DANIYEL 3:12 - Bible en langue guiziga

¹² Na kumani, ti Sadrak, Mesak ati Abet-Nego, gawla Yudehey, ka muvula taŋ Babiloŋ ɓa a waka tuwa, a kam slimiɗ ar mingiɓi ɗike ta. Tˀanta cinam mi da kuli ɗikeye ta, t'anta hurkom a mbuŋ gwat mipa ti ɓiri tapasl tapasl, ka ɓi micica deŋ na ta.»

DANIYEL 3:12 ပူးပေါင်းရင်းမြစ်များ

ESTER 3:8

Akẽh na, Haman a ɓa buy Zersese: «Kumani, mizli ada na, sukwi taŋ gwah pal, taŋ suɓulak a wuzla mizli ngir li buyoy miwaka taŋ gar asi ruwuy ɗik, ka mazum buy anga gar. Ɓimujuwa nga taŋ naŋ pal avu ngi mizli gar. Yo ɓi ngi ka buy mujuwa na, taŋ, t'anta sipaka ta. Ɓa ki pula taŋ setette kanah na, ko t'anta pulukuw gir neˀ ta.

MIKUCUWULOY 27:4

Himaˀ a gi bonoy da mbur, ji mevel i mizaw mazuɓ mekepel, amma suloŋ na, maɓusa ɓi nah gu i waka?

TILA MI 4:4

Yi pura na, slra gar ati bi ti jeŋ ar slra gar na, i suloŋ mizli magaka ar wala taŋ. Nah kwana, i ngatara lambaˀ, yo naŋ ka himiɗ ngataraŋ.

DANIYEL 1:7

Madiɗa ngi migi slra ngi mamay buyo, a ca taŋ slimiɗ mekelemey. Daniyele, a zila Beltasar, Hananiya, a zila Sadrak, Mikayele, a zila Mesak waɗ Azariya, a zila Habet-Nego.

DANIYEL 2:48

A dirba nah, buy a ga ɗongor da Daniyele, a vulaŋ gwat madiɗahay haɗi ngataraŋ, a vulaŋ hirwuy vay buy miwi li miwa a Babiloŋ gar, waɗ a tiri di madiɗa ngi misi sin mijileŋ ngi Babiloŋhoy gar.

DANIYEL 2:49

Daniyele, a cufuɗ gwat avu buyo, joˀ buy a vula slra ngi ngomna da Sadrak, Mesak, ati Abet-Nego, a hirwuy vay buy miwi li miwa a Babiloŋ. Amma a cufa Daniyele, a mizlingre naŋ.

DANIYEL 3:11

Yo ko wa gar misa huruk ta, yo misa huruk huruk a mbuŋ naŋ ta na, a sa hizigaka ng'ar vu munjulili.›

DANIYEL 3:16

Sadrak, Mesak ati Abet-Nego a ɓaka buyo: «Aw Nabukodonozor ɗu, vur ɓi nah, ndr'anta ti may ngi mbuɗukuw di ko neˀ ta.

DANIYEL 3:29

Na ya so na, yi ɓi le ɗaˀ le: «A wuzla mizli ɗuwoy, sukwi ɗuwoy, ati mizli maɓam mi miwal walay gar na, mbur masa ɓi mi malambaˀ ar Buymisemuŋ ngi Sadrak, Mesak ati ngi Abet-Nego na, a sa puwaka paw paw, yo hay naŋ a sa tiri kitikil. Asi Buymisemuŋ mekelem malih vu ka hana, anta.»

DANIYEL 3:30

Akẽh na, buy a vula li cifi mezle da ti Sadrak, Mesak waɗ Abet-Nego a Babiloŋ.

DANIYEL 6:13

A mam, ara lumaka buy madiɗa vur ɓi ngi naŋ muɗuv ɓi ngi tika gwat tuwa, a ɓakaŋ: «Ki ɗuv haŋ le ar ɓi micica ngi tika gwat, ki ɓi: ‹Ar hin kukur makire, da mbur midir dibiɗ le da kuli mekelem, malla da mbur mekelem mbak ka buyo le na, a sa hizigaka ng'ar butum ngi moboroy› kini takwa buy?» Buy a mbiɗa taŋ di: «Naŋ kanah gisiŋ, ko anta mbiɗi takaɓa ɓimujuwa ngi Medihey ati Persehey na.»

DANIYEL 6:14

Dar a ɓaka buyo: «Kumani ɗu, na Daniyel ngi wuzla mizli mijoko taŋ ti Zuda tuwa, anta cin mi da ka buyo ta, da ɓi mitikaka muɗuva haŋ ara na ta ma, asi ara dir dibiɗ da Buymisemuŋ naŋ, vur hin gar is makir makir.»

SLRA 17:7

Yo Zasoŋ a tiɓa taŋ le a hay naŋ. Mizli tayna gar, gi gwat taŋ a zliram ati ɓimuɗuva ngi buy mimadiɗa ta, taŋ a ɓam buy mekelem ada pal, i Yesu.»

SLRA 5:28

«I tikukum le zleˀe kaŋ kaŋ wãˀ ɓa ki dubunam gwat da mizli ti slimiɗ ngi mbur nah ta ta kwa? Ani ki zliraka Zerusaleme le ti dubun kum nah, ki wuɗam ki poko zayɓi ngi muc ngi mbur nah nga hirnga ndra sukwani?»