DANIYEL 12:1 - Bible en langue guiziga

¹ «Modro ngi Bumbulvuŋ a ɓiy na: ‹Ti hin tayna, Misel madiɗa ngi vurum ngi muŋhoyo naŋ macici zlak ar mizli ɗikey na, a sa bugo vu. A sa tiri i hin ngi muɗa didakay, zle ar zli virzi ngi ruwuy, hã dana, ko gwat ngi muɗa didak kanah, a gi ɗaˀ ta. Ti hin tayna, mizli ɗikey a sa laham, ko wa gar a wuzla taŋ, misi slimiɗ naŋ i mutoho le ar ɗerewol ngi siifa na, a sa lihi.

DANIYEL 12:1 ပူးပေါင်းရင်းမြစ်များ

DIMISEY 56:8

A sa laham avu malambaˀ taŋ migaka hana kwa? Aw Buymisemuŋ ɗu, ji mevel, kiɗa taŋ.

DIMISEY 69:28

Mbuɗa mungra taŋhaya cek nga hirnga taŋ, anja ki ga taŋ jeŋŋe ɗike mata!

EZAYI 4:3

Dar is ngi mizli Siyoŋhoy, mindiram ti siifa a Zeruzaleme, a sa zilaka taŋ mizli muvuku vu taŋ: i mizli Zeruzalemey, Bumbulvuŋ mutoho slimiɗ taŋhaya le ar ɗerewol naŋ, ɓa a ndiram ti siifa.

EZAYI 9:7

Bumbulvuŋ a ɓi ɓi ngi bonoy le da dideˀ ngi Zakopoyo, amma a mbiɗi nga hirnga zumabuy ngi Israyeley.

ZEREMI 30:10

Ka gawla ɗu Zakopo, ki zluwun ta. Israyel, ki pula vu ɗike, ki hĩhĩy ta! I sa loho ka ti ngi hirwuy mikileŋ kileŋheye, yo i sa loho dideˀ ɗikeye ti ruwuy mujukuw ng'ara na. Zakop ara mawa, naŋ anta zluwun mata, ara pul vu, ko mbur magaŋ zluwun anta. I ya Bumbulvuŋ maɓi.

ZEREMI 30:7

I bonoy mike gawlay! Haˀaw, hin nah, i hin madiɗaŋ, hin mubam vu ati naŋ anta wãˀ. I hin ngi bonoy avu Zakopo, amma a sa lahakaŋ ti raˀa.

EZEKIYEL 13:9

Mijiviɗ mupura gwat ti kleŋ ngatara lambaˀhay ati minjika ɓi ngi gi gilaw da mizli na, i sa biga gidaŋ ɗu ar taŋ. Tˀanta sa cifam ar li ngilawuy ngi mizli ɗuwoyo ta, anta sa tohoko slimiɗ taŋ ar ɗerewol ngi Israyeleye ta, yo t'anta sa cam sar kulaˀ le asi ruwuy Israyele ta ma. Dar kisa sinaka, yi Bumbulvuŋ, Buymisemuŋ.

EZEKIYEL 34:24

Ya Bumbulvuŋ, i sa tiri Buymisemuŋ taŋ, yo gawla ɗu Davite, a sa tiri yarama a wuzla taŋ. Ya Bumbulvuŋ i ɓa le.

EZEKIYEL 5:9

I guw gwat ya miga ɗaˀ ta ngi mbuɗuw hirnga, asi gi gwat malambaˀ ɗikey na. I gwat misi y'anta sa ga mata ndiɗaˀ wãˀ.

DANIYEL 10:13

Yerima misi i modro ngi ruwuy Perse, a cici kaŋ kaŋ avu ya, hã hin kukur cuw ngaŋ kaˀa. Amma pura Misel, ngi wuzla modro mudumbuŋhoy, a so jiniy, joˀ yi sa ndir a ciki buy Perse.

DANIYEL 10:21

Amma yi sa tiluw mi ti ɓi ngi gwat mutoho ar Ɗerewol ngi ɓi mikaslsla. Mbur masa jiniˀis asi ya anta, sey Misel yarma, modro kum na tewle.

DANIYEL 11:45

A sa nga guɗuk nga naŋhaya, ar wala ngi mubuliy ati muwã mipal, mimezle ngisi ruwuyo. Naŋ a sa muc manja mbur a jiniˀis aseˀe.›»

DANIYEL 7:10

Mizaw ngi vu ara ɓulo ti mbuŋ naŋ kaɓa yam maɓul. Mizli milyoŋ mbeˀ mbeˀ, ara gakaŋ slra, milyoŋ kukur mbeˀ mbeˀ, deŋ deŋ a mbuŋ naŋ. Migi kiitahay a cifam jojoˀ, dar mizli a wunaka ɗerewoloyo.

DANIYEL 9:12

Mingiɓi Buymisemuŋ miɓa zleˀe da ndra ati da buy miwi lihey muwam ndra na, a ga le wãˀ muduba. Ki so ndra ti mendere madiɗa, ko a gi ɗaˀ asi ruwuyo kaɓa magi ani a Zeruzalem na ta.

ZOWEL 2:2

I hin ngi luvuŋ, luvuŋ titira mihezek hezek, hin ngi gazlavay, gazlavay titira lozoŋ lozoŋ. Keɗ na, mizli sirgiɗim, mizli migidaŋhay, sirit hirnga muwãkaɓa li mawun maga hirnga muwã njahha zlar, ko a puram gwat kanah ɗaˀ ta, yo tumbuŋ kwana anta sa puram kanah mata ndiɗaˀ wãˀ, hã avu dideˀ ngi misin ti wakahay.

MALASI 3:16

Naŋ kine, mizli mazluwunam ti Bumbulvuŋ a kiɗam slir ar wala taŋ kahana. Bumbulvuŋ a jika slimiɗ le asi mingiɓi taŋ, yo a cine taŋ di le. Mizli mazluwunam ti Bumbulvuŋ, yo maɗuvakaŋ hirnga gar na, a tohoko slimiɗ taŋ le toh toh ar ɗerewol ɓaˀ a mbuŋ naŋ.

Matiye 24:21

Asi mike na, tapasa, bonoy madiɗa a sa ndilawa. Zle avu ɗuva virzi ngi duniya hã dana na, ko bonoy migi ɗaˀ kanah anta, yo ko bonoy masa gi kanah anta ma kini.

Mark 13:19

Naŋ kine, tapasa, mizli a sa sam bonoy haɗi. Zle avu Buymisemuŋ miga duniya hã wurenna na, ko mbur misi bonoy kanah anta, yo ko mbur masa si bonoy kanah anta ndiɗaˀ wãˀ.

Ɓimezle ngi Yesu Kristu LUK mitil di mi 10:20

Na so na, ki mumulom asi setenehey mihinam hirnga a mbuŋ kum na ta jaka, amma mumulom asi a tohoko slimiɗ kumoyo le a muŋ.»

ROMAHAY 11:15

Naŋ kine, Buymisemuŋ mubaˀa taŋ baˀ murvay zleˀe na, mizli ngi duniyahay a jumom ˀay le ati Buymisemuŋ. Ani, da a sa tiɓaka taŋ le a muŋ na, i mi masa gi ka? A sa gi kite i mizli mumucahay mislikiɗam ti slikiɗ a muŋ.

ROMAHAY 11:26

Kahana so na, Israyeley gar a sa laham. Kaɓa Ɓimutoho miɓi: «Milahavu a sa so baɗ ti Siyoŋ, a sa zuɓa moˀore ngi dideˀ ngi Zakopoyo gar avra.

EFESEY 1:21

Buymisemuŋ a cifa Kristu le, naŋ dum hirnga ngi gwat misi gidaŋhay gar, ngi gwat mazumam buyoy gar, naŋ dum hirnga ngi gidaŋ ngi wi mizli gar, ngi buy mimadiɗahay gar, ngi slimiɗey macaka taŋ angi duniya hana tew ta ma, amma angi duniya misi ti mbuŋ ma.

FILIPIHEY 4:3

Yo ka kwana, cil ɗu miteŋteŋ, i cufuɗuw ɓa ki jina taŋ, asi a cikam vu le ati ya ngi tila mi ti Ɓimezle. Taŋ ati Klemaŋ waɗ cil ɗu mekelemey, ndra migam slra bumoˀ ati taŋ gar na, a tohoko slimiɗ taŋhaya le angi ɗerewol ngi siifa.

ZUDE 1:9

Ko Misel, buy ngi modro ngi Buymisemuŋhoy vuna, a ga gwat hana ta. Ngi pas numuŋ, ti taŋ mitiram ati Milyam, taŋ mingilam mi ar zuɓa vagay ngi Moyis na, Misel a guf gaf le ngi ga kiita ngi za Milyama ta. Amma a ɓaŋ: «Anja Buymisemuŋ a kutuw ti bonoy.»

ƁIMUNJUYO 1:5

Waɗ tivu Yesu Kristu, mbur migi sedewo mikaslsla, modogom mislikiɗ dumbuŋ ti wuzla mumucahay, yo Buy miwi buy madiɗa ngi ruwuyoy. Kristu ara wuɗ ndra, a tuɓo ndra le tivu mungra ndraˀahaya ti pumbus naŋ.

ƁIMUNJUYO 12:7

Akẽh na, vurum a muŋ. Misel ati modro naŋhay a kiɗam vu ati ngoŋngoŋ. Ngoŋngoŋ ati modro naŋhay kwana, a kiɗam vu ati ngi Miseley aya.

ƁIMUNJUYO 13:8

Mizli ngisi ruwuyoy gar, misi slimiɗ taŋ manja tuh angi ɗerewol ngi siifa ngi tumuŋ mikiɗaka vagay tuwa, waɗ mizli, slimiɗ taŋ manja tuh zle ti ɗuva virzi ngi duniya na, a sa dilkam a mbuŋ naŋ.

ƁIMUNJUYO 17:14

A sa gam vurum ati tumuŋ, amma tumuŋ a sa pa taŋ hirnga. Asi tumuŋ i Bumbulvuŋ mifina kulihey, yo i Buy madiɗa ngi buy madiɗahay. Mizli, naŋ mizila taŋ, naŋ muwuna taŋ, yo miteŋteŋ naŋhaya, jom ati naŋ, a sa paka taŋ hirnga ma.»

ƁIMUNJUYO 20:12

Waɗ ma na, i pur mumucahay, mizli madiɗahay ati mizlewey deŋ deŋ a mbuŋ janga ngi buy tuwaŋ, waɗ ɗerewol muwunahay wun wun. A wunam ɗerewol mekelem ma na, i ɗerewol ngi siifa. Dar a gaka kiita da mumucahaya weˀe avu gwat ngi gi taŋ, kaslsla avu taŋ mutohoko ɓi naŋ angi ɗerewoloy vuna.

ƁIMUNJUYO 20:15

Yo ko wa gar misi slimiɗ naŋ manja tuh angi ɗerewol ngi siifa gar na, a hizigiɗakaŋ ng'ar mubuliy ngi vu.

ƁIMUNJUYO 3:5

Ɓa kanah na, mbur mulum bugawla le na, a sa kakaŋ zana babaraŋ. Y'anta sa kiɗa slimiɗ naŋ tir ɗerewol ngi siifa ta. I sa biga slimiɗ naŋ njah a mbuŋ Baha ati modro naŋhaya.

ƁIMUNJUYO 7:14

Yi mbiɗaŋ di: «Buy ɗu, misina, i ka!» Dar a ɓiy: «Taŋ i mizli mucohoko baɗ tir bonoy madidiɗa. A bunaka jibe taŋhaya le, yo a pusluɗaka taŋ le angi pumbus ngi tumuŋ.