DANIYEL 2:48 - Bible en langue guiziga

⁴⁸ A dirba nah, buy a ga ɗongor da Daniyele, a vulaŋ gwat madiɗahay haɗi ngataraŋ, a vulaŋ hirwuy vay buy miwi li miwa a Babiloŋ gar, waɗ a tiri di madiɗa ngi misi sin mijileŋ ngi Babiloŋhoy gar.

DANIYEL 2:48 ပူးပေါင်းရင်းမြစ်များ

SAMUYEL MUCUW NAŊ 19:32

Barzilay i mbur Rogelim ngi ruwuy Galaˀat. A tuwuɗaka mizaw Zurdeŋ ati buyo, a mbiɗa mi da buyo a mi mizaw Zurdeŋ.

BUYOY MUCUW NAŊ 5:1

Naˀaman i madiɗa ngi soje ngi buy Sirihey. Buy naŋ a wuɗaŋ haɗa teˀe, asi Buymisemuŋ miga ɓa Sirihey a lumam bugawla na, mbele naŋ. Na so na, mbur bugawla nah na, i misi kukula.

Ɗerewol JOP 1:3

Naŋ ti tumuŋ durmuk tarnaˀ, zlogomo durmuk makir, sla ngi hufoy, gam skat skat zlum, zungu madiya skat skat zlum waɗ gawlahay kweslekwesle. Asi ruwuy Palestin vay ngi si pas ngi miprike, ko mbur mindilaŋ anta.

ZEREMI 5:5

I sa ru ng'avi mizli madiɗa taŋhaya, ɓa i ɓam ɓi ati taŋ. Ko mbri na, taŋ a sinaka gwat Bumbulvuŋ mawuɗo le, a sinaka gwat Buymisemuŋ taŋ macufuɗo le.» Amma taŋ gar i magayak purla, a ngumam cine mi ta, a slam himaˀ le.

DANIYEL 2:6

Yo da ki njikikiy di le, ki ɓikiy mbiɗeˀvra naŋ le na, i sa vulukum gwat ngatarahay, i sa vulukum madiɗa waɗ i sa ɗuvukum hirnga haɗa. Njikikiy musuwun ɗu, yo ɓikiy mbiɗeˀvra naŋ.»

DANIYEL 3:1

Nabukodonozor buy madiɗa a pi kuli ti ɓiri tapasl tapasl. Gil naŋ nga muŋ, metir kukur makir, sliprik naŋ, metir makir. Joˀ a ɓa mizli a ng'aka kaˀ ar li micay ngi Dura, hirwuy ngir li Babiloŋ miwa.

DANIYEL 3:12

Na kumani, ti Sadrak, Mesak ati Abet-Nego, gawla Yudehey, ka muvula taŋ Babiloŋ ɓa a waka tuwa, a kam slimiɗ ar mingiɓi ɗike ta. Tˀanta cinam mi da kuli ɗikeye ta, t'anta hurkom a mbuŋ gwat mipa ti ɓiri tapasl tapasl, ka ɓi micica deŋ na ta.»

DANIYEL 3:30

Akẽh na, buy a vula li cifi mezle da ti Sadrak, Mesak waɗ Abet-Nego a Babiloŋ.

DANIYEL 4:6

‹Beltasar, madiɗa ngi mupura daˀasay, yi si na le, sin ngi kuli mezlehey ada ar ka, yo gwat mufuna wuluk ngi mbur wanaka gar na, anta zumuw hirnga ta. Ɓiy ɓi ngi gwat ya mupura ti kleŋ na, yo ɓiy mbiɗeˀvra naŋ ma.

DANIYEL 4:9

Kalaf naŋhaya teken teken, yo a yi doɓoɓ doɓoɓo, mizli gar a lumam, a zumam. Gwat misãmi ngi ɓuhoy, a hinam aseˀe, ɗiyiwoy a ɗiyam hay taŋhay ar mihaŋ naŋhay, gwat misi titiri gar a lum mi nga naŋ ngi zumo.

DANIYEL 5:11

Ar zumabuy ɗike, mbur ada, sin ngi kuli mezlehey ada ar naŋ. Ti hin ngi cine ɗik mazum buy na, i puraka na, a sla wala ngi ɓi kwaŋ kwaŋ, naŋ ti slesle, yo naŋ ti sinmijileŋ kaɓa ngi kuli mezlehey. Cine ɗik Nabukodonozor a cufaŋ i madiɗa ngi muɓula musuɗukoy, ngi mupura kulihey, ngi misi cucukoy waɗ ngi mizli mupura wurzlaŋhay. Cine ɗik buy miga na, naŋ kanah.

DANIYEL 5:16

Na yi cin na, ki ɓa mbiɗeˀvra ngi gwataya, yo ki ɗiya ɓi mutuwaˀhaya gu. Wurenna so na, gwat mutoho hana, da ki slufa le gu, ki ɓiy mbiɗeˀvra naŋ le gu na, a sa kukuw zana hirnga, a sa luwukuw virzle ngi ɓiri tapasl tapasl asi ˀaya, joˀ kisa cifi madiɗa migi slra ngi buy ar zumabuy ɗu.»

DANIYEL 5:29

Akẽh na, Baltazar a ɓa mizli, a kaka zana hirnga da Daniyele, a luwakaŋ virzle ngi ɓiri tapasl tapasl asi ˀaya, yo a ɓa taŋ ɓa a tilam mi ti ɓi ngi Daniyel masa cifi madiɗa migi slra ar zuma buyo.

DANIYEL 5:7

Dar buy a widi ti gidaŋ, a ɓi ɓa muɓula musuɗukoy, mupura kulihey ati mupura wurzlaŋhay a soko. A ɓa mizli misi sinmijileŋ ngi Babiloŋ tayna: «Ko wa gar muslufa gwat mutoho hana le, yo a njika mbiɗeˀvra naŋ le na, a sa kakaŋ zana hirnga, a sa luwakaŋ virzle ngi ɓiri tapasl tapasl asi ˀaya, yo naŋ vuna, a sa cifi madiɗa migi slra ar zuma buyo.»

DANIYEL 8:27

Ya Daniyele, i ra hĩhĩy, ya guta, ɓaˀ hin mbeˀ mbeˀe. A dirba nah, i slikiɗ, i gi slra ngi buy. Wuluk ara giriy, vur ɓi ngi gwat ya mupura ti kleŋ na, amma ko mbur misla wala naŋ anta.

SLUFA VU 24:11

Da kine na, cuh, mi nga hirwuy ɗiki. Yi ɓi zleˀe, i sa ɗuvuw hirnga, amma Bumbulvuŋ a tukuw di le!»

SAMUYEL MUDUMBUŊ NAŊ 17:25

Mizli Israyeley, a ɓam: «Ki puraka mbur mubo ngi diga na le ya? A bo na, ɓa ngi pa mesem da Israyel so. Da mbur mikiɗa le na, ɓa buy a sa vulaŋ zlili haɗa. Buy a sa vulaŋ zuŋ naŋ, yo hay ngi cine naŋ a sa lum gi mezle angi hirwuy Israyele.»

SAMUYEL MUDUMBUŊ NAŊ 2:8

A slikiɗa mbur hĩhĩya midiɗ le putukul ar lagwaɗa, yo a zuɓa mbur misi murga misi ar kitikile, ɓa ara cifa taŋ jom ati buyoy, yo ɓa a vula taŋ li cifi hirnga. Asi ɓamtal mijaha duniya, inga naŋhay, muɗuva duniya taˀ angi taŋ na i naŋ.

SAMUYEL MUDUMBUŊ NAŊ 25:2

Mbur ada a Maˀoŋ, i mbur mugop haɗa teˀe. A ga slra naŋhaya gar a Karmel. Naŋ ti tumuŋhoy durmuk makir waɗ ˀaway durmuk purla. Aru nga Karmel nga sli ngwic ngi tumuŋ naŋhay.