DANIYEL 2:44 - Bible en langue guiziga

⁴⁴ Dambala ar vi ngi buy tayna vuna, Buymuŋ a sa bo ti zumabuy masa kiɗ ta wãˀ, yo zumabuy nah kwana anta sa ndir da mizli mekelemey ta. A sa kiɗa zumabuy mekelemeye, a waha taŋ mber mber, joˀ naŋ a sa ndir ngi wãˀ,

DANIYEL 2:44 ပူးပေါင်းရင်းမြစ်များ

ZLI VIRZI 49:10

Ganday ngi buyo naŋ anta lih asi haŋ ngi Zuda ta, yo ganday ngi jigina mizli, naŋ anta lih asi sar naŋ ta, sey tapas buy ngi ganday vuna misa so le, i mbur misi mizli gar masa cinakaŋ mi.

SAMUYEL MUCUW NAŊ 7:13

Masa ndiriy hay ti slimiɗ ɗu i naŋ, yo yi sa cicaŋ zumabuy naŋ a ndir ngi sete.

SAMUYEL MUCUW NAŊ 7:16

Hay ati zumabuy ɗik a sa ndir hã ngi samadin, yo i mbur ngi kwacay ɗik masa zumabuy ar li ɗike caˀa.›»

DIMISEY 145:13

Zuma buy ɗike, i zumabuy makiɗ mi ta, gidaŋ ɗik ngi zuma buyo a ndir ngi sete. Bumbulvuŋ naŋ kaslsla, naŋ teŋteŋ ar gwat ngi gi naŋ gar.

EZAYI 60:12

Sukwi ngi mizli malla hirwuy mazumam buyoy gar mangumam gukuw slra ta na, a sa ngizlam, sukwi tayna a sa ngizlam pay wãˀ.

EZEKIYEL 37:25

Ki sa cifam angi hirwuy, ya muvula da gawla ɗu Zakop, i hirwuy dideˀ kumoy mucufam zleˀe angaŋ. Kum ati ziri kumoy waɗ dideˀ kumoyo, kisa cifam anga wãˀa. Gawla ɗu Davit a sa ndir i buy kum ngi wãˀa.

DANIYEL 2:28

Amma Buymuŋ ada, a njik gwat mufuna wuluk ngi mbur, yo gwat masa gi ti mbuŋ na, i naŋ mabuguw di da ka buy madiɗa Nabukodonozoro. Musuwun ɗik ati gwat ka mupura ti kleŋ, ti ka mutup na, n'ani.

DANIYEL 2:34

Ki ra pura zleˀe, amma rak ti nah, ɗugur a gidigilo ti muwã manja mbur a wusaŋ. Sar naŋhay mipa taŋ, cah ti ɓiri ho gar waɗ cah ti hohoy muzluma tuwa, a waha taŋ kuɗ kuɗ.

DANIYEL 2:35

Akẽh na, ɓiri ho gar, hohoy muzluma, ɓiri gaza ati ɓiri bara waɗ ɓiri tapasl tapasl tuwa, himiɗ a kil taŋ jom arleˀe kaɓa himiɗ ngi sifi makil ti cekwesl ngi daw a məlaŋ. Ko li naŋ a ndir ta. Ɗugur muwaha gwat miciɗa tuwa, a tiri muwã madiɗa, a naha hirwuyo wãˀ.

DANIYEL 2:37

Aw buy ɗu, ki buy madiɗa ngi buyoy gar. Ka, zumabuy, gidaŋ ngi wi mizli waɗ dudoko, Buymuŋ a vuluw taŋ le.

DANIYEL 2:43

Ki pur ɓiri milahaɗ ati hohoy muzluma na le, i zuma buyoy masa jumom ti zuɓa ngwasay, amma jumoˀay taŋ nah vuna, naŋ anta ti gidaŋ ta. Taŋ kaɓa ɓiri mujom ati hohoy muzluma tewle.

DANIYEL 4:3

Yi ɓa mizli, a soko ti misi sinmijileŋ ngi Babiloŋhoyo cek ng'avi ya, ɓa a ɓikiy mbiɗeˀvra ngi musuwun ɗu na.

DANIYEL 4:34

Wurenna, ya Nabukodonozoro, i ra hunuma Buymuŋ, i ra jaŋ salalay, waɗ i ra gaŋ dudok. Asi gwat ngi gi naŋ, naŋ kasl kasl, jiviɗ naŋ, naŋ jeŋŋe, yo mizli mahuhumom vu na, a mataŋ nga ruwuyo gu.»

DANIYEL 6:26

Akẽh na, buy Dariyus a tuh letir da mizli gar, sukwihey ati mizli maɓam mi miwal walay misi asi hirwuy gar, a ɓa taŋ: «Anja ki cifam zuy zuy kuy kuy!

DANIYEL 6:27

I vula mingiɓi ɗu ani, ya miɓa ɗaˀa: anja a zluwunam kirkir ti Buymisemuŋ ngi Daniyele, ar zumabuy ɗu gar. Asi Buymisemuŋ misi ti siifa i naŋ, yo a ndir ngi sete. Zuma buy naŋ anta kiɗ ta, yo a sa ndir i buy madiɗa hã ngi samadin.

DANIYEL 7:27

Na zumabuy, gi madiɗa muwãˀ waɗ micawwa ar zumabuy naŋ gar misi asi ruwuy kurzluˀ gara, a vulaka le da mizli ngi Buymisemuŋ Mimadiɗa wãˀa. Zuma buy naŋ, i zumabuy mandir ngi sete, gidaŋ ngi zuma buyoy, a sa gam gawla naŋ, yo a sa cinakaŋ mi.»

DANIYEL 8:25

Naŋ misi ti wer tuwa, a sa si na tikina vu gisiŋ gisiŋ. A sa gil ti huhumo vu a mevele, yo a sa ngisl zigiduw mapuraka kaɓa taŋ zuy zuyo. A sa zlir didak ati madiɗa ngi yarmahay, amma a sa ngilakaŋ ngiɓac ngiɓac, ko mitiɓi naŋ anta pal ta.

MISE 4:7

Mizli maram kiciɗek kiciɗek vuna, i sa ga ɓa mandiram i taŋ, muroko kileŋ kileŋ na, i sa ga ɓa a tiram sukwi migidaŋ. Ya Bumbulvuŋ i sa cifi i buy taŋ a muwã Siyoŋ, zle wurenna hã ngi sete.

Ɗerewol AZE 2:22

I sa putukuso buyoy avra tir janga taŋ ngi buyoyo, yo gidaŋ ngi zumabuy ngi sukwi ngi mizli, i sa kiɗa mi taŋ. Mota ngi vurumoy ati mizli ngir taŋhaya, i sa putukuso taŋ. Pilis ati mizli ngir taŋhay a sa ndilam, mbur gar a sa muc ti kiɗ ngi maslalam ngi cil naŋ.

Ɗerewol AZE 2:7

I sa wusa sukwi ngi mizli cek, yo zlili ngi sukwi ngi mizli gar na, a sa so ng'aka, dar i sa ga ɓa hay hana a tiri mezle kuy ta wãˀ a muŋ ma. I ya Bumbulvuŋ maɓi misi gidaŋ wãˀa.

Matiye 28:18

Joˀ Yesu a kirih ng'avi taŋ, a ɓa taŋ: «A vulikiy madiɗa le ngi wa muŋ ati hirwuyo gar.

Ɓimezle ngi Yesu Kristu ZAŊ mitil di mi 12:34

Zigiduw a mbiɗaŋ di: «I cinam ar ɗerewol ngi ɓimujuwa na: Mesi a sa ndir caˀa. Na, ki ɓi: a sa zuɓaka Mangal ngi mburo nga muŋ mbri mbri maka? Mangal ngi mbur vuna i waka?»

HEBEREY 12:28

Gukum sise da Buymisemuŋ so, asi i sa lumam di i Zumabuy misi mbur mawusa gu ta. Dilkukum avu Buymisemuŋ kaslsla ka naŋ mawuɗo, ti hina hirnga, waɗ ti zluwun.

ƁIMUNJUYO 11:15

Modro mitarnaˀ taŋ, a fa tulum naŋ. ˀAy ka ngi mizli a cin ti gidaŋ a muŋ, a ɓam: «Wurenna, zumabuy ngi ruwuyo i ngi Bumbulvuŋ ndra ati Mesi naŋ muduba, yo zumabuy nah a sa ndir hã ngi sete.»

ƁIMUNJUYO 2:27

Yo a sa jigina taŋ ti ganday ngi ɓiri kaw a haŋ. A sa waha taŋ kaɓa mawaham magayaka.