DANIYEL 11:32 - Bible en langue guiziga

³² Buy vuna ti haŋ naŋ, a sa tikina mizli ɓa a hizigaka Jumoˀay avra, amma sukwi ngi mizli misinaka Buymisemuŋ taŋ le na, a sa cicam gidaŋ gidaŋ ar gwat ngi gi taŋ.

DANIYEL 11:32 ပူးပေါင်းရင်းမြစ်များ

ƁI NGI HIN GAR MUDUMBUŊ NAŊ 28:9

Na ka, mangal ɗu Salomoŋ, dubuna si na bunuko, gi gawla naŋ ti mevel purla, yo ti membezleŋ ngi vu miwirwir. Asi Bumbulvuŋ ara ci a kwacay mizli gar, yo a sla wala ngi wuluk ngi mizli le gar. Da ki ra sipaŋ na, a sa buguw vu ɓa ki lumaŋ. Amma da ki pulaŋ le fuk na, a sa huzuguw a avra ngi sete.

NEHEMI 4:14

Da kum misa cinam fi tulumo le ar li wanaka gar na, kusoko ng'avi ndra. Naɓa Buymisemuŋ ndra a sa kiɗ vu asi ndra na si.»

DIMISEY 9:10

Anja Bumbulvuŋ a ndir i li ɗum ngi mbur muguzuvuraŋ, li ɗum naŋ ar hin ngi bonoy!

MIKUCUWULOY 19:5

Migi sedewo ti slire, a pulakaŋ manja kuti ti bonoyo ta, yo mbur magi slir yoɓ yoɓ na, a lih ta.

MIKUCUWULOY 26:28

Irne magi slir na, a hirsa mizli, naŋ maguzuvura taŋ vuna, yo mi mideɗeke, a zizi vu.

ZEREMI 31:34

«Sinaka Bumbulvuŋ ayɗi» na, ko mbur masa ɓa cala malla sukumuŋ kahana anta mata. Asi taŋ cek a sa sinikiy, ziri ati mizli madiɗahaya. Mungra taŋ madiɗa ati malambaˀ taŋ na, y'anta sa ɓa avu mi mata. I ya Bumbulvuŋ maɓi.

DANIYEL 11:21

Mbur mekelem mihiris le, a sa cifi ar li naŋ, ko anta sa puraka ka mbur ngi zumabuy ta. A sa cifi ar li muro setetete. A sa tiɓa hirwuyo ti gidiɓi.

DANIYEL 11:34

Taŋ mamicam kanah na, a sa lumam migir neˀkini si, amma mizli mekelemey haɗa a sa cam ng'asi taŋ ti kwacay cuw cuw.

ZAKARI 10:12

Mizli ɗuwoy a sa pulaka vu taŋ da ya Bumbulvuŋ, a sa laˀam ti zila zlimiɗ ɗu. I ya Bumbulvuŋ maɓi.

Ɓimezle ngi Yesu Kristu ZAŊ mitil di mi 17:3

Da mizli a sinukuw le, Buymisemuŋ mijeŋŋe pal i ka, yo Yesu Kristu, mbur ka mislino di na, da a sinaka le na, naɓa siifa ngi sete i nah.

ZAŊ MUDUMBUŊ NAŊ 5:20

I sinaka le, Mangal ngi Buymisemuŋ a so le, a vula ndra lesl le ɓa i sinaka Buymisemuŋ migisiŋ gisiŋ. Ndra mujom ati Buymisemuŋ migisiŋ gisiŋ na, mbele Mangal naŋ Yesu Kristu. Naŋ i Buymisemuŋ migisiŋ gisiŋ, yo i siifa ngi sete ma gar.

ƁIMUNJUYO 6:11

Dar a vulaka taŋ jibe babarahay purla purla gar. Yo a ɓaka taŋ, anja a ɓusaka neˀ ava ɗagay, sey da cil taŋhay, taŋ migam slra bumoˀ, yo sukum taŋ mitiɓihey, masa kiɗaka taŋ vagay vagay ka taŋ na, a ndilaka le gucuˀo ya.