DANIYEL 12:13 - Bible en langue guiziga

¹³ Naka so na Daniyel, cici gidaŋ gidaŋ hã ar kiɗa mi naŋ. Ar hin ngi kiɗa mi naŋ na, kisa lum muska vu, yo kisa slikiɗ ngi tiɓa migir ɗike.»

DANIYEL 12:13 ပူးပေါင်းရင်းမြစ်များ

DIMISEY 1:5

Tapas gi kiita na, migi moˀoreheye, t'anta sa cicam gu ta. Ar kus ngi mizli mijeŋŋeheye, ko migi mungraˀahaya, anta sa cicam gu ta ya.

BI NGI ISRAYELEY 33:14

Bumbulvuŋ a mbiɗaŋ di na: «I sa ru ti kum ti haŋ ɗu, ki likam ta, i sa ra vulukum musukavu.»

DANIYEL 12:3

Mizli misi lesley a sa wucuɗam kaɓa gwatay mawucuɗam ar birngiŋ a muŋ, mizli mitiram ti zigiduw taˀ ɓa a ndram teŋteŋ na, a sa wucuɗam ngi caˀa, kaɓa wurzlaŋ ngi muŋhoy.

DANIYEL 12:4

Naka, Daniyele, ndir ti mingiɓi hana yaŋ a mevel ɗiki, yo slirɓa ɗerewol hana sliraɓ hã avu kiɗa mi ngi hin. Mizli haɗa a sa slufaka, yo sin taŋ kwana a sa sik nga mbuŋ aya.»

ZAKARI 3:7

Ya Bumbulvuŋ misi gidaŋ wãˀa, i ɓi: Da ki ra sipa jiviɗ ɗu, da ki ra ja ɓimuɗuva ɗuwoy a hirnga na, masa wa hay ɗu i ka ti hirnga ɗiki, yo kisa ki slimiɗ ar wazlaray ɗu ma, i sa cuw a wuzla mizli mideŋ deŋhey aka na.»

Matiye 19:28

Yesu a ɓa taŋ: «Gisiŋ, yi ɓukum na: Tapas gwatay gar masa mbiɗam nawayaŋ, yo tapas Mangal ngi mbur masa cifi ar janga naŋ ngi buy misi ti dudok na, kum misipi ɗuwoyo, kisa cifam ar janga ngi buy madiɗahay kuruˀ nga cuw aya, ɓa ngi gi kiita da sukwi ngi Israyel muwunuk taˀ taˀ kuruˀ nga cuw na.

Ɓimezle ngi Yesu Kristu LUK mitil di mi 21:36

Amma ki hinjam ta, diram dibiɗ ndrehhe, ɓa ki lumam gidaŋ ngi lih tir gwat masa ndilo gar, yo ɓa kisa cicam deŋ gu a mbuŋ Mangal ngi mburo.»

KORENTIHEY MUCUW NAŊ 5:1

Naŋ kine, i sinaka le, da guɗuk ndra ngi ruwuy, ndra misi anga hana, a puw le avra na, hay ndra ada a muŋ, hay mandir hã ngi sete, i mizli mindiraka ta, i Buymisemuŋ.

TESALONIKEY MUCUW NAŊ 1:7

Tapas Buy ndra Yesu masa bugo vu ti muŋ ati modro naŋ migidaŋhay na, kum masam bonoy na, a sa cufukum ɓa ki muskam vu ati ndra ya.

ƁIMUNJUYO 14:13

Dar i cin ˀay ka ngi mbur paɗ ti muŋ, a ɓi: «Toho na: Mizli mumicam ar taŋ mujom ati Buymisemuŋ na, taŋ ar wuya zle wurenna!» ˀUf Mipal a mbiɗaŋ di: Kanah gisiŋ! A sa muskam vu avu slra taŋ mutuwaˀ haɗa na, asi a vulaka taŋ migir taŋ weˀe avu gimezle taŋ na.»