DANIYEL 2:41 - Bible en langue guiziga

⁴¹ Ki pura saray ati muzuŋ haŋhaya le. Cah numuŋ i mipa ti ɓiri ho gar, cah mekeleme kwana, i mindira ti hohoy muzluma. I zumabuy muwuɗuka le. Ka mupura ɓiri jom ati hohoy muzluma na, gidaŋ ngi ɓiri a sa so ada ara ya.

DANIYEL 2:41 ပူးပေါင်းရင်းမြစ်များ

DANIYEL 2:40

Waɗ mana, zumabuy mumufaɗ naŋ, migidaŋ kaɓa ɓiri ho gar, a sa bawa ma. A sa musukuɗo zumabuy numuŋhoyo, a zliɗa taŋ hirnga mber mber kaɓa ɓiri mamusukuɗo gwatay, a zliɗa hirnga taŋ mber mber na ya.

DANIYEL 2:42

Vur muzuŋ saray mipa taŋ cah ti ɓiri ho gar waɗ cah ti hohoy muzluma na, zuma buyo cah numuŋ a sa tiri gidaŋ, cah numuŋ kwana, a sa tiri hĩhĩy.

DANIYEL 7:24

Durum mukuruˀhoyo, ar zumabuy nana, buyoy kuruˀ a sa boko asi cala asi cala. Mekelem a sa bo a dirba taŋ ma. Naŋ wal avu mudumbuŋhoyo, a sa kiɗ buyoy makir.

DANIYEL 7:7

A dirba naŋ ma na, i ro pur gwat ti kleŋ ngi hiikuɗo na si, keɗ na, gwat misahmi mumufaɗ naŋ deŋ. A gi zluwun, a muɗ didaka, naŋ gidaŋ haɗa. Naŋ ti sliŋ ngi ɓirihey ngoryoŋ ngoryoŋ. A ra zum gwat, ara nguwa gwata, a gudubura is naŋ asi sar. Naŋ wal avu gwat misahmi mudumbuŋhoyo, yo naŋ ti durumoy kuruˀu.

ƁIMUNJUYO 12:3

Akẽh na, gwat mekelem mabigi gwat a bugo vu a muŋ ma: i ngoŋngoŋ madiɗa, gagaza ka vu. Naŋ ti hirngahay tarnaˀ, durumoy kuruˀ, waɗ loppol a hirnga naŋhay tuwa purla purla gar.

ƁIMUNJUYO 13:1

Dar yi pur gwat misããmi, ara bo tir mubuliy, durumoy kuruˀu, waɗ hirngahay tarnaˀ. Durum gar na, loppol tuwaɗ tuwaɗ. Slimiɗ ngi zi Buymisemuŋ toh toh avu hirngahaya pal pal gar.

ƁIMUNJUYO 17:12

Durumoy mukuruˀ, ka mupura taŋ na, i buy madiɗahay kuruˀ mazumam buy t'aruŋ. Amma a sa wunkaka zuma buyo, ati gwat misããmi angi pas purla si.