DANIYEL 11:36 - Bible en langue guiziga

³⁶ Buy a sa gi kaɓa naŋ mawuɗo. A sa zluzluɓ, a njur njor njor fineˀ kulihey gar. A sa ɓi ɓi malamɓaˀ a hirnga Buymisemuŋ mufuna kuliheye. A sa lum bugawla, hã himaˀ ngi Buymisemuŋ a gi. Asi gwat Buymisemuŋ ɓi micica ɓi naŋ na, a sa gi muduba.

DANIYEL 11:36 ပူးပေါင်းရင်းမြစ်များ

DIMISEY 136:2

Hunumaka Bumbulvuŋ mimadiɗa ar kulihey cek na, asi gi teŋteŋ naŋ, anta kiɗ mi ta.

DIMISEY 33:10

Bumbulvuŋ a ngila ɓi sukwi ngi mizli majuwaka ngi ge le, a susuyumo ɓi mizli muwulkaka ngi ge le.

MIKUCUWULOY 19:21

Wuluk ngi gi gwataya, naŋ haɗa a mevel mburo, amma ɓa a gi na, sey da Bumbulvuŋ mujuwa le.

EZAYI 10:23

Ɓi ngi ngizla mizli i ɓi micica le gisiŋ, Bumbulvuŋ Buymisemuŋ, misi gidaŋ wãˀ, a ga asi ruwuy Israyel gar.

EZAYI 10:25

Asi hin ada neˀ aruŋ, hin neˀkini si, mevel ya miji ar kum na, a sa kiɗ mi, amma himaˀ ɗu a sa mbiɗi ng'ar taŋ, a ngizla taŋ.»

EZAYI 10:5

Buymisemuŋ a ɓi na: «Hirwuy Asiri, i tokom ngi haŋ ɗu, kay naŋ ar bonoy. I sa biga mevel ɗu ti ganday mikaw ngi haŋ naŋ vuna.

EZAYI 14:13

Ki ɓi zleˀe: «I sa jiɗ sesẽŋ a muŋ, janga ɗu ngi buyo, i sa ɗuva njuroŋ a hirnga wurzlaŋ ngi Buymisemuŋhoy. I sa cifi a hirnga muwã ngi mizli ngi muŋhoy makusom a diga, ar li vay muŋ mira kiɗo mi ndoko.

EZAYI 14:14

I sa jiɗ sesẽŋ ar kiɗa mi ngi gazlavay, i sa tiri rak rak ati Bumbulvuŋ Buymisemuŋ Mimadiɗa.»

EZAYI 26:20

Mizli ɗuwoy, mam ngi hay kumoy, gicaka miviŋheye kap kap ng'ar kum. Ɗumom ngi zik neˀe, ɓa Buymisemuŋ a tisla mevele ɗagay.

EZAYI 30:33

Vu i miɗiya le zleˀe si, naŋ vur buy vuna ya. A kusom dum ndit ngi ɗiy naŋ, ar li miligidaˀa. ˀUf ngi Bumbulvuŋ misi kaɓa mekepel ngi himiɗna, a sa bula vu.

EZAYI 46:10

Gwat masa gi tumbuŋ na, i ɓa ɓi nah zle ar zli virzi naŋ, gwat migi t'aruŋ na, naɓa i til mi ti ɓi nah le daf dumbuŋ si. Yi ɓi: «Gwat ya muwulka le ɓa a gi na, a sa gi, yo gwat maciriy hiri gar na, i gaŋ.»

EZAYI 57:9

Ki gam mal geˀgeˀ, dar ki pam sar ng'avu buy madiɗa. Ki pam urdi avu vu, ki slinam mizli zle kileŋ, dar ki pam sar hã sesẽŋ ng'ar li cifi ngi mizli mumucahay.

EZEKIYEL 28:2

«Ka mburu, ɓa buy Tire na: Ya Bumbulvuŋ, Buymisemuŋ i ɓi na: Ki njur vu njor njor, joˀ ki ɓi: ‹Yi kuli. I cifi le ar janga ngi buy ngi kulihey a wuzla mubuliy!› Ki pura vu ɗike kaɓa ki Buymisemuŋ. Amma na, ka ki mbur titraŋ, ki kuli vuna ta ngbaŋ.

EZEKIYEL 35:13

Ki ɓiy mi mididal hirnga ɗu, ki ɓiy mi ngi huhumo vu. I cine le kuy kuy!

DANIYEL 11:16

Mbur muso le ngi zlir didak ati naŋ na, a sa gi di kaɓa wuɗ naŋ. Mbur masa cici a mbuŋ naŋ gu ko pal anta. A sa cici deŋ a ruwuy mimezle haɗi, gwat ngi ngizla vu kaw a haŋ.

DANIYEL 11:3

Amma buy migidaŋ a sa bo tir ruwuy Greke, a sa zuma buyo ka naŋ muwuɗu.

DANIYEL 11:37

Buy anta sa cin mi da kuli ngi dideˀ naŋhay ko pal ta, ko anta sa cin mi da kuli ngwasay mawuɗam na ta, ko da kuli loŋ ta, a sa ga vu naŋ fineˀ gwat gar.

DANIYEL 12:7

Yi ra cine ˀay ngi mbur misi zana ngi gugumay mislirkeɗ, misi a hirnga yam ngi mizaw tuwa. A hila haŋ hazum ati haŋ gula hoc ng'a muŋ, a ɓi: «Hadam, ti slimiɗ ngi Buymisemuŋ mandir caˀkine ngi sete. Gwat hanayna, a sa zikam hã vi makir ti reta. Da a sa tikaka gidaŋ ngi mizli ngi Buymisemuŋhoyo le na, naɓa a sa kiɗam mi.»

DANIYEL 2:47

Buy a ɓa Daniyele na: «Gisiŋ, Buymisemuŋ kumo, i madiɗa fineˀ kuliheye, i madiɗa ar buyoyo, yo i minjika gwat maslaam wala tahay. Ka minjikiy gwat mufuna wuluk ngi mbur nah na, vurˀe.»

DANIYEL 5:19

Vur naŋ muvulaŋ madiɗa tuwa na, mizli gar, sukwihey ati mizli maɓam mi miwal wal gar na, a zluwunam kirkir a mbuŋ naŋ, asi ko wa gar, da naŋ muwuɗ le na, a kiɗa vagay, ko wa gar, da naŋ muwuɗ le na, a pula ti siifa, ko wa gar, da naŋ muwuɗ le na, a gaŋ ɗongor, ko wa gar, da naŋ muwuɗ le na, a maŋ nga ruwuy.

DANIYEL 5:20

Joˀ a huhum, hirnga naŋ a tiri gidaŋ haɗa. Dar a putukusokoŋ tir janga naŋ ngi buyo, a tiɓaka dudok naŋ.

DANIYEL 7:8

I ra singila durum naŋhaya zleˀe, keɗ na, durum mekelem meciɗek, ara bo a wuzla taŋ. A wuzla durum mudumbuŋhoy mimakire, a muɗaka taŋ a mbuŋ naŋ. Durum meciɗek tuwa, hiri ava kaɓa hiri ngi mbur waɗ mi maɓi ɓi ngi huhumo vu.

DANIYEL 8:19

Joˀ a ɓiy: «Gwat masa ndilo a dirba mevel mufõh fõh na, i wuɗ i njukuw di, asi kiɗa mi ngi hin i misla le si.

DANIYEL 8:4

I pura na, zlengerek tuwa, ara kiɗ gwat ti durumo kini tisi pas ngi pastaˀ, tir vay muŋ, waɗ tir vay ruwuyo, gwat misahmi macici a mbuŋ naŋ gu anta ko pal ta, yo matiɓa gwat gu ti vaˀa ko pal anta. A ga gwataka naŋ mawuɗ, yo ara gil.

ZAKARI 11:16

Asi mike na, i sa bo ti mijigin ani asi ruwuy hana: tumuŋ miziza le na, naŋ anta sa ki slimiɗ ara ta. Tumuŋ maru ti liˀi kiŋkiŋ lambaˀ na, naŋ anta sa ru ti supo di ta. Misi mingila sar le na, naŋ anta sa juwaŋ di ɓa a juɓ ta. Misi mukuy kuyo, naŋ anta sa ɗiyaŋ kuy kuy wãˀa ta. A sa humbuɗ useˀ ngi ginew muzlumbrahay, hã a sa zlaha sar taŋ ngi ɗuf a ruwuyoyo.»

Ɓimezle ngi Yesu Kristu ZAŊ mitil di mi 5:30

Ya ti hirnga ɗu, y'anta gi gwat ko neˀ ta. Yi ga kiita weˀe avu ya macin, yo kiita ya maga, naŋ jeŋŋe, asi i sipi di i gwat ya mawuɗ ta, amma gwat mbur mislino ya mawuɗo.

Ɓimezle ngi Yesu Kristu ZAŊ mitil di mi 6:38

Vur yi po sar paɗ a muŋ, ɓa yi gi gwat ngi mongoy ɗu ta, amma gwat mbur mislino ya mawuɗo.

SLRA 4:28

Gwat ka ɓi micica ɓi nah zleˀe daf dumbuŋ, ti gidaŋ ɗik ati wuɗ ɗik na, taŋ migam na, i nah so.

Slu cuw 10:17

Naŋ kine, Bumbulvuŋ Buymisemuŋ kumo, i Buymisemuŋ mufuna buymisemuŋhoy, i Bumbulvuŋ mufuna bumbulvuŋhoy, i Buymisemuŋ madiɗa haɗa, migidaŋ, magi zluwun da mizli, anta gi ti mizli wal wal ta, yo a hiɗikakaŋ ti gwat ngatara gu ta.

TESALONIKEY MUCUW NAŊ 2:3

Anja ko ki pulaka mbur a gukum gilaw ko ti ɓi wanaka ta wãˀ si. Asi hin nah na, anta ndilo lambaˀ kine ta, amma sey slikiɗa ɓi ngi durba wãˀ, yo mbur misi moˀore, muzuwulakaŋ ngi zizi angi vu na kwana, sey naŋ mubugo vu le ɗagay.

TESALONIKEY MUCUW NAŊ 2:4

Gwat gar mizli mapuraka kaɓa i bumbulvuŋ, malla madilkam a mbuŋ naŋ gar na, mbur misi moˀore nah na, a sa tika mizli ɓa a dilkam a mbuŋ naŋ ta. Hã a sa ci angi hay ngi Buymisemuŋ, naŋ ti hirnga naŋ a sa til mi, a ɓi: «Yi Buymisemuŋ.»

TESALONIKEY MUCUW NAŊ 2:8

A dirba nah, mbur misi moˀore tuwa a sa bugo vu, dar Buy Yesu, ti naŋ masa so na, a sa kiɗa vagay ti himiɗ ngi balam naŋ, yo a sa zizaŋ wãˀ ti wucuɗ naŋ.

ZOZUWE 22:22

«Bumbulvuŋ, Buymisemuŋ i madiɗa wãˀ, Bumbulvuŋ, Buymisemuŋ i madiɗa wãˀ. Ndra migam kanah na, da i slikiɗam di i ɓi malla da i gam di i teŋteŋ avu Bumbulvuŋ ta na, Bumbulvuŋ a si na le, yo Israyeley kwana a sa sinaka ya. Anja Bumbulvuŋ a pula ndra caˀa ti siifa ta.

ƁIMUNJUYO 10:7

Amma tapas mizli masa cinam modro mitarnaˀ naŋ masa zla fi tulum naŋ na, naɓa Buymisemuŋ a sa kiɗa mi ngi ɓi naŋ muɗum na, kaɓa naŋ mitil mi ti ɓi nah da mijiviɗ, gawla naŋhay zleˀe.»

ƁIMUNJUYO 12:14

Amma a vulaka kirpaslay cuw da ngwas tuwa, kirpasl ngi mulu madiɗa, ɓa a slikiɗ di nga wuzlaɓuh mikirɗak kirɗaka, li muwakaŋ di vu ɓa ngi zum a diga, hã vi makir ti reta, kileŋ a mihiri ngi kawa.

ƁIMUNJUYO 13:1

Dar yi pur gwat misããmi, ara bo tir mubuliy, durumoy kuruˀu, waɗ hirngahay tarnaˀ. Durum gar na, loppol tuwaɗ tuwaɗ. Slimiɗ ngi zi Buymisemuŋ toh toh avu hirngahaya pal pal gar.

ƁIMUNJUYO 17:17

Asi i Buymisemuŋ mica wuluk naŋ a mevel taŋ, ɓa a gaka gwat naŋ mujuwa ngi gi na, ɓa a vulaka zumabuy taŋ ngi gi slra ngi gwat misããmi, hã gwat Buymisemuŋ miɓa gar na a gi ɗagay.

ƁIMUNJUYO 17:3

Dar ˀUf Mipal a ci angi ya, waɗ modro a zuɓiy ng'ar li papala. Keɗ na, ngwas a duba gwat misããmi gagaza ndezze, slimiɗ ngi zi Buymisemuŋ toh toh avu vu naŋ gar, yo naŋ ti hirngahay tarnaˀ, waɗ durumoy kuruˀu.