DANIYEL 2:22 - Bible en langue guiziga

²² Gwat miyaŋŋahay ati miɗum ɗumoyo, i naŋ manjika taŋ. Gwat miɗum ar luvuŋ, a si na le, asi li naŋ misi ara na, i li minjaha.

DANIYEL 2:22 ပူးပေါင်းရင်းမြစ်များ

ZLI VIRZI 41:16

Zozef a ɓaŋ: «I ya ta, i Buymisemuŋ masa si na mbiɗa pulaˀvra naŋ kaslsla.»

Ɗerewol JOP 12:22

Luvuŋ mititim titim ngir butumoyo, a tiri di ngbay ar li babaraŋ, yo luvuŋ ngir li ngi mizli mumucahaya, a tiri di njahha.

Ɗerewol JOP 26:6

Avu Buymisemuŋ, li cifi ngi mizli mumucahaya, naŋ ngurɗaɗ ar li babaraŋ, yo ko gwat mitikaŋ hiri ngi pura butum mijileŋhey anta.

DIMISEY 104:2

Ki gijuwa li minjahha le gijaw gijaw avu vu kaɓa godo, ki njira muŋ njar kaɓa guɗuku.

DIMISEY 25:14

Bumbulvuŋ a pula vu naŋ mbak da mizli mazluwunam di, a dubuna taŋ ɓi ngi jumoˀay naŋ.

DIMISEY 36:9

A hay ɗike, ara mbam hã fineˀ gidaŋ ti gwat ngi zum mundumoy, yo ki ra vula taŋ gwat mundum ɗikey kaɓa yam ar mizaw madiɗaŋ.

TILA MI 8:1

Misi sinmijileŋ, yo masina pulaˀvra ngi mingiɓi ani na, i waka? «Mburo, sin naŋ mijileŋ na, a wunaŋ hiri, yo mihiri naŋ mabiga naŋ i mbur mukuwa na, a mbiɗi le.»

EZAYI 41:22

Anja ki soko, ɓa ki ɓam ndra ɓi ngi gwat masa gi.

EZAYI 41:26

Mitila ndra mi ti ɓi hana zle ar zlivirzi naŋ, ɓa ndra i sinaka na, i waka? Miɓa ndra di daf le zleˀe, ɓa i ɓam: «A ga le jeŋŋe» na, i waka? Kay, ko mbur miɓa ndra ɓi nah anta, ko mbur miga ɓa i cinaka anta, yo ko mbur micina ɓi kum anta ma.

EZAYI 42:9

Ani gwat mudumbuŋhoy a gam le si, amma ya i ra til mi ti ɓi ngi gwat nawayahay ma. Ɓa a sa gam tikeˀe na, yi wuɗ ki cinaka cin le.

EZAYI 45:7

I ga li minjahha, yo i ga luvuŋ ma, i go zuy da mizli, yo i go taŋ bonoy ma. Tayna cek na, maga taŋ i ya Bumbulvuŋ.

ZEREMI 23:24

Da mbur a ɗum le ɗum ar zlirɗi na, ya i pura gu ta kwa? I ya Bumbulvuŋ maɓi - Mbur misi ko ma gar, a ruwuy waɗ a muŋ ma na, i ya vuna takwa? I ya Bumbulvuŋ maɓi.

ZEREMI 33:3

Ziliy, i sa ziluw mi, i sa njikuw gwat madiɗahay, gwatay muɗum, ka misina taŋ ta.

DANIYEL 2:11

Gwat ka mucufuɗa na buy, naŋ tuwaˀ haɗa. Sey i kulihey ta na, mbur mekelem anta ɓa a mbuɗuw di ta, asi taŋ, t'anta ati mizli titirahay ta.»

DANIYEL 2:19

Akẽh na, ngi duvuɗo, gwat mufuna wuluk ngi mbur tuwa, a njik avu Daniyele, a pura ti kleŋ. Joˀ a ga sise da Buymuŋ.

DANIYEL 2:47

Buy a ɓa Daniyele na: «Gisiŋ, Buymisemuŋ kumo, i madiɗa fineˀ kuliheye, i madiɗa ar buyoyo, yo i minjika gwat maslaam wala tahay. Ka minjikiy gwat mufuna wuluk ngi mbur nah na, vurˀe.»

DANIYEL 5:11

Ar zumabuy ɗike, mbur ada, sin ngi kuli mezlehey ada ar naŋ. Ti hin ngi cine ɗik mazum buy na, i puraka na, a sla wala ngi ɓi kwaŋ kwaŋ, naŋ ti slesle, yo naŋ ti sinmijileŋ kaɓa ngi kuli mezlehey. Cine ɗik Nabukodonozor a cufaŋ i madiɗa ngi muɓula musuɗukoy, ngi mupura kulihey, ngi misi cucukoy waɗ ngi mizli mupura wurzlaŋhay. Cine ɗik buy miga na, naŋ kanah.

DANIYEL 5:14

Yi cin, a ɓam sin ngi kuli mezleheye ada ar ka, yo mizli a puraka na, ki pur kaˀ haɗa, ki pur kweŋ kweŋ, yo ka ti sinmijileŋ haɗa ma.

Matiye 13:13

Vur ara puram, amma anta puram ta, ara cinam, amma anta slaka wala nah ta, a sinaka ta ma. Yi wa taŋ ɓi nah weˀ ti wi na aseˀe.

Ɓimezle ngi Yesu Kristu ZAŊ mitil di mi 1:9

Mingiɓi i li minjahha migisiŋ gisiŋ. A so a ruwuyo, ɓa a ga li njahha da mbur gar.

Ɓimezle ngi Yesu Kristu ZAŊ mitil di mi 21:17

A ɓaŋ sar mimakir naŋ ma: «Simoŋ, mangal ngi Zaŋ, k'ada wuɗiy kwa?» Yesu miɓa Piyere sar mimakir naŋ: «Kˀada wuɗiy kwa?» na, a gaŋ kuy ta, a slaŋ di, a ɓaŋ: «Buy, ki si na gwataya le gar, ki si na le, i ra wuɗuw ngbaŋ!» Joˀ Yesu a ɓaŋ: «Jigina tumuŋ ɗuwoy.

Ɓimezle ngi Yesu Kristu ZAŊ mitil di mi 8:12

Akẽh na, Yesu a ɓa mizli tuwa ma: «Yi li minjahha ngi duniya. Mbur maru asi ya na, anta sa ru digi angi luvuŋ ta wãˀ, a sa lum li minjahha maru ti mbur ng'ar siifa.»

KORENTIHEY MUDUMBUŊ 4:5

Vurˀe, anja ki gam kiita da mbur daf dumbuŋ ta, sey da Bumbulvuŋ muso le. Gwat muɗum ar luvuŋ gar na, i naŋ masa bo taŋ ngbah ar li babara, yo i naŋ masa njika wuluk miyaŋ ngir mevel ngi mizli gar. Dar Buymisemuŋ a sa hunuma mbur gar weˀe avu gwat naŋ migaŋ.

EFESEY 3:5

Ɓi mufuna wuluk ngi mbur nah na, Buymisemuŋ a biga da mizli misi zleˀeheye ta. Amma wurenna, a njika le da mislin naŋhay ati mijiviɗ naŋhaya ti ˀUf naŋ.

Slu cuw 29:28

Gwat muɗum ɗumoy na, sey Bumbulvuŋ Buymisemuŋ ndra misina tewle. Amma gwat mibiga le njoy ar li babara na, i ngi ndra ati ziri ndrahay ngi sete, ɓa mingiɓi ngir ɓimujuwa hana gar na, i gam di slra.

TIMOTE MUDUMBUŊ NAŊ 6:16

Mamuc ta wãˀ, i naŋ pal naŋ. Naŋ angi li miciɗak ciɗak, mbur a ndil ng'ava gu ta. Ko mbur mupuraŋ ɗaˀ anta, yo mbur mapuraŋ gu anta wãˀ. Dudok ati gidaŋ ngi sete, inga naŋ. Amin.

HEBEREY 4:13

Ko gwat pal maɗum a mihiri ngi Buymisemuŋ gu, anta. Gwatay, naŋ miga taŋ gar na, taŋ ngurɗaɗ, cikislaɓ a mihiri naŋ. Gwat ndra migaka gar na, i sa slufaka da Buymisemuŋ cummo.

Ɗerewol ZAK 1:17

Gwat ngi vul mupuɗaw puɗaway ati gwat ngi vul ngatara mikaslsla wãˀ gar na, a poko sar paɗ ti muŋ, tivu Buymisemuŋ, buy ngi gwat mupusluɗa lihey. Naŋ, naŋ anta mbiɗi ta, naŋ anta wus ta, yo naŋ anta gi luvuŋ ta.

ZAŊ MUDUMBUŊ NAŊ 1:5

Ɓi ndra micinaka avu Yesu Kristu, ndra manjikukum di na, n'anihĩ: Buymisemuŋ i li minjahha, ko luvuŋ neˀ anta ava ta.