DANIYEL 3:25 - Bible en langue guiziga

²⁵ Buy a ɓa taŋ ma: «Ani mana, yi pur mizli mufaɗ manja juwoy, ara laˀam a wuzla vu, ko waˀa neˀ avu taŋ anta. Mumufaɗ taŋ a bam vu ati mbur muso ti muŋ.»

DANIYEL 3:25 ပူးပေါင်းရင်းမြစ်များ

Ɗerewol JOP 1:6

Ti di numuŋ ada na, modro ngi Buymisemuŋhoy a ram nga mbuŋ Bumbulvuŋ. Satan mukupa ɓi aru a wuzla taŋ ya.

Ɗerewol JOP 38:7

Naɓa ti nah na, bangay ngi wuna liheye, ara waka ˀay ngi dimise ngirzliŋŋe, yo modro ngi Buymisemuŋhoyo, ara jam salalay.

Ɗerewol JOP 5:19

Gir mira lumuw is mbeˀ mbeˀ kwana, a lihuw a lihuw, ko gwat maguw neˀ anta.

DIMISEY 34:7

Da mbur muvuso, a zila Bumbulvuŋ le na, Bumbulvuŋ a cinaŋ di, a lahaŋ avu bonoy naŋhaya gar.

MIKUCUWULOY 30:4

Mijiɗ ɗaˀ nga muŋ, a po sar a muŋ na i waka? Mija himiɗe kaw asi haŋ naŋ ɗaˀ i waka? Mimbiza yama mbizeˀ ar godo naŋ ɗaˀ i waka? Micica maakway ngi ruwuy gar i waka? Slimiɗ naŋ mbrike? Mangal naŋ a sa zilaka mbrike? Ko mbri na, ki si na le sotuwaɗi?

EZAYI 43:2

Da ki ra tuwuɗam yam na, y'ada ati kumo, da ki ra tuwuɗam mizaw ma na, anta sa ndukum ta. Da ko ki ra ram tir vu kwana, anta sa wurukum ta, yo irne vu anta sa zlumukum mata.

ZEREMI 1:19

A sa gam kiɗa vu ati ka, amma t'anta sa gukuw gwat neˀ gu ta, asi y'ada ati ka, ɓa i tuɓuw tisi haŋ taŋ. I ya Bumbulvuŋ maɓi.»

ZEREMI 1:8

Ki zluwun ti mbur ko loŋ ta, y'ada ati ka, i sa lihuw. I ya Bumbulvuŋ maɓi.»

ZEREMI 15:21

I lihuw tisi haŋ ngi mizli mukuwahaya, i tuɓo ka tisi haŋ ngi misi moˀoreheye.»

DANIYEL 3:18

Aw buy ɗu! Sina sin le, da ko a ngum ta kwana, ndr'anta sa cinaka mi da kuli ɗikeye ta, yo ndr'anta sa huruk hurukam a mbuŋ kuli ka mipa ti ɓiri tapasl tapasl, ka ɓi micica deŋ na ta ma.»

DANIYEL 3:24

Nabukodonozor buy madiɗa a cine na, ara zlam dimisi. A zumaŋ hirnga le, a slikiɗ badam. Joˀ a zla a ɓa mukuti vu naŋhaya: «Ndra mihizigam ng'ar vu na, i mizli makir mujuwahay kaˀ kaˀ le tuwa takwa?» Mizli a mbiɗakaŋ di: «Haˀaw buy madiɗa, naŋ kanah.»

DANIYEL 3:28

Nabukodonozor a zla a ɓi: «Sise da Buymisemuŋ ngi Sadrak, ngi Mesak ati ngi Abet-Nego. A slino modro naŋ le, yo a laha migi slra naŋhaya le asi taŋ muvulakaŋ vu taŋ. A pulaka mingiɓi nga ya buyo le. A wuɗam i bonoy jaka, a cinaka mi ngi kulihey ta, a huruk hurukam a mbuŋ taŋ ta, sey a cinam mi, yo a huruk hurukama, a mbuŋ Buymisemuŋ taŋ tewle.

DANIYEL 6:23

Buymisemuŋ ɗu a slino modro naŋ le, a gica mi ngi moboroyo kap kap, ani ko a gikiy gwat ta, asi Buymisemuŋ a pura le, ya jeŋŋe a mbuŋ naŋ, yo ka buyo kwana, yi guw malambaˀ ko pal ta.»

Mark 16:18

a sa jaka kawa ti haŋ, gwat makiɗ vu vagaya, da ko a saka le kwana, anta sa ga taŋ gwat ko neˀ ta, a sa bucaka haŋ angi misi jijihey, mizli tayna a sa mbulom.

Ɓimezle ngi Yesu Kristu LUK mitil di mi 1:35

Modro a mbiɗaŋ di: «ˀUf Mipal a sa so ar ka, gidaŋ ngi Buymisemuŋ Mimadiɗa a sa sirtuw ti susuɗuk naŋ. Vurˀe, mangal masa ya ka na, naŋ pal, yo a sa zilaka Mangal ngi Buymisemuŋ.

SLRA 28:5

Amma Polo kuca kaw tuwa kwic ng'ar vu. Ko anta cin ji naŋ neˀ le ta.

ROMAHAY 1:4

Amma ti naŋ mislikiɗ ti wuzla mumucahay na, ˀUf Mipal a biga le ti gidaŋ, naŋ i Mangal ngi Buymisemuŋ.

PIYER MUDUMBUŊ NAŊ 3:13

Da ki roko hurdumom ngi gi gwat mezle na, masa gukum malambaˀa, i waka?