DANIYEL 3:17 - Bible en langue guiziga

¹⁷ Aw buy ɗu! Da Buymisemuŋ, ndra magam slra naŋ na, a laha ndra gu na, anja a sa laha ndra tir vu munjulili vuna waɗ tisi haŋ ɗike ma.

DANIYEL 3:17 ပူးပေါင်းရင်းမြစ်များ

ZLI VIRZI 17:1

Bumbulvuŋ mibiga vu da Abrama, naɓa naŋ ti vi kukur ngoltir ngaŋ ngoltir, a ɓaŋ: «Buymisemuŋ misi gidaŋ wãˀ i ya. A rudigi a mbuŋ ɗu, cifi kaslsla.

ZLI VIRZI 18:14

Gwat mafucuka Bumbulvuŋ ada kwa? Ya masa mo didirba li kahana ngi hay ɗik na, naɓa Sara naŋ ti mangal a duba.»

Ɗerewol JOP 34:29

Amma da Buymisemuŋ a cifi le teˀ teˀ na, masa jaŋ ti kiita i waka? Da a ɗumo mihiri naŋ le na, masa pura kwaŋ i waka? Dambalaka ara ki slimiɗ ar sukwi ngi mizli titirahay ar duniya vuna ngbaŋ.

Ɗerewol JOP 5:19

Gir mira lumuw is mbeˀ mbeˀ kwana, a lihuw a lihuw, ko gwat maguw neˀ anta.

DIMISEY 115:3

Buymisemuŋ ndra, naŋ da a muŋ, gwat naŋ muwuɗ gar na, a ga le.

DIMISEY 37:39

- Malaha mizli mijeŋŋeheye, i Bumbulvuŋ, ar pas ngi mendere na, naŋ i li taŋ muguno ti mohol.

DIMISEY 37:40

Bumbulvuŋ a jina taŋ, yo a cuko taŋ ar bonoyo, a cuko taŋ avu miziriɗa miheye, yo a laha taŋ, asi a tiram di le, i li ɗum taŋ.

EZAYI 12:2

Buymisemuŋ Milih ndra n'ani, i vulakaŋ mevel ndra le, yo ndr'anta zluwunam mata. Haˀaw, gidaŋ ndra ati dimis ndra, i ka Bumbulvuŋ! I ka milih ndra.»

EZAYI 54:14

Ki sa cifi ti gi gwat mijeŋŋe, ko mbur masa wusuw gu anta. Yo k'anta sa zluwun ti gwat neˀ ta, gwat ngi muɗa didak anta sa ndiluw neˀ mata.

ZEREMI 1:8

Ki zluwun ti mbur ko loŋ ta, y'ada ati ka, i sa lihuw. I ya Bumbulvuŋ maɓi.»

ZEREMI 15:20

Avi mizli tayna, i sa tiri ti ka mohol ngi ɓiri gaza mawus ta. Taŋ a sa kiɗam vu ati ka, amma ko anta sa gukuw gwat neˀ ta: asi y'ada ati ka, ɓa i lihuw waɗ ɓa i cukuw tir bonoyo. I ya Bumbulvuŋ maɓi.

ZEREMI 15:21

I lihuw tisi haŋ ngi mizli mukuwahaya, i tuɓo ka tisi haŋ ngi misi moˀoreheye.»

DANIYEL 3:26

Dar Nabukodonozor a girjih ng'avi mi ngi vu munjulili tuwa, a ɓi: «Sadrak, Mesak ati Abet-Nego migi slra ngi Buymisemuŋ mimadiɗa, boko, soko!» Dar ti Sadrak, Mesak ati Abet-Nego a boko ti wuzla vu.

DANIYEL 6:16

Mizli tuwa, a mam kutum ng'avu buyo, a ɓakaŋ: «Kumani, ɓimujuwa ngi Medihey ati Perseheye a ɓi, da buy a tik gwat le, yo a ɓi le ɗaˀ na, ko ɓi nah anta mbiɗi ta na, ki si na le takwa?»

DANIYEL 6:23

Buymisemuŋ ɗu a slino modro naŋ le, a gica mi ngi moboroyo kap kap, ani ko a gikiy gwat ta, asi Buymisemuŋ a pura le, ya jeŋŋe a mbuŋ naŋ, yo ka buyo kwana, yi guw malambaˀ ko pal ta.»

DANIYEL 6:27

I vula mingiɓi ɗu ani, ya miɓa ɗaˀa: anja a zluwunam kirkir ti Buymisemuŋ ngi Daniyele, ar zumabuy ɗu gar. Asi Buymisemuŋ misi ti siifa i naŋ, yo a ndir ngi sete. Zuma buy naŋ anta kiɗ ta, yo a sa ndir i buy madiɗa hã ngi samadin.

MISE 7:7

Amma ya, i mbiɗi ng'avu Bumbulvuŋ, i njih hiri asi Buymisemuŋ, milih ɗu, ya mazilaŋ na, Buymisemuŋ ɗu a sa ciniy di.

Ɓimezle ngi Yesu Kristu LUK mitil di mi 1:37

Asi gwat mafucuka Buymisemuŋ anta.»

SLRA 20:24

Na zle, y'anta pura siifa ɗu kaɓa i gwat mupuɗaw ta. Ya magi hĩˀĩ na, ɓa yi kiɗa mi ngi pi mi ɗu kuy kuy waɗ slra Buy Yesu mupuliy di na, i sedewo ngi Ɓimezle, ti gimezle ngi Buymisemuŋ.

SLRA 21:13

Dar a mbiɗa ndra di: «Ki tuwam, yo ki slikiy mevel vur mike? I juw vu le, ɓa a juwikiy ti juw tew ta ma, amma ɓa yi muc a Zeruzalem asi slimiɗ ngi Buy Yesu.»

ROMAHAY 8:31

Ani, i ɓam mbri aruŋ maka? Da Buymisemuŋ i ngi ndra na, magi mesene ti ndra gu, i waka?

KORENTIHEY MUCUW NAŊ 1:10

Milaha ndra tir muc misi kahana na, i naŋ. Yo a sa laha ndra ti ra ava ma. I njaham hiri le asi naŋ, a sa laha ndra ti ra ava ma.

HEBEREY 7:25

Vurˀe, Yesu, mizli makiraham ng'avu Buymisemuŋ tiseˀe na, a ndila le ngi laha taŋ wãˀ ngi sete, asi naŋ da ti siifa ndrehhe ngi tumbulo Buymisemuŋ ar deɗe taŋ.

SAMUYEL MUDUMBUŊ NAŊ 17:37

Mobor ati luˀuf, Buymisemuŋ a lihiy le avu zlenek taŋhaya. A sa lihiy a haŋ mbur Filisti nah vuna, kanah ya.» Davit a ɓa Sawulo ka misenna. Joˀ Sawul a mbiɗaŋ di: «da kine na, ka ru so, anja Buymisemuŋ naŋ da ti ka.»

SAMUYEL MUDUMBUŊ NAŊ 17:46

Dana hana, Buymisemuŋ a sa vuluw asi haŋ ɗu: yi sa kiɗuw vagay yo yi sa buko hirnga ɗike. Dana dana vuna, i sa vula vagay ngi soje Filistiheye da ɗiyuw ngi ɓuhuhoy ati gwat ngi ɓuhuhoy. Hirwuy keɗeɗe gar a sa sina, dambalaka Bumbulvuŋ ada a ruwuy Israyele.