DANIYEL 12:3 - Bible en langue guiziga

³ Mizli misi lesley a sa wucuɗam kaɓa gwatay mawucuɗam ar birngiŋ a muŋ, mizli mitiram ti zigiduw taˀ ɓa a ndram teŋteŋ na, a sa wucuɗam ngi caˀa, kaɓa wurzlaŋ ngi muŋhoy.

DANIYEL 12:3 ပူးပေါင်းရင်းမြစ်များ

BI NGI ISRAYELEY 34:35

Israyeley a puraka na, mihiri ngi Moyis ara wucuɗu. Dar Moyis a sirta hiri sirit ti zana, hã a mi ara ɓam ɓi ati Buymisemuŋ.

MIKUCUWULOY 11:30

Widis ngi siifa, i migir ngi mbur mijeŋŋe, mbur misi sinmijileŋ, mizli taŋ asi haŋ naŋ.

MIKUCUWULOY 3:35

Buymisemuŋ a ga ɗongor da mizli misi sinmijileŋheye, amma gilawaya, a sa pam mesem.

MIKUCUWULOY 4:18

Amma jiviɗ ngi mizli mijeŋŋeheye, naŋ njahha ka li mawun, a gi njahha ti vendeke, hã wuzla papasa.

TILA MI 12:9

Gwat ngi buc nga mi sinmijileŋ ngi mbur misi sinmijileŋ, n'ani: a dubuna sin ngi gi gwata le da mizli ma, a wunjul mi kicuwuloy le haɗa, a ɗumburo ɓi taŋ le, yo a cinjaha taŋ le, vur cala vur cala.

EZAYI 53:11

Ya Buymisemuŋ i ɓi na: Naŋ misi bonoy haɗa tuwa na, a sa pura dideˀ naŋhaya, hin ngi siifa naŋ a sa giɗi. Naŋ gawla ɗu, mizli a sa sinakaŋ, naŋ jeŋŋe, akẽh, a sa dubuna gi jeŋŋe da zigiduw haɗa, joˀ naŋ vuna a sa ɓusa jijira malambaˀ taŋ.

ZEREMI 23:22

Da a cicam le ɗaˀ zleˀe ar li ngilawuy ɗu na, anja ani a ɓaka mingiɓi ɗu da mizli ɗuwoyo, ɓa a cinaka so. Anja ani a mbuɗoko hiri taŋ le tir sipi jiviɗ malambaˀ taŋ na, waɗ tir gi gwat taŋ mikaslsla ta na.»

DANIYEL 11:33

Misi lesl ngi wuzla taŋhaya, a sa dubunam gwat da mizli haɗa, amma neˀ a dirba naŋ sina, a sa kiɗaka cah mekelemeye vagay vagay ti maslalam, ti vu, a jam ti ji ng'ar beke waɗ a vaka gwat ngi mekelemeye.

DANIYEL 11:35

A wuzla misi lesley na, mekelemey a sa micam, ɓa pumbus taŋ a bi ti malambaˀavra, a buna mungra, a pusluɗa taŋ ndazl ndazl hã avu kiɗa mi ngi hin, asi a sa ndilo sey angi hin naŋ.

DANIYEL 12:10

A sa zuɓaka dili ngi zigiduw taˀ, a bunaka taŋ ndazl ndazl, yo a ndiram celelle baɗ tir bonoyoy. Misi moˀoreheye, a sa gam ti gi moˀore taŋ. Ko misi moˀore pal anta sa sla wala naŋ ta, amma misi lesleye, a sa slaka wala ngi gwatay macohomo.

Matiye 13:43

Tapasa, mizli mijeŋŋehey a sa wucuɗam ka pas ar Zumabuy ngi Cine taŋ. Mbur misi ti slimiɗ macin na, anja a cin!

Matiye 19:28

Yesu a ɓa taŋ: «Gisiŋ, yi ɓukum na: Tapas gwatay gar masa mbiɗam nawayaŋ, yo tapas Mangal ngi mbur masa cifi ar janga naŋ ngi buy misi ti dudok na, kum misipi ɗuwoyo, kisa cifam ar janga ngi buy madiɗahay kuruˀ nga cuw aya, ɓa ngi gi kiita da sukwi ngi Israyel muwunuk taˀ taˀ kuruˀ nga cuw na.

Matiye 24:45

«Gawla miteŋteŋ misi lesl i wana ska? I mbur, buy ngi hay mupulaŋ mizli ngi hay naŋhay asi haŋ naŋ, ɓa a vula taŋ gwat ngi zumo kasl kasl angi pas taŋ muwuɗam le.

Ɓimezle ngi Yesu Kristu ZAŊ mitil di mi 4:36

Migi sifi ngi gwata, ara lum migir naŋ si, ara kuso gwat ngi sifiheye vur siifa ngi sete, hã mbur mizligi gwat ati mbur migi sifi naŋ, a mumulom jom arleˀeŋ.

Ɓimezle ngi Yesu Kristu ZAŊ mitil di mi 5:35

Zaŋ i lampe mija vu le ava, mapusluɗa li. Yo ki wuɗam le zleˀe haɗa ɓa ki zikam neˀ ti mumul ar li minjahha naŋ na.

SLRA 13:1

Mijiviɗey ati mizli mudubuna gwat da mizli ada a wuzla Cikil ngi misikristu ngi Antiyosoyo: i ti Barnabas, Simeyoŋ mazilaka ti mi gala Titra, Lukiyus ngi hirwuy Sirene, Manaheŋ, mendele ngi buy Herod, waɗ Sawul.

KORENTIHEY MUDUMBUŊ 3:10

Weˀ avu gwat ngi vul ɗu Buymisemuŋ muvuliy di na, i ɗuva virzi naŋ le ka mbur misina wi hay le ti jiviɗ naŋ. Mbur mekelem a ɗuva a hirnga naŋ. Amma anja mbur gar a ji lesl ar naŋ masa ɗuva a hirnga naŋ na so.

EFESEY 4:11

Yo i naŋ muvula gwat wal wal da mizli: mizli mekelemeye, a vula taŋ slra ngi mislin, mekelemeye, i mijiviɗey, mekelemeye, ngi tila mi ti Ɓi Mezle. Mizli mekelemeye, slra ngi jigin, waɗ ngi dubuna gwat da mizli.

HEBEREY 5:12

Anja kum i mudubuna gwatay da mizli zlezle si, amma ani, ki roko wuɗam ɓa a dubunukum gwat mudumbuŋ dumbuŋhoy ar zlivirzi ngi mingiɓi ngi Buymisemuŋ aruŋ na si. Kum ti may ngi ɗuwa aruŋ, mbak ngi ɗaf ngi mizli micawwahaya le.

PIYER MUCUW NAŊ 3:15

Yo kum ɓam jak na, ndiɓi mihaɗa ngi Bumbulvuŋ na, i jiviɗ ngi lih kum. Sukum ndra Pol, yo i ngama ndra ma, naŋ mutuhukum ɗerewol ti sinmijileŋ, Buymisemuŋ muvulaŋ di na, pulaˀvra naŋ i nah.

ƁIMUNJUYO 1:20

Wurzlaŋhay mitarnaˀ, ka mupura taŋ a hur haŋ hazum ɗu, yo li ɗuva lampehey mitarnaˀ mipa taŋ ti ɓiri tapasl tapasl na, ɓi muɗum ngi raˀa n'ani: Wurzlaŋhay mitarnaˀ na, i modro ngi cikil ngi misikristuhoy ar li taˀ taˀ tarnaˀ, yo li ɗuva lampehey mitarnaˀ na kwana, i cikil ngi misikristuhoy ar lihey taˀ taˀ tarnaˀ.

MIGI KIITAHAY 5:31

Bumbulvuŋ, anja mesene ɗikey a ngizlam gar kahana, amma ngama ɗikeye, anja a ndiram kaɓa pas majiɗo ti jiɗ aruŋ.» Joˀ hirwuy a ndir setette vi kukur mufaɗa. Sukwi ngi Benjameŋ a sipataŋ, a jum ng'ar ngay taŋ