DANIYEL 11:34 - Bible en langue guiziga

³⁴ Taŋ mamicam kanah na, a sa lumam migir neˀkini si, amma mizli mekelemey haɗa a sa cam ng'asi taŋ ti kwacay cuw cuw.

DANIYEL 11:34 ပူးပေါင်းရင်းမြစ်များ

DANIYEL 11:21

Mbur mekelem mihiris le, a sa cifi ar li naŋ, ko anta sa puraka ka mbur ngi zumabuy ta. A sa cifi ar li muro setetete. A sa tiɓa hirwuyo ti gidiɓi.

DANIYEL 11:32

Buy vuna ti haŋ naŋ, a sa tikina mizli ɓa a hizigaka Jumoˀay avra, amma sukwi ngi mizli misinaka Buymisemuŋ taŋ le na, a sa cicam gidaŋ gidaŋ ar gwat ngi gi taŋ.

Matiye 7:15

«Wam vu avu mijiviɗ misi slireye. A soko avu kumo ka tumuŋhoy, amma hur kwacay taŋ i kiriɓuh miji vuhoy.

ROMAHAY 16:18

Asi mizli tayna anta gam di i gwat ngi Buy ndra Kristu ta, amma a gam asi kwacay taŋ si. A ra gaka gilaw da mizli misi mevel taŋ ka ngi ziri, ti ɗuva taŋ hunum taˀ taˀ ti mingiɓi mideɗeke.

GALATAY 2:4

Ko ti sukum ndra misi slirey mujumoko ng'avi ndra, muwuɗam ci naŋ na kwana, a cakaŋ ta. Mizli tayna, a slirkiɗoko nga wuzla ndra, ɓa a jiɗaka luuma hirnga ndra, asi ndra mujom ati Yesu Kristu na. Taŋ a wuɗam ɓa a tiram ti ndra bekehey.

TIMOTE MUCUW NAŊ 4:3

Naŋ kine, hin a sa ndilawa, tapasa, mizli mekelemey anta sa wuɗam cine dubun mijeŋŋe mata. Amma a sa sipam gwat makiɗa taŋ may, yo a sa cikilam mizli sikinih ngi dubunaka taŋ gwat ngisi mevel taŋ.

Ɗerewol TIT 1:11

Anja ki guco taŋ mi, asi ara mbiɗaka lesl da hay ngi mizli keɗeɗe, yo ara dubunaka taŋ luuma dala ti jiviɗ mijeŋ ta.

ZAŊ MUDUMBUŊ NAŊ 4:1

Yeme ɗuwoy, ˀuf wanaka gar na, anja ki tiɓaka ta, amma puraka ɗagay, ɓa ki sinaka, da i ˀUf ngi Buymisemuŋ kwana. Asi mijiviɗ misi slirey a yam vu le haɗa asi ruwuyo.

ZAŊ MUDUMBUŊ NAŊ 4:5

Taŋ i mizli ngi duniyahay, a ɓam ti mi ngi duniya, joˀ duniya a cine taŋ di.

ZAŊ MUCUW NAŊ 1:7

Mizli mitikina vuhoy ada haɗa, a yam vu le zlar duniya. Yesu Kristu a tiri mbur le gisiŋ gisiŋ na, t'anta ngumam sin naŋ ta. Mbur magi kahana na, i mitikinavu, i mesene ngi Kristu.

ZUDE 1:4

Asi mizli mizirɗa mihey ada, a coko le a wuzla kumo, kiita taŋ i mutoho le zlezle daf dumbuŋ si. Gi mezle ngi Buymisemuŋ miga ndra di na, a tiram di ɓi ngi sulome. Buy ndra Yesu Kristu, madiɗa ndra pal i naŋ na, a jam mi, a ɓam a sinakaŋ ta.

ƁIMUNJUYO 12:13

Ti ngoŋngoŋ mupura a hizigiɗakaŋ le nga ruwuy tuwa na, a zla a kil, a sipa ngwas miyi mangal mizile tuwa.

ƁIMUNJUYO 2:20

Amma gwat ya mambuɗuw hirnga aseˀe anihĩ: Zezabel, ngwas mapura vu naŋ ka i mijiviɗ ngi Buymisemuŋ na, ara ziza gawla ɗuwoyo. A dubuna taŋ gi sulome waɗ zuma ˀuse ngi kulihey ma na, ki pulaŋ mbaka si.