DANIYEL 2:47 - Bible en langue guiziga

⁴⁷ Buy a ɓa Daniyele na: «Gisiŋ, Buymisemuŋ kumo, i madiɗa fineˀ kuliheye, i madiɗa ar buyoyo, yo i minjika gwat maslaam wala tahay. Ka minjikiy gwat mufuna wuluk ngi mbur nah na, vurˀe.»

DANIYEL 2:47 ပူးပေါင်းရင်းမြစ်များ

ZLI VIRZI 41:39

Buy madiɗa ngi Ezipte a ɓa Zozefe: «Ani Buymisemuŋ a njikuw gwat tayna le gar, mbur misi ti lesl, yo misi ti sinmijileŋ kaɓa ka vuna anta.

BUYOY MUCUW NAŊ 5:15

Neˀ si na, a moko ati mizli ngi seˀeheye ng'avu mijiviɗ ngi Bumbulvuŋ. A ci, ara cici deŋ a mbuŋ naŋ, a ɓaŋ: «Wurenna, i si na le, a si ruwuy gar na, Bumbulvuŋ mekelem anta, sey ar hirwuy Israyel tewle. Ambuh, gwat ya gawla ɗik mavuluw di hana na, inga tiɓa takwa.»

Ɗerewol JOP 12:19

A ga ɓa masayay a laˀam kiŋ kiŋ lambaˀ, mizli mujoˀjoˀ, gidaŋ gidaŋ ar li taŋhaya, a putukuso taŋ avra.

DIMISEY 136:2

Hunumaka Bumbulvuŋ mimadiɗa ar kulihey cek na, asi gi teŋteŋ naŋ, anta kiɗ mi ta.

DIMISEY 136:3

Hunumaka Bumbulvuŋ mimadiɗa ar kuliheye cek na, asi gi teŋteŋ naŋ anta kiɗ mi ta.

DIMISEY 72:11

Buy madiɗahay gar a sa huruk hurukam a mbuŋ naŋ, sukwi ngi mizli ngi si ruwuyoy gar a sa gam gawla naŋ.

DIMISEY 82:1

Dimis ngi wuzla dimis ngi Asafay. Buymisemuŋ naŋ da deŋ a wuzla kus ngi mingilawuy naŋhaya, ara gi kiita a wuzla madiɗa ngi muŋhoy, a ɓa taŋ:

DIMISEY 96:4

Asi Bumbulvuŋ i madiɗaŋ, a ndila le ngi hunumo, a gi zluwun da mburu, yo naŋ fineˀ kulihey gar.

EZEKIYEL 26:7

Naŋ kine, ya Bumbulvuŋ, Buymisemuŋ i ɓi na: Ani i sa ga, ɓa Nabukodonozor, buy madiɗa ngi Babiloŋ, buy vay muŋ, buy mufuna buyoy, a slikiɗo a sa lumuw ka Tire, ti pilis naŋhay, ti mota ngi vurumoy, ti misi pilisey, ti sojehey hiɗim hiɗim, mizli haɗa, ko a sluf ta.

DANIYEL 11:36

Buy a sa gi kaɓa naŋ mawuɗo. A sa zluzluɓ, a njur njor njor fineˀ kulihey gar. A sa ɓi ɓi malamɓaˀ a hirnga Buymisemuŋ mufuna kuliheye. A sa lum bugawla, hã himaˀ ngi Buymisemuŋ a gi. Asi gwat Buymisemuŋ ɓi micica ɓi naŋ na, a sa gi muduba.

DANIYEL 2:19

Akẽh na, ngi duvuɗo, gwat mufuna wuluk ngi mbur tuwa, a njik avu Daniyele, a pura ti kleŋ. Joˀ a ga sise da Buymuŋ.

DANIYEL 2:22

Gwat miyaŋŋahay ati miɗum ɗumoyo, i naŋ manjika taŋ. Gwat miɗum ar luvuŋ, a si na le, asi li naŋ misi ara na, i li minjaha.

DANIYEL 2:28

Amma Buymuŋ ada, a njik gwat mufuna wuluk ngi mbur, yo gwat masa gi ti mbuŋ na, i naŋ mabuguw di da ka buy madiɗa Nabukodonozoro. Musuwun ɗik ati gwat ka mupura ti kleŋ, ti ka mutup na, n'ani.

DANIYEL 2:29

Aw buy ɗu, ti ka mutup na, ki ra wuluk ar gwatay masa gam ti mbuŋ. Minjika gwat maslaam wala tahaya, a njukuw gwat masa gam tumbuŋ le.

DANIYEL 2:30

Na ya, gwat mufuna wuluk ngi mbur na, a njikikiy di le. Anta vur ya ti sinmijileŋ fineˀ mizli gar ta, amma vur ɓa i njukuw ɓi naŋ da ka buyo, waɗ ɓa ki si na wuluk ngi mevel ɗike.

DANIYEL 2:37

Aw buy ɗu, ki buy madiɗa ngi buyoy gar. Ka, zumabuy, gidaŋ ngi wi mizli waɗ dudoko, Buymuŋ a vuluw taŋ le.

DANIYEL 3:15

Na wurenna, kum masa cinaka ˀay ngi tulum, ngi bozloro, ngi garaya, ngi gujuvur, ngi kããku ati ngi gwat ngi dunguroy miwal wal na, ki juwam vu le ɓa kisa hurukom, yo kisa huruk hurukam a mbuŋ kuli ya mipa ti ɓiri tapasl tapasl tuwa muduba sukwa? Da ki huruk hurukam a mbuŋ naŋ ta na, i sa hizigukum ng'ar vu matiɓi giw giw. Ko kuli masa luhukum tisi haŋ ɗu anta.»

DANIYEL 3:28

Nabukodonozor a zla a ɓi: «Sise da Buymisemuŋ ngi Sadrak, ngi Mesak ati ngi Abet-Nego. A slino modro naŋ le, yo a laha migi slra naŋhaya le asi taŋ muvulakaŋ vu taŋ. A pulaka mingiɓi nga ya buyo le. A wuɗam i bonoy jaka, a cinaka mi ngi kulihey ta, a huruk hurukam a mbuŋ taŋ ta, sey a cinam mi, yo a huruk hurukama, a mbuŋ Buymisemuŋ taŋ tewle.

DANIYEL 3:29

Na ya so na, yi ɓi le ɗaˀ le: «A wuzla mizli ɗuwoy, sukwi ɗuwoy, ati mizli maɓam mi miwal walay gar na, mbur masa ɓi mi malambaˀ ar Buymisemuŋ ngi Sadrak, Mesak ati ngi Abet-Nego na, a sa puwaka paw paw, yo hay naŋ a sa tiri kitikil. Asi Buymisemuŋ mekelem malih vu ka hana, anta.»

DANIYEL 4:17

Widis ka mupura, a gi madiɗa, yo gidaŋ ma, gil naŋ sesẽŋ ar birngiŋ, yo a pur sesẽŋ asi ruwuy kurzluˀ,

DANIYEL 4:25

Gwatay miɓaka taŋ gar da buy madiɗa Nabukodonozoro, ara gam muduba.

DANIYEL 4:32

Avi naŋ na, mizli ngi si ruwuy gar i gwat mupuɗaw ta: ko vur vurum ngi muŋhoy, ko vur mizli ngi ruwuyoy kwana, a ga gwata avu wuɗ nga naŋ. Ko mbur loŋ matikaŋ gu anta, yo mambiɗaŋ hirnga ar gwat ngi gi naŋ gu, anta.

DANIYEL 5:11

Ar zumabuy ɗike, mbur ada, sin ngi kuli mezlehey ada ar naŋ. Ti hin ngi cine ɗik mazum buy na, i puraka na, a sla wala ngi ɓi kwaŋ kwaŋ, naŋ ti slesle, yo naŋ ti sinmijileŋ kaɓa ngi kuli mezlehey. Cine ɗik Nabukodonozor a cufaŋ i madiɗa ngi muɓula musuɗukoy, ngi mupura kulihey, ngi misi cucukoy waɗ ngi mizli mupura wurzlaŋhay. Cine ɗik buy miga na, naŋ kanah.

AMOS 3:7

Naŋ kine, Bumbulvuŋ Buymisemuŋ, naŋ anta gi gwat neˀ manja a njika da mijiviɗ gawla naŋhaya ta.

KORENTIHEY MUDUMBUŊ 14:25

Ɓi miyaŋ ngir mevele, a njik le, a sa tumbulo Buymisemuŋ, huruk a ruwuy, a sa putukul a mbuŋ naŋ hã a sa til mi: «Buymisemuŋ naŋ da wuzla kumo gisiŋ!»

Slu cuw 10:17

Naŋ kine, Bumbulvuŋ Buymisemuŋ kumo, i Buymisemuŋ mufuna buymisemuŋhoy, i Bumbulvuŋ mufuna bumbulvuŋhoy, i Buymisemuŋ madiɗa haɗa, migidaŋ, magi zluwun da mizli, anta gi ti mizli wal wal ta, yo a hiɗikakaŋ ti gwat ngatara gu ta.

TIMOTE MUDUMBUŊ NAŊ 6:15

A sa bugo vu kasl angi pas Buymisemuŋ misla. I Buymisemuŋ mavul mumul, buy i naŋ pal naŋ, Buy Madiɗa ngi buy madiɗahay, buy miwi buyoy.

ZOZUWE 22:22

«Bumbulvuŋ, Buymisemuŋ i madiɗa wãˀ, Bumbulvuŋ, Buymisemuŋ i madiɗa wãˀ. Ndra migam kanah na, da i slikiɗam di i ɓi malla da i gam di i teŋteŋ avu Bumbulvuŋ ta na, Bumbulvuŋ a si na le, yo Israyeley kwana a sa sinaka ya. Anja Bumbulvuŋ a pula ndra caˀa ti siifa ta.

ƁIMUNJUYO 1:5

Waɗ tivu Yesu Kristu, mbur migi sedewo mikaslsla, modogom mislikiɗ dumbuŋ ti wuzla mumucahay, yo Buy miwi buy madiɗa ngi ruwuyoy. Kristu ara wuɗ ndra, a tuɓo ndra le tivu mungra ndraˀahaya ti pumbus naŋ.

ƁIMUNJUYO 17:14

A sa gam vurum ati tumuŋ, amma tumuŋ a sa pa taŋ hirnga. Asi tumuŋ i Bumbulvuŋ mifina kulihey, yo i Buy madiɗa ngi buy madiɗahay. Mizli, naŋ mizila taŋ, naŋ muwuna taŋ, yo miteŋteŋ naŋhaya, jom ati naŋ, a sa paka taŋ hirnga ma.»

ƁIMUNJUYO 19:16

Avi jibe naŋ, waɗ avu tuwal naŋ na, a tohom slimiɗ anihĩ: «Buy madiɗa ngi buy madiɗahay, Bumbulvuŋ mifina kulihey.»