DANIYEL 2:23 - Bible en langue guiziga

²³ Buymisemuŋ ngi dideˀ ɗuwoy, i guw dudok, yo i hunumuw, asi ki vuliy sinmijileŋ le waɗ gidaŋ. Wurenna, gwat ndra mucufuɗaka na, ki bigiy di le, ti ka minjika ndra gwat maga weleleˀ da buy na.»

DANIYEL 2:23 ပူးပေါင်းရင်းမြစ်များ

ZLI VIRZI 18:17

Bumbulvuŋ a ɓi ti kwacay naŋ: «Gwat ya maga na, i ɗumo avu Abrahama ma kwa?

ZLI VIRZI 31:42

Da ani Buymisemuŋ ngi dideˀ ɗu Abraham, ngi cine ɗu Izak mazluwun di, naŋ anta ati ya zleˀe ta na, anja ani ki puliy, yi so na haŋ ɓaˀ kine. Amma ya mihin hirnga a mbuŋ ɗiki, ya muguw slra ta haŋ ɗu na, Buymisemuŋ a pura le. Ngi duvuɗ mucuh na, a cica ɓi ɗu le.»

BUYOY MUDUMBUŊ NAŊ 18:36

Hirak ti ler ngi vula gwat da Buymisemuŋ, mijiviɗ Eli a kirahawa, a ɓi: «Bumbulvuŋ, Buymisemuŋ ngi Abraham, ngi Izak ati Israyel, dana, ga ɓa mizli a sinaka Buymisemuŋ ngi Israyel i kaha, ya i gawla ɗiki, yo ya maga gwat hanayna gar na, tisi mingiɓi ɗiki.

BUYOY MUDUMBUŊ NAŊ 8:57

Wurenna so na, i ra cufuɗa Bumbulvuŋ Buymisemuŋ ndra, ɓa a ndir ati ndra kaɓa naŋ mindir zleˀe ati dideˀ ndrahay na ya. Anja a pula ndra ta, yo anja a zliɗa ndra avra ta.

ƁI NGI HIN GAR MUDUMBUŊ NAŊ 29:10

Davit a ga sise da Bumbulvuŋ a mbuŋ mizli gar, a ɓi: «Sise ngi ɗik Bumbulvuŋ, Buymisemuŋ ngi Zakop, cine ndra misi zlezle, mandir caˀkine.

ƁI NGI HIN GAR MUDUMBUŊ NAŊ 29:13

Na wurenna so na, i guku sise Buymisemuŋ ndra, i hunumukuw ti slimiɗ ɗik mezle na.

ƁI NGI HINEY MUCUW NAŊ 20:6

a ɓi: «Bumbulvuŋ Buymisemuŋ ngi dideˀ ndrahay, misi a muŋ, yo mawa zumabuy ngi sukwi ngi si ruwuy gar na, i ka takwa? Gidaŋ ngi vu ati gidaŋ ngi wi mizli taŋ asi haŋ ɗiki, ko mbur mazlir dibiɗ ati ka gu anta.

DIMISEY 21:2

Bumbulvuŋ, buy madiɗa ara mumul asi gidaŋ ka muvulaŋ di na. Kay! ka miga ɓa a lum bugawla na, a mumul haɗi teˀe.

DIMISEY 21:4

Ki so ng'avaŋ, ɓa ki ɗuwulaŋ mi haɗa, ki tuwuɗaŋ hirnga ti loppol ngi ɓiri tapasl tapasl.

DIMISEY 25:14

Bumbulvuŋ a pula vu naŋ mbak da mizli mazluwunam di, a dubuna taŋ ɓi ngi jumoˀay naŋ.

DIMISEY 50:14

Ga mikuli ɗik ngi hunumiy ya Buymisemuŋ, yo ga gwat ngi ji mi ɗik, ka miɓa a mbuŋ ya Mimadiɗa na.

BI NGI ISRAYELEY 3:15

Buymisemuŋ a ɓa Moyise ma: «Ki sa ɓa Israyeleye na: BUMBULVUŊ, Buymisemuŋ ngi dideˀ kumoy, Abraham, Izak, waɗ Zakop, a slino ya le ng'avu kum. Slimiɗ ɗu i hana ngi caˀa, a sa zilikiy nga mbuŋ nga mbuŋ ndrehhe kahana.

MIKUCUWULOY 21:22

Walahay majiginaka kuy kuyo, mbur misi sinmijileŋ a tiɓa gu, a waha mohol, taŋ manjaham hiri aseˀe na gu.

MIKUCUWULOY 24:5

Mbur misi kpak naŋ, naŋ ti sinmijileŋ, naŋ gidaŋ haɗa, yo mbur misla wala ngi ɓi le na, a ska gidaŋ naŋ makaw cuw.

MIKUCUWULOY 8:14

Ngilawuy ati gi gwat mezle gu gar na, taŋ avu ya, yo lesl ati gidaŋ gar na, taŋ avu ya.

TILA MI 7:19

Sinmijileŋ a tiri ti mbur misi sinmijileŋ gidaŋ haɗa, fineˀ buy miwi lihey kuruˀ misi angi walahay purla.

TILA MI 9:16

Dar yi ɓi a kwacay ɗu: sinmijileŋ i gwat mupuɗaw, fineˀ gidaŋ, amma a puraka sinmijileŋ ngi mbur misi viya hiris le ɓula, yo mbur macina mingiɓi naŋ anta.

TILA MI 9:18

Sinmijileŋ i gwat mupuɗaw fineˀ mota ngi vurumoyo, amma mi parawaya, a hiryi gwat mezle haɗa.

EZAYI 12:1

Kum mizli diimuhoyo, ti hin nah, kisa ɓam: «Bumbulvuŋ, i ra gukuw sise, asi ki ji mevel le ar ndra zleˀe, amma, ki tisla mevele le, ki ra tikina ndra ɓa i taˀaka tuwuyo.

ZEREMI 33:3

Ziliy, i sa ziluw mi, i sa njikuw gwat madiɗahay, gwatay muɗum, ka misina taŋ ta.

DANIYEL 1:17

Gawla mumufaɗ tayna tuwa, Buymisemuŋ a vula taŋ sin ngi gi gwat ati sin ar mingiɓi waɗ ar sinmijileŋ. Daniyele, a sla wala ngi gwat gar, gwat mupura ti kleŋ ati musuwuno gu.

DANIYEL 2:18

A ɓa taŋ ɓa a tumbuloko Buymuŋ vur ɓi ngi gwat mufuna wuluk ngi mbur hana, ɓa a ga taŋ mezleŋ, vur taŋ mamicam jom ati misi sinmijileŋ ngi Babiloŋhoyo.

AMOS 3:7

Naŋ kine, Bumbulvuŋ Buymisemuŋ, naŋ anta gi gwat neˀ manja a njika da mijiviɗ gawla naŋhaya ta.

Matiye 11:25

Ti di nah na, Yesu a zla a ɓi: «Aw Baha, Buy ngi muŋ ati hirwuy! I ra hunumuw, asi ɓi ka muɗumo avu mizli misi sinmijileŋhey ati misi lesley na, ki njika le da mizli mizleweye.

Ɓimezle ngi Yesu Kristu LUK mitil di mi 10:21

Angi nah vuna si na, ˀUf Mipal a naha Yesu ti mumul, a ɓi: «Aw Baha, Buy ngi muŋ ati hirwuy, i ra hunumuw, asi ka muɗumo ɓi hana avu mizli misi ti sinmijileŋ jileŋhey ati mizli misi lesleye, joˀ ki njika da mizli mizlewey na. Haˀaw Baha, a gi kanah, asi ki hĩyã le.

Ɓimezle ngi Yesu Kristu ZAŊ mitil di mi 11:41

A kirahaka ɗugur tuwa avra so. Dar Yesu a zuɓa hiri nga muŋ, a ɓi: «Aw Baha, i guw sise vur ka mitiɓa mi ɗu na.

Ɓimezle ngi Yesu Kristu ZAŊ mitil di mi 15:15

Y'anta zulukum gawla ɗuwoy mata, asi gawla ngi mburo, gwat buy naŋ maga na, naŋ anta si na ta. Amma yi zulukum ngama ɗuwoy, asi mingiɓi ya micino di avu Baha gar na, yi ɓukum di le.

ƁIMUNJUYO 1:1

Gwatay magam na, Yesu Kristu a njika taŋ le ar li babara. Gwatay masa gam gweˀ na, Buymisemuŋ a pulaŋ ɓi nah ɓa a biga da gawla naŋhay. Kristu a slina modro naŋ ng'avi gawla naŋ Zaŋ, ɓa a bigaŋ ɓi nah.

ƁIMUNJUYO 5:5

Amma mbur pal a wuzla mizli micawwahay tuwa, a ɓiy: «Ki tuwuy ta, pura, mobor ngi si sukwi ngi Yuda, tizer ngi buy Davit, a cifi bugawla le. A sa turo sluruɓ mitaˀ taˀ tarnaˀ tayna, ɓa a wuna ɗerewolo.»