DANIYEL 2:20 - Bible en langue guiziga

²⁰ Dar Daniyel a zla a ɓi: «Anja i gaka sise da Buymisemuŋ ndrehhe, hã ngi sete! Asi sinmijileŋ waɗ gidaŋ, inga naŋhay.

DANIYEL 2:20 ပူးပေါင်းရင်းမြစ်များ

ZLI VIRZI 14:20

Sise da Buymisemuŋ Mimadiɗa, muvuluw mesene ɗikey asi haŋ ɗik na!» Abram a vulaŋ mukuruˀ ngi gwatay, naŋ mutuɓo taŋ gar ar vurumo.

BUYOY MUDUMBUŊ NAŊ 8:56

«Sise da Bumbulvuŋ muvula zuy da Israyel, mizli naŋhay, kaɓa naŋ miɓa ɗaˀ le zleˀe na. Ɓi mezlehey, naŋ miɓa taŋ, muboko ti balam Moyis gar na, ɓa mindir munja a gi slra na, anta.

ƁI NGI HIN GAR MUDUMBUŊ NAŊ 29:20

A dirba nah, Davit a ɓa mizli mukos koso: «Gaka sise da Bumbulvuŋ Buymisemuŋ kumo.» Dar zigiduw gar a ga sise da Bumbulvuŋ, Buymisemuŋ ngi dideˀ taŋ. A hurukom, a hurukom huruk huruk a mbuŋ Bumbulvuŋ waɗ a mbuŋ buyo.

ƁI NGI HINEY MUCUW NAŊ 20:21

Dar Zozafat a ngiɓam ˀay ati mizli, a pam mizli dimisey sek a mbuŋ sojeheye waɗ zana ngi mezegwel ɓaˀ ɓaˀ avu vu ngi hunuma Bumbulvuŋ ti dimisi, a ɓam: «Hunumaka Buymisemuŋ, asi wuɗa vu naŋ anta kiɗ mi ta.»

NEHEMI 9:5

A dirba nah, Levihey, ti: Yesuwa, Kaɗmiyel, Bani, Hasapneya, Serebiya, Hodiya, Sebaniya waɗ Petahiya, a tilam mi, a ɓam: «Slikiɗam, gaka sise da Bumbulvuŋ, Buymisemuŋ kum. Gakaŋ sise ndrehhe, hã ngi sete.» «Bumbulvuŋ, Buymisemuŋ, anja mizli a gukuw sise ti zila slimiɗ ɗik misi dudok na, asi dudok ɗike naŋ haɗa, a zli ta wãˀ. A funa ɗuwula mi ati hunuma vuhoyo le gar.

Ɗerewol JOP 12:13

Dambalaka na, sinmijileŋ ati gidaŋ, taŋ avu Buymisemuŋ, kuti waɗ lesle, taŋ avu naŋ ma.

DIMISEY 113:1

Haleluya. Kum gawla ngi Bumbulvuŋhoy, hunumakaŋ, hunumaka Bumbulvuŋ ti zila slimiɗ naŋ.

DIMISEY 113:2

Anja mizli a gaka sise da Bumbulvuŋ, zle wurenna, hã ngi sete.

DIMISEY 115:18

Amma magaka sise da Bumbulvuŋ i ndra, zle wurenna, hã ngi sete. Haleluya!

DIMISEY 147:5

Buymisemuŋ ndra, naŋ madiɗaŋ, yo naŋ gidaŋ haɗa, sin nga naŋ anta kiɗ mi ta.

DIMISEY 41:13

Ki jihiy le jah, ki bo ti ya le njiraŋ ti vu ɗu kuy kuy. Yo ki ɗiyi le ngi wãˀ a mbuŋ ɗike.

DIMISEY 50:23

Mbur magiy mikuli ngi hunum ɗu na, ara giy dudoko, yo ara zuɓ jiviɗ ng'ar li ya masa bigaŋ di, ya Buymisemuŋ malahaŋ na.

DIMISEY 62:11

Ki njaham hiri asi gi gwat ngi moˀore ta, ki pulaka vu kum mbak vur gwat mitiɓa ti gidaŋ ta. Ko da zlili kum ara sik kwana, anja mevel kum a hin aseˀe ta.

MIKUCUWULOY 8:14

Ngilawuy ati gi gwat mezle gu gar na, taŋ avu ya, yo lesl ati gidaŋ gar na, taŋ avu ya.

ZEREMI 32:19

Ki mukuti vu mupuɗaw wãˀ, migidaŋ ngi gi gwata, ki ro hiri taˀ ar gwat ngi gi ngi mbur gar, yo ki gi ti mburo gar weˀe avu kpak naŋ, weˀe avu gwat ngi gi naŋ.

EZEKIYEL 28:3

Ki wa kaɓa ka ti sinmijileŋ fineˀ Daniyele, kaɓa ɓi miyaŋ, manja ki si na na anta.

Matiye 6:13

Ki pula ndra i cam ar li ngi tikin ta, amma laha ndra tisi haŋ ngi Satana. [Asi Zumabuy, gidaŋ ati dudok i ngi ɗik hã ngi sete. Amin.» ]

ZUDE 1:24

Mbur majiginukum gu ɓa ki ndilam ar mungra ta, yo mandil ti kum gu manja hereweɗ, ti mumul haɗa a mbuŋ naŋ misi ti dudok haɗi,

ƁIMUNJUYO 5:12

A ra tilam mi ti gidaŋ, a ɓam na: «Tumuŋ mikiɗaka vagay zleˀe na, a ndila le ter ɓa mizli a vulakaŋ madiɗa, a gi zlili, a lum sinmijileŋ, a lum gidaŋ, a ɗuvakaŋ hirnga, a gakaŋ dudok waɗ a hunumakaŋ.»