DANIYEL 12:10 - Bible en langue guiziga

¹⁰ A sa zuɓaka dili ngi zigiduw taˀ, a bunaka taŋ ndazl ndazl, yo a ndiram celelle baɗ tir bonoyoy. Misi moˀoreheye, a sa gam ti gi moˀore taŋ. Ko misi moˀore pal anta sa sla wala naŋ ta, amma misi lesleye, a sa slaka wala ngi gwatay macohomo.

DANIYEL 12:10 ပူးပေါင်းရင်းမြစ်များ

DIMISEY 107:43

Mbur mawuɗ sinmijileŋ i waka? Anja a ji lesl avu gwat tayna gar, yo a sla wala ngi gi mezle ngi Bumbulvuŋ.

DIMISEY 51:7

Pura, a yikiy cak ar gi gwat malambaˀa, ya guzluv ar mungra, diga ya misi a kwacay maha.

MIKUCUWULOY 1:5

Ko mizli misi sinmijileŋhey, masa slufaka kwana, sin taŋ mijileŋ a sa ru nga mbuŋ, yo mizli misi lesleye, a sa sinaka jigina mizli.

EZAYI 1:18

Ya Bumbulvuŋ i ɓi: «Soko i kiɗam slir. Da mungra kumoy taŋ cihhe na, a sa pusluɗam ndazl ndazl kaɓa yam. Da taŋ ndez ndez wãˀ na, a sa tiram kaɓa ngwic ngi tumuŋ babaraŋ.

EZEKIYEL 36:25

I sa kicukum yam miɗelelle, ɓa kisa ndiram manja dili. Dili kumoy ati ɓi ngi huruk huruk kum a mbuŋ kuli kumoy na, i sa zuɓukum taŋ avra.

EZEKIYEL 47:11

Amma yam madiɗahay, muyuŋ misla taŋ le ati yam mijileŋ jileŋ tahaya, a sa ndiram i yam mezlehey ta, a sa pulaka taŋ ngi mandaŋ.

DANIYEL 11:33

Misi lesl ngi wuzla taŋhaya, a sa dubunam gwat da mizli haɗa, amma neˀ a dirba naŋ sina, a sa kiɗaka cah mekelemeye vagay vagay ti maslalam, ti vu, a jam ti ji ng'ar beke waɗ a vaka gwat ngi mekelemeye.

DANIYEL 11:35

A wuzla misi lesley na, mekelemey a sa micam, ɓa pumbus taŋ a bi ti malambaˀavra, a buna mungra, a pusluɗa taŋ ndazl ndazl hã avu kiɗa mi ngi hin, asi a sa ndilo sey angi hin naŋ.

DANIYEL 12:3

Mizli misi lesley a sa wucuɗam kaɓa gwatay mawucuɗam ar birngiŋ a muŋ, mizli mitiram ti zigiduw taˀ ɓa a ndram teŋteŋ na, a sa wucuɗam ngi caˀa, kaɓa wurzlaŋ ngi muŋhoy.

Ɗerewol OZE 14:9

Efrayim! Gwat majumiy ya ati kulihey ada maka? Maziluw mi ar diradibiɗ ɗik, yo maki slimiɗ ar ka, i ya. Ya tum tukuf tukuf, kaɓa widis Sipre. Maga ɓa ki gam sifi, i ya.»

ZAKARI 13:9

Ziri mindiram ngac li taˀ purla tuwa na, i sa pura taŋ ar vu. Kaɓa mapam ɓiri bara malla ɓiri tapasl tapasl ti vu na, i sa pa taŋ kanah ya. Dar taŋ a sa zilaka slimiɗ ɗu, yo ya i sa cine taŋ di. I sa ɓi vur taŋ: «I mizli ɗuwoy», yo taŋ a sa ɓam vur ya: «Ya Buymisemuŋ taŋ, yi Bumbulvuŋ.»

MALASI 3:3

A sa cifi ngi pi ɓiri waɗ ngi bi ti zayɓiri bara. A sa bi ti dili ngi dideˀ ngi Levihey avra wãˀ. A sa jujuro taŋ kaɓa majujurom ɓiri tapasl tapasl ati ɓiri bara. Masa ndiram avu Bumbulvuŋ, i mizli mavulakaŋ gwat ngi mikuli mizlir le kaslsla wãˀ.

Mark 4:11

Joˀ Yesu a ɓa taŋ: «Kumo, ɓi ngir Zumabuy ngi Buymisemuŋ, a bugukum di le. Amma avu mizli mekelemeye, sey a waka taŋ di weˀ ti wi.

Ɓimezle ngi Yesu Kristu LUK mitil di mi 24:25

Dar Yesu tuwa a ɓa taŋ: «Kayya, kum mizli manja lesley, ɓi mijiviɗey miɓaka gar na, mevel kumo tiɓa zayãˀ zayãˀ haɗi.

Ɓimezle ngi Yesu Kristu ZAŊ mitil di mi 18:37

Dar Pilat a ɓaŋ: «Na, ki buy sukwani?» Yesu a mbiɗaŋ di: «Maɓi yi buy na, i ka. A yikiy, yo yi so ar duniya ɓa ngi gi sedewo vur ɓi mikaslsla. Ko wa gar mawuɗ ɓi mikaslsla gar na, a cine mingiɓi ɗu.»

Ɓimezle ngi Yesu Kristu ZAŊ mitil di mi 7:17

Gwat ya madubuna da mizli hana, da a bo ti vu Buymisemuŋ, malla da yi ɓi di i ɓi ngi hirnga ɗu na, mbur mawuɗ gi gwat Buymisemuŋ mawuɗ na, a sa sinaŋ.

Ɓimezle ngi Yesu Kristu ZAŊ mitil di mi 8:47

Mbur muso ti vu Buymisemuŋ na, a cine mingiɓi ngi Buymisemuŋ. Amma kum i mizli ngi Buymisemuŋhoy ta, kum majikam slimiɗ asi ɓi ɗu ta na, vurˀeŋ.»

KORENTIHEY MUDUMBUŊ 6:11

Mekelemey a wuzla kumo taŋ zleˀe kanah vuna. Amma Buymisemuŋ a bunukum mungra kumoyo le avra, a pukum le sek pal da naŋ, a ɗiyukum le jeŋŋe a mbuŋ naŋ ti slimiɗ ngi Buy Yesu Kristu waɗ ti ˀUf ngi Buymisemuŋ ndra.

KORENTIHEY MUCUW NAŊ 7:1

Yeme ɗuwoy, ani gwat tayna gar na, Buymisemuŋ a ɓa ndra di le ɗaˀ le, a sa ndiram da ndra. Vurˀe, dumvu ndra ati musuɗuk ngi vu ndra misi dili na, zuɓukum dili taŋ ti haŋ ndra. Tumukum vu ɓa i ndiram ndr'i mizli muvuku vu taŋ wãˀ ti zluwunun ti Buymisemuŋ.

Ɗerewol TIT 2:14

Kristu a vula hirnga naŋ le ti haŋ naŋ vur ndra, ɓa ngi mbuɗo hirnga ndra tir gi gwat lambaˀ gar, yo ɓa a buna ndra celelle da naŋ, ndra mihirdam hirdam ngi gi gwat mezlehey na.

HEBEREY 12:10

Asi mike na, cine ndra ngi ruwuyoy aka, taŋ a kutam ndra ngi hin neˀ si, avu taŋ mupuraka le kuy. Amma Buymisemuŋ a kuta ndra na, vur lum ndra ada ara, ɓa i ndiram ti kpak nga naŋ mipal na ya.

PIYER MUDUMBUŊ NAŊ 1:22

Kum magaka gwat, ɓi mikaslsla maɓa na, kite ki ɗiyaka musuɗuk ngi vu kumoyo le, ɓa ki wuɗam sukum kumoyo ti kwacay cuw cuw ta. Hurdumom ngi wuɗavu ar wala kumo ti mevel purla so.

PIYER MUDUMBUŊ NAŊ 1:7

Ɓiri tapasl tapasla, a puraka le angi vu ngbaŋ ni. Gar ti nah kwana, anta ndir caˀa ta. Naŋ kanah ya, tiɓi kumo, naŋ puɗaw haɗa, a funa le, amma a puraka le ya, ɓa ngi si na puɗaw naŋ vuna. Vurˀe, tapas Yesu Kristu masa bugo vu na, kisa lumam hunum, dudok waɗ ɗuva hirnga asi tiɓi kum na ya.

ZAŊ MUDUMBUŊ NAŊ 5:20

I sinaka le, Mangal ngi Buymisemuŋ a so le, a vula ndra lesl le ɓa i sinaka Buymisemuŋ migisiŋ gisiŋ. Ndra mujom ati Buymisemuŋ migisiŋ gisiŋ na, mbele Mangal naŋ Yesu Kristu. Naŋ i Buymisemuŋ migisiŋ gisiŋ, yo i siifa ngi sete ma gar.

ƁIMUNJUYO 16:11

A zaka Buymuŋ, asi bonoy taŋ masaka, waɗ asi waˀa misi gweh gweh migi avu taŋ na. Amma, taŋ magam gwat malambaˀ na, ko a zilam marava vurˀe ta na si.

ƁIMUNJUYO 19:14

Vurum ngi muŋ ara sipaŋ, taŋ ar pilis babarahay. A kam zana ngi gabaga mislirkeɗ slirkeɗ, ngilew ngilew, hetet hetet.

ƁIMUNJUYO 19:8

A vulakaŋ ngi ki, i zana ngi gabaga mislirkeɗ slirkeɗ, ngilew ngilew, hetette. Asi gabaga hana, i slra mijeŋŋe ngi mizli ngi Buymisemuŋhoy.»

ƁIMUNJUYO 22:11

Mbur magi gwat mijeŋŋe ta na, anja a gi gwat mijeŋŋe ta ava. Mbur migi malambaˀ na, anja a ndir i migi malambaˀa. Amma mbur mijeŋŋe na, anja a gi gwat mijeŋŋe ava ma, mbur mipal, anja a ndir i mbur mipal ava ma.»

ƁIMUNJUYO 3:18

Vurˀe, i ra kutuw ɓa ki so hiɗik ɓiri tapasl tapasl avu ya, mubaka malambaˀ naŋ le avra ti vu, ɓa ki gi zlili. So hiɗik zana babara, ɓa ngi ɗumo mesem ngi vu ɗik mugulndiŋ na, yo so hiɗik slalak ngi pi a hiri, ɓa ki pur.

SAMUYEL MUDUMBUŊ NAŊ 24:13

Anja Buymisemuŋ a ga ndra kiita ar wala ndra ati ka. Anja Buymisemuŋ a pula cuwal ɗu ti ka. Amma ya, y'anta i sa ja haŋ avu ka ta.