti kukur dangafaɗ nga zlum. Ngi miprike, mizli mindiramay a slikiɗam, keɗ na, vagay ngi mizli mumucahay tuwa saɓaɓaɓa.

EZAYI 50:10

A wuzla kumo, mbur mazluwun ti Bumbulvuŋ ada kwa? Mbur macina ˀay ngi gawla naŋ ada kwa? Mbur maru ar luvuŋ, manja a lum li minjahha ada kwa? Anja mbur nah na, a pula vu naŋ mbak da Bumbulvuŋ naŋ, a jih jah ti Buymisemuŋ naŋ na.

DANIYEL 2:47

Buy a ɓa Daniyele na: «Gisiŋ, Buymisemuŋ kumo, i madiɗa fineˀ kuliheye, i madiɗa ar buyoyo, yo i minjika gwat maslaam wala tahay. Ka minjikiy gwat mufuna wuluk ngi mbur nah na, vurˀe.»

DANIYEL 3:25

Buy a ɓa taŋ ma: «Ani mana, yi pur mizli mufaɗ manja juwoy, ara laˀam a wuzla vu, ko waˀa neˀ avu taŋ anta. Mumufaɗ taŋ a bam vu ati mbur muso ti muŋ.»

DANIYEL 4:34

Wurenna, ya Nabukodonozoro, i ra hunuma Buymuŋ, i ra jaŋ salalay, waɗ i ra gaŋ dudok. Asi gwat ngi gi naŋ, naŋ kasl kasl, jiviɗ naŋ, naŋ jeŋŋe, yo mizli mahuhumom vu na, a mataŋ nga ruwuyo gu.»

DANIYEL 6:16

Mizli tuwa, a mam kutum ng'avu buyo, a ɓakaŋ: «Kumani, ɓimujuwa ngi Medihey ati Perseheye a ɓi, da buy a tik gwat le, yo a ɓi le ɗaˀ na, ko ɓi nah anta mbiɗi ta na, ki si na le takwa?»

DANIYEL 6:26

Akẽh na, buy Dariyus a tuh letir da mizli gar, sukwihey ati mizli maɓam mi miwal walay misi asi hirwuy gar, a ɓa taŋ: «Anja ki cifam zuy zuy kuy kuy!

Matiye 4:10

Joˀ Yesu a ɓaŋ: «Kirih kileŋ avu ya, Satan! Asi a tohoko na: «Ki sa putukul a mbuŋ Bumbulvuŋ Buymiseuŋ ɗik, yo kisa huruk huruk a mbuŋ naŋ pal naŋ tewle.»

SLRA 4:19

Amma Piyer ati Zaŋ a mbiɗaka taŋ di: «Mikaslsla a mbuŋ Buymisemuŋ i wanaka? I cinami da kum kwa, malla da naŋ? Avu kum maslaka wala nah so.

SLRA 5:19

Amma ngi duvuɗo, modro ngi Bumbulvuŋ a sawa, a wuna miviŋ ngi dangaya, a bo taŋ, a ɓa taŋ:

ROMAHAY 12:1

Sukum ɗu misikristuhoy, ambuh ambuh kum ti slimiɗ ngi Buymisemuŋ mapur ˀircece haɗa na so, ɓa ki vulakaŋ vu kumo wãˀ ti haŋ kumo, kaɓa gwat misi titiri ngi gi mikuli a mbuŋ Buymisemuŋ, mihĩˀĩ da Buymisemuŋ, maciraŋ hiri. Dilik kum mikaslsla ti jiviɗ naŋ a mbuŋ Buymisemuŋ, i nah so.

KORENTIHEY MUDUMBUŊ 13:3

Da ko i wunka zlili ɗu le gar da mizli muroko ar may, malla da ko i vula vu ɗu le ngi wur ar vu tekeɗe kwana, amma da y'anta wuɗ vu ta na, ko y'anta lum migir ɗu aseˀe ta.

FILIPIHEY 1:20

Asi mike na, ya makutuk ti yam ar gojogoɗ, yo ya manjih hiri gar na, y'anta sa pi mesem ta wãˀ. Amma wurenna ati nga mbuŋ gar na, y'anta zluwun ko neˀ ta wãˀ. Ko da ya ti siifa malla ko da ya mumuc le kwana, mizli a sa puraka dudok ngi Kristu avu dumvu ɗu.

HEBEREY 1:14

Modrohoy vuna gar i musuɗukoy, yo a gam slra ngi Buymisemuŋ maslina taŋ ngi jina mizli masa lumam lih na ta kwa?

HEBEREY 11:37

Mekelemeye ma na, a kuypaka taŋ ti ɗugur, a bukoko taŋ wurasl wurasl. A kiɗaka numuŋhoyo vagay vagay ti maslalam. A lumam cifi ar li purla ta. A kam zana ngi garak ngi tumuŋhoy malla zana mijaka ti ngwic ngi ˀaway. A tiram misi murgahay, a guzuvuraka taŋ, a gaka taŋ bonoy.

PIYER MUDUMBUŊ NAŊ 1:21

Kum matiɓaka Buymisemuŋ na, mbele naŋ, naŋ mislikiɗaŋ ti wuzla mumucahay, yo muvulaŋ dudok, hã tiɓi kum ati njaha hiri kum, a cici angi Buymisemuŋ.

ƁIMUNJUYO 12:11

Amma taŋ a pakaŋ hirnga le, mbele pumbus ngi tumuŋ, yo mbele mingiɓi, taŋ migaka sedewo naŋ na ma. A tiɓaka le ɓa a vulaka hirnga taŋ, hã a micam.