DANIYEL 2:37 - Bible en langue guiziga

³⁷ Aw buy ɗu, ki buy madiɗa ngi buyoy gar. Ka, zumabuy, gidaŋ ngi wi mizli waɗ dudoko, Buymuŋ a vuluw taŋ le.

DANIYEL 2:37 ပူးပေါင်းရင်းမြစ်များ

BUYOY MUCUW NAŊ 25:28

Evil-Merodak a ɓaŋ ti ˀay mezle, yo a vulaŋ janga ngi buyo fineˀ ngi buy mekelemey misi ati naŋ a Babiloŋ.

ƁI NGI HINEY MUCUW NAŊ 36:23

«Sirus, buy Perse a ɓi na: zumabuy ngi si ruwuyoy gar na, Bumbulvuŋ, Buymuŋ, a vuliy taŋ le, yo naŋ vuna ti haŋ naŋ, a puliy jiviɗ le ɓa i ndiraŋ hay a Zeruzalem, walahay Zuda. Mbur a wuzla kumo muso ti wuzla mizli naŋhay ti wuzla mizli naŋhay gar na, i mizilahay le ɓa a mam nga Zeruzalem. Anja Bumbulvuŋ Buymisemuŋ taŋ a ndir ati taŋ!»

ESDRAS 1:2

Sirus, buy Perse, a ɓi ani: «Ya Siruso, zumabuy ngi si ruwuy gar na, Bumbulvuŋ, Buy muŋ, a vuliy di le da ya, yo naŋ ti hirnga naŋ vuna a ɓiy, ɓa i ra ndiraŋ hay a Zeruzalem, hirwuy Zuda.

ESDRAS 7:12

«Artakzerses, madiɗa ngi buy madiɗahay, matuhuw letir hana da ka Masay Esdras misina ɓimujuwa ngi Buymuŋ le kuy kuy, ndir zuy zuy.

DIMISEY 62:11

Ki njaham hiri asi gi gwat ngi moˀore ta, ki pulaka vu kum mbak vur gwat mitiɓa ti gidaŋ ta. Ko da zlili kum ara sik kwana, anja mevel kum a hin aseˀe ta.

MIKUCUWULOY 8:15

Buy madiɗahay mazumam buy na, tisi ya, yo mizli madiɗahay macicaka ɓi jeŋŋe na, tisi ya.

EZAYI 10:8

Taŋ a ɓam na: «Madiɗa ngi soje ndraˀahaya taŋ haɗa kaɓa buy taŋhay vuna takwa?

EZAYI 47:5

Buymisemuŋ a ɓa walahay Babiloŋ ma: «Cifi joˀ teˀ teˀe, ci ng'ar luvuŋ, asi taŋ mazulukuw ‹Madiɗa ngi zuma buyoy› na, anta sa zulukuw kanah mata.

ZEREMI 28:14

Asi mike na, Bumbulvuŋ misi gidaŋ wãˀ, Buymisemuŋ ngi Israyele, a ɓi na: ‹Ɓa sukwi ngi mizli gar a gam gawla ngi Nabukodonozor, buy madiɗa ngi Babiloŋ na, sey i luwa taŋ asi ˀaya i galalaŋ ngi ɓiri. A sa gam gawla naŋ, ko gwat misãmi ngi ɓuhoy kwana, i vula taŋ le asi haŋ naŋ.›»

ZEREMI 34:1

Nabukodonozor, buy madiɗa ngi Babiloŋ ati soje naŋhay gar, yo zuma buyoy naŋ miwa taŋ ngi si ruwuy gar waɗ mizli gar na, a ndahaka Zeruzaleme le ndah ndah ati prok naŋhaya gar. Bumbulvuŋ a ɓa mingiɓi naŋ da Zeremi ti di nah.

EZEKIYEL 26:7

Naŋ kine, ya Bumbulvuŋ, Buymisemuŋ i ɓi na: Ani i sa ga, ɓa Nabukodonozor, buy madiɗa ngi Babiloŋ, buy vay muŋ, buy mufuna buyoy, a slikiɗo a sa lumuw ka Tire, ti pilis naŋhay, ti mota ngi vurumoy, ti misi pilisey, ti sojehey hiɗim hiɗim, mizli haɗa, ko a sluf ta.

DANIYEL 1:2

Bumbulvuŋ a vula Zoˀakiŋ asi haŋ ngi Nabukodonozor. Joˀ Nabukodonozor a hil cah avu gazlanga ngir hay ngi Buymisemuŋ. A ji mizli ng'ar dangay ngi Babiloŋ, yo a pa gwat mitiɓa ar vurumo ng'ar hay ngi kuli naŋhay, ar hay ngi pi zlili.

DANIYEL 2:31

Aw buy ɗu, ka so na, ki ra pur hiri zleˀe, keɗ na, gwat madiɗa miciɗa ti ciɗ deŋ a mbuŋ ɗike. Gwat miciɗa nah vuna, naŋ madiɗa haɗa, yo a wucuɗ wilik wilik. Naŋ deŋ a mbuŋ ɗike, deŋ naŋ a muɗ didaka haɗa.

DANIYEL 2:44

Dambala ar vi ngi buy tayna vuna, Buymuŋ a sa bo ti zumabuy masa kiɗ ta wãˀ, yo zumabuy nah kwana anta sa ndir da mizli mekelemey ta. A sa kiɗa zumabuy mekelemeye, a waha taŋ mber mber, joˀ naŋ a sa ndir ngi wãˀ,

DANIYEL 4:19

nah na gar, i ka vuna kumani! Asi ki tiri le ki madiɗa, yo ka gidaŋ, madiɗa ɗik a sik le, a ndil le sesẽŋ a muŋ, zumabuy ɗik a ndil le sesẽŋ asi ruwuy mira kiɗo mi.

DANIYEL 4:22

a sa ɓulukuw ti wuzla mizli avra, kisa cifi ati gwat misahmihey a ɓuh. Ki sa zum giziŋ kaɓa sla, yo kisa ndir yorororo ar wulngar. Ki sa ndir kanah vi tarnaˀ, hãka misa tiɓa le kuy kuy, Buymisemuŋ Mimadiɗa wãˀa, i madiɗa ar zumabuy ngi mizli titiraˀahaya, yo a vula da mbur naŋ muwuɗ le gar.

DANIYEL 4:25

Gwatay miɓaka taŋ gar da buy madiɗa Nabukodonozoro, ara gam muduba.

DANIYEL 4:3

Yi ɓa mizli, a soko ti misi sinmijileŋ ngi Babiloŋhoyo cek ng'avi ya, ɓa a ɓikiy mbiɗeˀvra ngi musuwun ɗu na.

DANIYEL 4:32

Avi naŋ na, mizli ngi si ruwuy gar i gwat mupuɗaw ta: ko vur vurum ngi muŋhoy, ko vur mizli ngi ruwuyoy kwana, a ga gwata avu wuɗ nga naŋ. Ko mbur loŋ matikaŋ gu anta, yo mambiɗaŋ hirnga ar gwat ngi gi naŋ gu, anta.

DANIYEL 4:34

Wurenna, ya Nabukodonozoro, i ra hunuma Buymuŋ, i ra jaŋ salalay, waɗ i ra gaŋ dudok. Asi gwat ngi gi naŋ, naŋ kasl kasl, jiviɗ naŋ, naŋ jeŋŋe, yo mizli mahuhumom vu na, a mataŋ nga ruwuyo gu.»

DANIYEL 5:18

Kumani! Buymisemuŋ mifineˀ gwat gara, a vula zumabuy, madiɗa, dudok waɗ buy le da cine ɗik Nabukodonozoro zleˀe.

DANIYEL 7:14

A vulakaŋ zumabuy, dudok ati li zumabuy. Mizli ngi ruwuyoy, sukwihey ati mi miwal wal gar, ara gam gawla naŋ. Gidaŋ naŋ ngi buyo, i gidaŋ ngi caˀ, masa kiɗ mi ta. Zuma buy naŋ anta sa kiɗ ta ndiɗaˀ.

Ɗerewol OZE 8:10

Da ko ara wuɗkam gwat ngatara da sukwi ngi mizli kwana, wurenna, yi sa kuso taŋ muduba. Neˀ ng'aka na, a sa jijikam kirkir ti bonoy madiɗa ngi yaramahay magaka taŋ di.

Matiye 6:13

Ki pula ndra i cam ar li ngi tikin ta, amma laha ndra tisi haŋ ngi Satana. [Asi Zumabuy, gidaŋ ati dudok i ngi ɗik hã ngi sete. Amin.» ]

Ɓimezle ngi Yesu Kristu ZAŊ mitil di mi 19:11

Amma Yesu a mbiɗaŋ di: «Da Bumbulvuŋ a puluw jiviɗ nah zleˀe ta na, k'anta ti gidaŋ ar ya ko neˀ ta. Vurˀe, mbur muvuliy ɓa ki jiy na, mungra nga naŋ a funa ngi ɗike le.»

ƁIMUNJUYO 1:5

Waɗ tivu Yesu Kristu, mbur migi sedewo mikaslsla, modogom mislikiɗ dumbuŋ ti wuzla mumucahay, yo Buy miwi buy madiɗa ngi ruwuyoy. Kristu ara wuɗ ndra, a tuɓo ndra le tivu mungra ndraˀahaya ti pumbus naŋ.

ƁIMUNJUYO 17:14

A sa gam vurum ati tumuŋ, amma tumuŋ a sa pa taŋ hirnga. Asi tumuŋ i Bumbulvuŋ mifina kulihey, yo i Buy madiɗa ngi buy madiɗahay. Mizli, naŋ mizila taŋ, naŋ muwuna taŋ, yo miteŋteŋ naŋhaya, jom ati naŋ, a sa paka taŋ hirnga ma.»

ƁIMUNJUYO 19:16

Avi jibe naŋ, waɗ avu tuwal naŋ na, a tohom slimiɗ anihĩ: «Buy madiɗa ngi buy madiɗahay, Bumbulvuŋ mifina kulihey.»

ƁIMUNJUYO 4:11

«Aw Bumbulvuŋ, Buymisemuŋ ndra, ki ndila le ter ɓa mizli a gukuw dudok, a ɗuvukuw hirnga, yo ɓa a sinaka, ka gidaŋ. Asi miga gwatay gar, i ka. Ki wuɗ le anja t'ada, yo a gam le.»

ƁIMUNJUYO 5:12

A ra tilam mi ti gidaŋ, a ɓam na: «Tumuŋ mikiɗaka vagay zleˀe na, a ndila le ter ɓa mizli a vulakaŋ madiɗa, a gi zlili, a lum sinmijileŋ, a lum gidaŋ, a ɗuvakaŋ hirnga, a gakaŋ dudok waɗ a hunumakaŋ.»