DANIYEL 2:18 - Bible en langue guiziga

¹⁸ A ɓa taŋ ɓa a tumbuloko Buymuŋ vur ɓi ngi gwat mufuna wuluk ngi mbur hana, ɓa a ga taŋ mezleŋ, vur taŋ mamicam jom ati misi sinmijileŋ ngi Babiloŋhoyo.

DANIYEL 2:18 ပူးပေါင်းရင်းမြစ်များ

ZLI VIRZI 18:28

Asinta, a sa kic mizli zlum ngi gi kukur zlumo kwani! Ki sa ziza walahaya gar, asi mizli mikicam zlum na kwa?» Buymisemuŋ a ɓaŋ: «Da i lum mizli mijeŋŋeheye le kukur mufaɗ nga zlum a diga na, y'anta sa ziza walahaya ta.»

DIMISEY 136:26

Hunumaka Bumbulvuŋ ngi muŋ, asi gi teŋteŋ naŋ, anta kiɗ mi ta.

DIMISEY 50:15

Ar hin bonoy mulumuw le na, ziliy, i sa lihuw, joˀ kisa giy dudoko.

DIMISEY 91:15

Da ara ziliy na, i kil widi naŋ, angi bonoyo i sa ndir ava, i sa cukoŋ, i sa ɗuvaŋ hirngaŋ.

EZAYI 37:4

Soje micawwa ngi buy Asiri, buy naŋ vuna a slino di, ɓa a za Buymisemuŋ misi ti siifa. Asinta, Bumbulvuŋ, Buymisemuŋ ɗike, a cine mingiɓi naŋhay na le gar, yo a sa kutaŋ ti bonoy aseˀe kwani? Anja ka mijiviɗe, ki tumbulo Buymisemuŋ asi mizli mindiram ar siifa neˀ na so.»

ZEREMI 33:3

Ziliy, i sa ziluw mi, i sa njikuw gwat madiɗahay, gwatay muɗum, ka misina taŋ ta.

EZEKIYEL 36:37

Ya Bumbulvuŋ, Buymisemuŋ i ɓi na: gwat ya masa gi ani ma: I sa pula jiviɗe ɓa Israyeley a lumikiy, ɓa i sa jiniˀis asi taŋ. I sa ska taŋ kaɓa ginew taˀ gezleŋ.

DANIYEL 2:23

Buymisemuŋ ngi dideˀ ɗuwoy, i guw dudok, yo i hunumuw, asi ki vuliy sinmijileŋ le waɗ gidaŋ. Wurenna, gwat ndra mucufuɗaka na, ki bigiy di le, ti ka minjika ndra gwat maga weleleˀ da buy na.»

DANIYEL 3:17

Aw buy ɗu! Da Buymisemuŋ, ndra magam slra naŋ na, a laha ndra gu na, anja a sa laha ndra tir vu munjulili vuna waɗ tisi haŋ ɗike ma.

DANIYEL 4:26

Naŋ kine, vi pal a dirba nah na, Nabukodonozor ara liˀi ar gbale ngi mugum nga naŋ buy a Babiloŋ.

ZONAS 1:9

Zonas a mbiɗa taŋ di: «Yi mbur Heber, yi huruk huruk nga ya a mbuŋ Bumbulvuŋ, Buymuŋ, miga mubuliy ati hirwuyoy na.»

MALASI 3:18

Akẽh na, kisa puraka wal wal misi ar wala ngi mbur mijeŋŋe ati mbur misi moˀore, yo ar wala ngi mbur magi slra ngi Buymisemuŋ ati magi ta.

Matiye 18:12

«Ki wulkam mbrike? Da mburo, naŋ da ti tumuŋ skat, yo da purla a wuzla taŋ a zizi le na, a pula mizli ngir ngoltir nga ngoltire mbak a muwã, ɓa ara puro mipal mizizi na ta kwa?

Matiye 18:19

«Yi ɓukum ma na: Da mizli cuw a wuzla kumo, a ngiɓam ay le a ruwuyo, ɓa a cufuɗam ko mike gar na, Cine ɗu misi a muŋ a sa vula taŋ di.

SLRA 12:4

A dirba naŋ mija na, a caŋ ar dangay, a pula asi haŋ ngi gojehey mufaɗ mufaɗ taˀ taˀ mufaɗ, ɓa a jiginakaŋ. A wuluk na, a a dirba muguzlum ngi Paka, a sa gaŋ kiita a wuzla zigiduw.

ROMAHAY 15:30

Amma na, sukum ɗuwoy, ambuh ambuh kum, ti slimiɗ ngi Buy ndra Yesu Kristu, yo ti wuɗavu ngi ˀUf Mipal na, ɓa ki cikam vu jom ati ya ti diradibiɗ, kum madiraka vur ya na,

PIYER MUCUW NAŊ 2:9

Naŋ kine, mizli mikaslslahay na, Bumbulvuŋ a laha taŋ tir bonoy taŋ gu, yo mizli migi gwat mijeŋŋehey ta na kwana, a wi taŋ vu ngi sa ga taŋ bonoy, tapas naŋ masa ga taŋ kiita.

SAMUYEL MUDUMBUŊ NAŊ 17:37

Mobor ati luˀuf, Buymisemuŋ a lihiy le avu zlenek taŋhaya. A sa lihiy a haŋ mbur Filisti nah vuna, kanah ya.» Davit a ɓa Sawulo ka misenna. Joˀ Sawul a mbiɗaŋ di: «da kine na, ka ru so, anja Buymisemuŋ naŋ da ti ka.»