DANIYEL 2:21 - Bible en langue guiziga

²¹ I naŋ mambuɗa hiney ati gwat ngi giheye, i naŋ maputukuso buyoyo, i naŋ maca buyoyo, a vul sinmijileŋ da misi sinmijileŋhey, yo a vul sli wala ngi gwat da misina sli wala ngi gwatay.

DANIYEL 2:21 ပူးပေါင်းရင်းမြစ်များ

BUYOY MUDUMBUŊ NAŊ 10:24

Hirwuy gar ara so ng'avi Salomoŋ, ɓa ngi cine mingiɓi ngi sinmijileŋ, Bumbulvuŋ muvulaŋ di a mevele naŋ na.

BUYOY MUDUMBUŊ NAŊ 3:28

Buy Salomoŋ misla kiita hana, Israyeley gar micinaka ɓi nah na, a ɗuvaka hirnga da buyo, asi a puraka na, muvulaŋ sinmijileŋ ngi sli kiita mijeŋŋe na, i Buymisemuŋ.

ƁI NGI HIN GAR MUDUMBUŊ NAŊ 22:12

Bumbulvuŋ masa cifuw buy ngi Israyel na, anja a vuluw sli wala ngi gwat ati lesl, ɓa ki ja ɓimujuwa ngi Bumbulvuŋ Buymisemuŋ ɗik a hirnga.

ƁI NGI HIN GAR MUDUMBUŊ NAŊ 29:30

A slufaka ɓi ngi zumabuy naŋ ati gidaŋ naŋ ngi wi mizli, ati girey wal wal migam ava waɗ migi avu Israyel ati ruwuy mekelemeye.

ESTER 1:13

A dirba nah, buy a kiɗam slir ar ɓi nah ati buy ngi ɓimujuwahay waɗ ati ngi migi kiitahaya.

Ɗerewol JOP 12:18

A cuko gidaŋ ngi buy madiɗa miwi mizli, a juwa taŋ zana ngi dangayay hirlak hirlak a virzi.

BI NGI ISRAYELEY 31:3

I nahaŋ le ti ˀUf ɗu, ɓa a tiri misi sinmijileŋ, yo misi lesle. A si na ɗiya gwataya le gar ti jiviɗ naŋ ti jiviɗ naŋ.

BI NGI ISRAYELEY 31:6

Ani ma na, Oholiyap mbur Daŋ, mangal ngi Ahisamaka, i vulaŋ di le, ɓa a jumom cuwa, yo ma na, i vula sin le haɗi da misina gwatay mbeˀ mbeˀ, ɓa taŋ jom gar na, a sa kiɗaka mi ngi gwatay ya muvuluw taŋ ngi gi na gar:

DANIYEL 1:17

Gawla mumufaɗ tayna tuwa, Buymisemuŋ a vula taŋ sin ngi gi gwat ati sin ar mingiɓi waɗ ar sinmijileŋ. Daniyele, a sla wala ngi gwat gar, gwat mupura ti kleŋ ati musuwuno gu.

DANIYEL 10:1

Angi vi mimakir naŋ ngi Sirus buy Perse mazum buy na, Buymisemuŋ a njik ɓi le da Daniyel mazilaka Beltasara. Mingiɓi nah naŋ kaslsla, yo a ɓi di i ɓi ngi bonoy madiɗa. Daniyel a ja ɓi nah le, a sla wala nah ar naŋ mupura ti kleŋ.

DANIYEL 11:6

Vi neˀ a dirba nah, a sa jumom ˀay. Zuŋ ngi buy vay ruwuy a sa ɗuv zuŋ ngi buy vay muŋ ɓa ngi jumoˀaya. Amma ko zuŋ vuna, naŋ anta sa ndir gidaŋ gidaŋ ta, yo tizer naŋ, naŋ anta sa ndir ti siifa ta. Ti di nana, a sa vulakaŋ jom ati mizli musoko di vuna, jom ati mangal naŋ waɗ mijini ˀis naŋ.

DANIYEL 2:20

Dar Daniyel a zla a ɓi: «Anja i gaka sise da Buymisemuŋ ndrehhe, hã ngi sete! Asi sinmijileŋ waɗ gidaŋ, inga naŋhay.

DANIYEL 2:23

Buymisemuŋ ngi dideˀ ɗuwoy, i guw dudok, yo i hunumuw, asi ki vuliy sinmijileŋ le waɗ gidaŋ. Wurenna, gwat ndra mucufuɗaka na, ki bigiy di le, ti ka minjika ndra gwat maga weleleˀ da buy na.»

DANIYEL 2:9

Amma da ki ɓikiy mbiɗeˀvra ngi musuwun ɗu ta na, i sa kutukum gar kumo ti bonoy misi purla. Kumo ki wuɗam ɓa ki gikiy slir, yo ɓa ki gikiy gilaw ngi kutuko gwatay mambuɗama. Na, ɓikiy ɓi ngi musuwun ɗu, ɓa i sina, kisa njikikiy mbiɗeˀvra naŋ gu.»

DANIYEL 4:14

Gwat nah a cuh kahana, asi i mbur miɗeŋ ɗeŋ hiri ɓi micica ɓi naŋ. Ɓi nah a cuh kahana, asi i modro ngi Buymisemuŋ Mimadiɗa wãˀ miɓa ɓi naŋ, ɓa mizli misi ti siifahay a sinaka, Buymisemuŋ Mimadiɗa wãˀa, i madiɗa ar zumabuy ngi mizli titiraˀahaya, a vula zuma buyo da mbur naŋ muwuɗ le gar, yo mbur mihina hirnga miwãˀ ngi si mizli, a slikiɗaŋ.›

DANIYEL 4:17

Widis ka mupura, a gi madiɗa, yo gidaŋ ma, gil naŋ sesẽŋ ar birngiŋ, yo a pur sesẽŋ asi ruwuy kurzluˀ,

DANIYEL 4:22

a sa ɓulukuw ti wuzla mizli avra, kisa cifi ati gwat misahmihey a ɓuh. Ki sa zum giziŋ kaɓa sla, yo kisa ndir yorororo ar wulngar. Ki sa ndir kanah vi tarnaˀ, hãka misa tiɓa le kuy kuy, Buymisemuŋ Mimadiɗa wãˀa, i madiɗa ar zumabuy ngi mizli titiraˀahaya, yo a vula da mbur naŋ muwuɗ le gar.

DANIYEL 4:32

Avi naŋ na, mizli ngi si ruwuy gar i gwat mupuɗaw ta: ko vur vurum ngi muŋhoy, ko vur mizli ngi ruwuyoy kwana, a ga gwata avu wuɗ nga naŋ. Ko mbur loŋ matikaŋ gu anta, yo mambiɗaŋ hirnga ar gwat ngi gi naŋ gu, anta.

DANIYEL 7:25

A sa ɓi ɓi malambaˀ ar Buymisemuŋ Mimadiɗa wãˀa, yo a sa guzuvura mizli ngi Buymisemuŋ Mimadiɗa. A sa wuɗ ɓa a mbiɗa hin ngi muguzlumoy ati ɓimujuwahaya. Mizli tayna a sa ndiram asi haŋ naŋ ngi vi makir ti reta.

Ɓimezle ngi Yesu Kristu LUK mitil di mi 21:15

Asi ya, i sa vulukum mingiɓi ati sinmijileŋ, ɓa ko mesene kum pal masa ngilukum mi malla masa mbuɗukum mi gu anta.

ROMAHAY 13:1

Anja sey mbur gar a hin hirnga a mbuŋ mizli miwi hirwuyoyo. Da Buymisemuŋ a vula ta na, ko zumabuy anta. Mizli muroko zumam buy na, i Buymisemuŋ micifa taŋ.

KORENTIHEY MUDUMBUŊ 1:30

Kum misi jom ati Yesu Kristu na aseˀeŋ, naŋ a tiri le i sin ndra mijileŋ muso ti vu Buymisemuŋ, miɗiy ndra jeŋŋe a mbuŋ Bumbulvuŋ, mitiri ti ndra mizli nga naŋhay, yo mucuko ndra tir mungra ndrahay.

Ɗerewol ZAK 1:17

Gwat ngi vul mupuɗaw puɗaway ati gwat ngi vul ngatara mikaslsla wãˀ gar na, a poko sar paɗ ti muŋ, tivu Buymisemuŋ, buy ngi gwat mupusluɗa lihey. Naŋ, naŋ anta mbiɗi ta, naŋ anta wus ta, yo naŋ anta gi luvuŋ ta.

Ɗerewol ZAK 1:5

Amma da mbur a wuzla kumo, sinmijileŋ a kicaŋ le na, anja a cufuɗ avu Buymisemuŋ masa vulaŋ di. Asi Buymisemuŋ a vul gwat da mizli gar ti gula ti hazum, manja mbiɗi hirnga.

ƁIMUNJUYO 19:16

Avi jibe naŋ, waɗ avu tuwal naŋ na, a tohom slimiɗ anihĩ: «Buy madiɗa ngi buy madiɗahay, Bumbulvuŋ mifina kulihey.»