DANIYEL 2:11 - Bible en langue guiziga

¹¹ Gwat ka mucufuɗa na buy, naŋ tuwaˀ haɗa. Sey i kulihey ta na, mbur mekelem anta ɓa a mbuɗuw di ta, asi taŋ, t'anta ati mizli titirahay ta.»

DANIYEL 2:11 ပူးပေါင်းရင်းမြစ်များ

ZLI VIRZI 41:39

Buy madiɗa ngi Ezipte a ɓa Zozefe: «Ani Buymisemuŋ a njikuw gwat tayna le gar, mbur misi ti lesl, yo misi ti sinmijileŋ kaɓa ka vuna anta.

ZLI VIRZI 41:8

Put ngi miprik naŋ na, buy madiɗa ngi Ezipte ara lik, a zilo misi ketelehey ati misi sinmijileŋ ngi Ezipteheye pay. A slufa taŋ ɓi ngi musuwun naŋ. Amma ko mbur pal mimbiɗa mbiɗeˀvra naŋ gu da buy madiɗa ngi Ezipte anta.

BUYOY MUDUMBUŊ NAŊ 8:27

Ani na, Bumbulvuŋ vuna a cifi a ruwuyo gisiŋ sukwani? Birngiŋ, ko ti naŋ mihaɗa gar na kwana, a ndila ngi cifi ti naŋ ta na si. Sokkota Hay ya mindira hana jak kwa.

ƁI NGI HINEY MUCUW NAŊ 6:18

Ani na, Buymisemuŋ vuna, zliv a cifi ati mizli a ruwuyo gisiŋ sukwani? Muŋ, ko ti naŋ mibirngiŋ gar na, a cifi di joˀ gu ta. Sokkota hay ya mindira hana jak kwa?

DIMISEY 132:14

A ɓi na: «Li hana, i li musuka vu ɗu ngi wãˀa, i hĩyã le ɓa i sa pa hay ɗu anga.

DIMISEY 68:18

Buymisemuŋ naŋ ti mota ngi vurumoy, durmuk mbeˀ mbeˀ, a sluf ta, misi vuhoy njilim njilim. Bumbulvuŋ naŋ da a wuzla taŋ, a muwã Sinay, li ngi Bumbulvuŋ.

BI NGI ISRAYELEY 29:45

I sa ndir a wuzla Israyeleye, i sa tiri Buymisemuŋ taŋ.

BI NGI ISRAYELEY 8:19

I sa wi vu ti mizli ɗuwoyo, baˀ pal avu ngi ɗikey bonoy masa kiɗa taŋ na. Bonoy nah na, a sa gi ti priki.»

EZAYI 47:12

Ka ndir ti pi daˀas ɗik, ati cucuk ɗik mihaɗa na so. Ki giro vu le gar ngatara vurˀe, zle ti zuŋ. Ki wa zleˀe, zliv kisa lum di gwat, malla kisa ɓul di hiryi masa lumuw kwani!

EZAYI 57:15

Ya mbur madiɗa, mifineˀ gwatay gar, mandir ngi set, yo slimiɗ ɗu mipala, i ɓi na: «Ya Buymisemuŋ, mua muŋ, ya mipal, ya misi ati mizli muroko ar bonoy, waɗ misi membezleŋ ngi vu taŋ anta mata. I wuɗ i vula siifa da mizli misi membezleŋ ngi vu taŋ anta mata, waɗ da mizli muroko ar bonoyo.

EZAYI 8:18

Ya vuna ati ziri Bumbulvuŋ miviliy taŋ na, avu Israyeleye, ndr'i gwat mabigam gwat, ndr'i mingiɓi muso tivi Bumbulvuŋ, misi gidaŋ wãˀ, misi hay naŋ a muwã Siyoŋ.

DANIYEL 4:4

Dar misi cucukoy, muɓula musuɗukoy, mizli Babiloŋhoy waɗ mipi daˀasay a ndiloko. Yi ɓa ɓi ngi musuwun ɗu a mbuŋ taŋ, amma ko a ɓikiy mbiɗeˀvra naŋ ta.

DANIYEL 5:11

Ar zumabuy ɗike, mbur ada, sin ngi kuli mezlehey ada ar naŋ. Ti hin ngi cine ɗik mazum buy na, i puraka na, a sla wala ngi ɓi kwaŋ kwaŋ, naŋ ti slesle, yo naŋ ti sinmijileŋ kaɓa ngi kuli mezlehey. Cine ɗik Nabukodonozor a cufaŋ i madiɗa ngi muɓula musuɗukoy, ngi mupura kulihey, ngi misi cucukoy waɗ ngi mizli mupura wurzlaŋhay. Cine ɗik buy miga na, naŋ kanah.

SLUFA VU 35:34

Hirwuy kum misi anga hana, yo ya vuna misi ada anga ti hirnga ɗu na, ki gam di lambaˀ lambaˀ ta so. Asi, ya Bumbulvuŋ, y'ada a wuzla Israyeleye.»

Matiye 19:26

Yesu a ɗuva hiri taˀ angi taŋ, a ɓa taŋ: «Avi mizli na, a gi ta wãˀa, amma avu Buymisemuŋ, gwat gar a gi gu.»

Ɓimezle ngi Yesu Kristu ZAŊ mitil di mi 1:14

Yo Mingiɓi tuwa a tiri mbur titra le. A cifi a wuzla ndra ti gimezle ati ɓi ɓi mikaslsla haɗa. I puraka dudok naŋ le. I dudok ngi Mangal kirmalay mulumo di avu Cine.

Ɓimezle ngi Yesu Kristu ZAŊ mitil di mi 14:17

Naŋ i ˀUf mijeŋŋe. Naŋ na, duniya a tiɓaŋ gu ta, asi naŋ anta puraŋ ta, yo a sinaŋ ta. Amma kumo, ki sinakaŋ le, vur naŋ da ati kumo, yo naŋ da a hur kumo ma.

Ɓimezle ngi Yesu Kristu ZAŊ mitil di mi 14:23

Yesu a mbiɗaŋ di: «Da mbur ara wuɗiy na, a sipa mingiɓi ɗu. Baha a sa wuɗaŋ, Baha ati ya i sa soko, i sa paka hay ndra wãˀ a hur naŋ.

KORENTIHEY MUCUW NAŊ 6:16

Hay ngi Buymisemuŋ ati kuliheye, a jumom arleˀe mbri mbrike? Asi ndra, ndr'i hay ngi Bumbulvuŋ misi ti siifa, kaɓa Buymisemuŋ vuna miɓi: «I sa cifi ti hay ɗu a wuzla taŋ, yo i sa liˀi a wuzla taŋ. I sa tiri Buymisemuŋ taŋ, yo taŋ a sa tiram mizli ɗuwoy.»

ƁIMUNJUYO 21:3

Waɗ i cin ˀay kaɓa ngi mbur paɗ tir janga ngi buyo, ara ɓi ti gidaŋ: «Puraka, hay ngi Buymisemuŋ n'ani, naŋ a wuzla mizli, a sa cifi ati taŋ. Taŋ a sa tiram mizli naŋhay, yo naŋ a sa tiri Buymisemuŋ misi ati taŋ.