DANIYEL 11:40 - Bible en langue guiziga

⁴⁰ Ar kiɗa mi ngi nah na, buy vay ruwuy a sa zliram didak ati naŋ, amma buy vay muŋ a sa ru cir ng'ar naŋ ti mota ngi vurum naŋhay, ti pilis naŋhay waɗ ti palalam madiɗa naŋhay mikwesle kwesle na. A sa cam ɓuyoh ng'asi ruwuyoy gar, hã tuwɗeˀ maakwaya.

DANIYEL 11:40 ပူးပေါင်းရင်းမြစ်များ

EZAYI 21:1

Tila mi vur li papala ngi mi mibuliy. Mesene ara so tir li papala, tir ruwuy magi zluwun. A so kaɓa musure matuwuɗa mubuliy Negev.

EZAYI 5:28

Luvut taŋhay i mimbisahay le, lek taŋhay i mihilahay le cek. Zlenek ngi pilis taŋhaya gidaŋ gidaŋ kaɓa ɗuguroy, sar ngi mota ngi vurum taŋhaya, lagwada sewwe kaɓa musure.

EZAYI 66:15

Asi mike na, ya Bumbulvuŋ, i ra sawa ani: i ra sawa ti himaˀ fõh fõh ka vu, mota ngi vurum ɗuwoyo, kaɓa burkataŋ. I sawa ɓa ngi ɗiya ɓi ngi mevel majiy na ti himaˀ, yo ɓa ngi guco mi da mizli ti irne vu njilim njilim.

ZEREMI 4:13

Puraka, n'ani a so ng'ar taŋ kaɓa gazlavay, mota ngi vurum naŋhaya, taŋ kaɓa burkataŋ gambara, pilis taŋhaya wirwir fineˀ muluhoy. Ɓi a luuma ndra le! I ngizlam le si.

EZEKIYEL 38:4

I sa cuw ɓiri muhurtokko kik a balama, i sa ɗiɗuw gbor gbor, i bi ti ka jom ati soje ɗikeye: Pilisey ati misi pilisey, zana mezlehey ɓaˀ ɓaˀ avu vu waɗ zigiduw ˀurnok ˀurnok haɗa ti mbaray meciɗek ati madiɗahay, taŋ gar taŋ ti maslalam asi haŋ asi haŋ.

EZEKIYEL 38:9

Ka ati soje ɗikey waɗ mizli mihaɗa asi ka na, kisa ra zlaka taŋ, kisa ra lumaka taŋ ɓuyoh kaɓa burkataŋ, kisa sirtaka taŋ ngbulum kaɓa gazlavay masirta li.

DANIYEL 11:10

Ziri naŋhay a sa juwam vu nga kiɗa vu: a sa kusom zigiduw taˀ taˀ mbeˀ mbeˀ. Pal a wuzla taŋ a sa bi nga kiɗa vu, a sa ndaham ati soje naŋhay, a tuwuɗaka maakwayakaɓa mekepel mazuɓ. Joˀ a sa moko nga ruwuy taŋ a muŋ, a ram ti kiɗa vu hã sesẽŋ ar li ngi mesene naŋhay, walahay muguno ti moholoy tuwa.

DANIYEL 11:11

Buy vay ruwuyo a sa zuɓ himaˀ fõh fõh. A sa bi nga kiɗa vu ati buy vay muŋ. Buy vay muŋ a sa so ti zigiduw haɗi, amma zigiduw ngi mbuŋ taŋ na, a sa vulakaŋ di asi haŋ naŋ.

DANIYEL 11:13

Buy vay muŋ a sa mawa, a hil sojehey haɗa fineˀ mudumbuŋ. A zikam neˀ, gwat ngi vi njiraˀ a dirba nah na, a sa so ti sojehey hiɗim hiɗim, ti gwat mupuɗaway ngi gi vurum.

DANIYEL 11:22

Mizli matiɓaka hirwuy ti gidaŋ na, a sa ngizlam pay a mbuŋ naŋ, jom ati buy ngi mizli mujumom ˀay le.

DANIYEL 11:25

A sa wa vu naŋ gidaŋ, yo a tum vu gu ngi kiɗa buy vay ruwuy misi sojehey haɗa na. Buy vay ruwuy a sa ru ng'ar vurumo ti sojehey sikinih, yo miwirwirey fineˀ gidaŋ, amma gar ti nah kwana, anta sa kiɗa gu ta na si, asi a gam gidiɓi le ar naŋ.

DANIYEL 11:35

A wuzla misi lesley na, mekelemey a sa micam, ɓa pumbus taŋ a bi ti malambaˀavra, a buna mungra, a pusluɗa taŋ ndazl ndazl hã avu kiɗa mi ngi hin, asi a sa ndilo sey angi hin naŋ.

DANIYEL 11:39

Kuli mulakay a sa jinakaŋ, ɓa a sa zliram dibiɗ ati walahay muguno ti moholoyo. Mizli misa tiɓaka ɓi ngi kuli nah na le na, a sa naha taŋ ti dudoko. A sa cufa taŋ a hirnga mizli haɗa, yo a sa vula taŋ li ar deɗe ngi migir taŋ.

DANIYEL 11:7

Mbur ngir tiser naŋ a sa bawa ar li naŋ. A ci ng'ar li muguno ti mohol ngi soje ngi buy vay muŋhoy, a zliram didak ati taŋ, a sa lum bugawla.

DANIYEL 12:4

Naka, Daniyele, ndir ti mingiɓi hana yaŋ a mevel ɗiki, yo slirɓa ɗerewol hana sliraɓ hã avu kiɗa mi ngi hin. Mizli haɗa a sa slufaka, yo sin taŋ kwana a sa sik nga mbuŋ aya.»

DANIYEL 12:9

Naŋ a mbiɗiy di: «Aru ti zuy Daniyel ɗu, asi mingiɓi hana anja a ndir i ɓi miyaŋŋa, yo sliraɓ sliraɓ hã ar hin ngi kiɗa mi naŋ.

DANIYEL 8:17

A so ng'aciki ɗu, ar li ya mideŋ ara na, ti naŋ maso na, didak a muɗiy, i huruk huruk a ruwuy. Dar a ɓiy: «Ka mburu, cin ɗi, gwat ka mupura ti kleŋ na, i ngi kiɗa mi ngi hin.»

HABAKUK 3:14

Hirnga ngi madiɗa taŋhaya, ki slina taŋ di ti luvut taŋhay tehhe a muŋ. Taŋ ara soko zleˀe wuwwo kaɓa vuŋ, ɓa a wurslikikiy wurslak wurslak, salalay, kaɓa taŋ mawurslukam mesene taŋhay ar li miyaŋŋa.

ZAKARI 9:14

Bumbulvuŋ a sa bugo vu a hirnga taŋ, joˀ luvut naŋhay a sa poko kaɓa wucuɗ ngi vuŋ. Bumbulvuŋ, Buymisemuŋ, a sa fa tulumo, a sa so ar burkataŋ ngi vuŋ masa so tir vay ruwuy na.

ƁIMUNJUYO 16:12

Modro mimerkeɗ taŋ, a pa himaˀ ngir sikiɗ naŋ ng'ar mizaw Efrat. Yam ngi mizawa, a hisik kãk ɓa a pula jiviɗ da buy madiɗahay masoko tisi pas ngi miprike.

ƁIMUNJUYO 9:16

A ɓikiy na: taˀ ngi soje misi piliseye, taŋ miliyoŋ skat skat cuw.