DANIYEL 12:2 - Bible en langue guiziga

² Mizli misi ar li cifi ngi mizli mumucahay haɗa, a sa slikiɗam, cah mekelemeye ng'ar siifa ngi sete, cah numuŋhoyo kwana, ng'ar mesem muwãˀ naŋ, ng'ar bonoy mukuyta wãˀ ngi sete.

DANIYEL 12:2 ပူးပေါင်းရင်းမြစ်များ

MIKUCUWULOY 12:8

A hunumaka mburo asi lesl naŋ mezleŋ, mbur misi lesl naŋ cir cir ta na, i ngi hirisi.

EZAYI 26:19

Mizli ɗikey mumicama, a sa moko ti siifa a muŋ, vagay taŋhay a sa slikiɗam. Kum mizli ngi ruwuyoy, puɗukom, jam salalay, asi wulngar ɗike, i wulngar ngi li minjahha, yo hirwuy a sa vula siifa da mizli mumucahay a muŋ.

EZAYI 66:24

Ti mizli masa bam tir walahaya na, a sa puraka vagay ngi mizli mislikiɗam ɓi avu ya na. Mumuyuŋ masa zuma taŋ na, anta sa muc ta, vu mawura taŋ kwana, anta sa muc ta. A sa tiram i gwat mukuyta wãˀ ngi puroy a mihiri ngi mizli ngi si ruwuyoy keɗeɗe.»

ZEREMI 20:11

Amma Bumbulvuŋ a ro ati ya, kaɓa bugawla ar vurum. Misipi ɗuwoy nder ndere, a sa ndilam, t'anta sa lumam bugawla gu ta. Mesem a sa sirta taŋ, t'anta sa gaka gwat taŋ mawuɗam gi naŋ gu ta. Busukum ngivi dangwal taŋ a diɗ le ngi set! Ko mbur masa puyuko hirnga naŋ anta.

EZEKIYEL 37:12

Vurˀe, njika mingiɓi ɗu, ɓa taŋ: Ya Bumbulvuŋ, Buymisemuŋ i ɓi na: I sa wuna mi ngi zivi kumoyo. Kum mizli ɗuwoyo, i sa bo ti kum tir ziviheye, i sa mi ti kum ng'ar hirwuy kum a muŋ.

Ɗerewol OZE 13:14

Ɓa i mbuɗo hirnga taŋ, ti ruwuy ngi mizli mumucahaya sukwa? Ɓa i tuɓo taŋ ti vu muco sukwa? Mucu, bonoy ɗik ka maga da mizli tuwa naŋ maka? Li ngi mizli mumucahay, mozorbono ka mangizl di mizli tuwa naŋ maka? Ko ɓi ngi pura ircece anta avu ya mata.

Matiye 25:46

Joˀ taŋ a sa ram ng'ar li ngi bonoy ngi sete, yo mizli mijeŋŋeheye, ng'ar li ngi siifa ngi sete.»

SLRA 24:15

Yi njih hiri le najah, mizli mijeŋŋehey ati malambaˀhay gar, Buymisemuŋ a sa slikiɗa taŋ gar a muŋ, kaɓa taŋ mawulkam vuna ya.

SLRA 7:60

A dirba nah, a huruk huruk ti popurok, a til mi ti gidaŋ: «Bumbulvuŋ, anja ki slufa mungra hana a hirnga taŋ ta! A dirba naŋ miɓa mingiɓi hana na, a mucu.

ROMAHAY 9:21

Mbur mindira gwata, a gi ti hohoyo kaɓa naŋ muwuɗ le ta kwa? Da a wuɗ le na, a zuɓa hohoy misi purla, a ndir di tutuŋhoy cuw: Pal hana, i tutuŋ mezle, yo pal numuŋ, i tutuŋ ho gar ta kwa?

TESALONIKEY MUDUMBUŊ NAŊ 4:14

I tiɓaka le, Yesu a muc le, a slikiɗ le a muŋ. Naŋ kanah ya, mizli mumucahay mitiɓaka Yesu le na, Buymisemuŋ a sa hila taŋ ti seˀeŋ.

ƁIMUNJUYO 20:12

Waɗ ma na, i pur mumucahay, mizli madiɗahay ati mizlewey deŋ deŋ a mbuŋ janga ngi buy tuwaŋ, waɗ ɗerewol muwunahay wun wun. A wunam ɗerewol mekelem ma na, i ɗerewol ngi siifa. Dar a gaka kiita da mumucahaya weˀe avu gwat ngi gi taŋ, kaslsla avu taŋ mutohoko ɓi naŋ angi ɗerewoloy vuna.