DANIYEL 11:37 - Bible en langue guiziga

³⁷ Buy anta sa cin mi da kuli ngi dideˀ naŋhay ko pal ta, ko anta sa cin mi da kuli ngwasay mawuɗam na ta, ko da kuli loŋ ta, a sa ga vu naŋ fineˀ gwat gar.

DANIYEL 11:37 ပူးပေါင်းရင်းမြစ်များ

ZLI VIRZI 3:16

Buymisemuŋ a ɓa ngwasa ma: «I sa ga ɓa hur a guw bonoy haɗi. Ki sa ya ziri ɗikey ti bonoy. Ki sa hĩyã cifi ati zil ɗike, amma naŋ a sa wuw.»

ZLI VIRZI 3:5

Amma Buymisemuŋ a si na le, tapas kum misa zumaka le na, hiri kum a sa wun, joˀ kisa tiram kaɓa naŋ vuna ya, ki sinaka mezle ati malambaˀa.»

DIMIS MIMEZLE 7:10

Anja balam ɗik a ndir ndum kaɓa mbaazla miɗalak. Haˀaw i mbaazla mundum ya miwi di vu da yeme ɗu, da ndra muroko hinjam na, a ɓul lelele avu mi ndraˀahaya.

EZAYI 14:13

Ki ɓi zleˀe: «I sa jiɗ sesẽŋ a muŋ, janga ɗu ngi buyo, i sa ɗuva njuroŋ a hirnga wurzlaŋ ngi Buymisemuŋhoy. I sa cifi a hirnga muwã ngi mizli ngi muŋhoy makusom a diga, ar li vay muŋ mira kiɗo mi ndoko.

EZAYI 14:14

I sa jiɗ sesẽŋ ar kiɗa mi ngi gazlavay, i sa tiri rak rak ati Bumbulvuŋ Buymisemuŋ Mimadiɗa.»

EZEKIYEL 24:16

«Mangal ngi mbur, gwat ka mahĩyã, mavuluw mumul a mevel na, yi sa muɗuw di muroh avra. Amma ka so na, k'anta sa gi vagay ta, k'anta sa mbul mi ta, k'anta sa tuwuy ta.

EZEKIYEL 28:2

«Ka mburu, ɓa buy Tire na: Ya Bumbulvuŋ, Buymisemuŋ i ɓi na: Ki njur vu njor njor, joˀ ki ɓi: ‹Yi kuli. I cifi le ar janga ngi buy ngi kulihey a wuzla mubuliy!› Ki pura vu ɗike kaɓa ki Buymisemuŋ. Amma na, ka ki mbur titraŋ, ki kuli vuna ta ngbaŋ.

DANIYEL 11:36

Buy a sa gi kaɓa naŋ mawuɗo. A sa zluzluɓ, a njur njor njor fineˀ kulihey gar. A sa ɓi ɓi malamɓaˀ a hirnga Buymisemuŋ mufuna kuliheye. A sa lum bugawla, hã himaˀ ngi Buymisemuŋ a gi. Asi gwat Buymisemuŋ ɓi micica ɓi naŋ na, a sa gi muduba.

DANIYEL 11:38

Naŋ jak na, a sa ɗuva hirnga da kuli majigina walahay muguno ti moholoyo, kuli dideˀ naŋhay misinaka zleˀe ta, a sa ɗuva taŋ hirnga ti ɓiri tapasl tapasl ati ɓiri bara, ɗugur mupuɗaw puɗaway ati gwat hirnga mekelemey.

DANIYEL 8:11

A cici zlak ngi kiɗa vu ko ati yarma ngi vurum ngi muŋhoy vuna, a tika mikuli magakaŋ di vur hin gara, a waha si virzi ngi hay ngi Buymisemuŋ.

Slu cuw 21:11

da mbur a pur ngwas mezle le asi taŋ, a hĩyã le ɓa a zuɓa ngi ngwas na,

Slu cuw 5:21

Anja gwat ngi mbur cil ɗik a guw hiri ta, ko ngwas naŋ, ko hay naŋ, ko guva naŋ, ko gawla naŋ, ko ngwas migi slra ngi hay naŋ, ko sla naŋ, ko zungu naŋ.»

TESALONIKEY MUCUW NAŊ 2:4

Gwat gar mizli mapuraka kaɓa i bumbulvuŋ, malla madilkam a mbuŋ naŋ gar na, mbur misi moˀore nah na, a sa tika mizli ɓa a dilkam a mbuŋ naŋ ta. Hã a sa ci angi hay ngi Buymisemuŋ, naŋ ti hirnga naŋ a sa til mi, a ɓi: «Yi Buymisemuŋ.»

TIMOTE MUDUMBUŊ NAŊ 4:3

A sa tikaka ɓi ngi zuɓa zil ati ngwasa, waɗ ɓi ngi zuma gwat mekelemeye. Amma Buymisemuŋ a ga gwat ngi zumoy gar, ɓa mitiɓihey misinaka ɓi mikaslsla le kuy kuy na, a zumaka ti gaŋ sise.