DANIYEL 11:31 - Bible en langue guiziga

³¹ A sa slino mizli, a tiɓaka hirwuyo. A sa hiryaka hay ngi Buymisemuŋ muguno ti moholo. A sa tikaka mikuli misi ti hin gara, a gam gwat mukuy ta muwãˀ ngi ngizla vu.

DANIYEL 11:31 ပူးပေါင်းရင်းမြစ်များ

ZEREMI 19:4

Keɗ keɗ na, mizli Zudahay a pulikiy le, taŋ mawuram gwat taŋ mavuka taŋ da kulihey ara na, a mbiɗaka le, mbak anta sin mata. I kulihey misi a jinaka taŋ vuna gu ta, a jinaka cine taŋhaya gu ta, yo ko a jinaka buy ngi Zudahaya gu ta ma. A nahaka li hana le ti pumbus ngi ziri migam gwat ta.

ZEREMI 7:30

Mizli Zudahay a gam gwat malambaˀ ya mawuɗ ta. A tukoko li daˀ ar hay mazilaka slimiɗ ɗu anga na, a hiryaka ti dili. I ya Bumbulvuŋ maɓi.

TUWUY 1:10

Mizli mazliram ti naŋ ta, a tiɗam haŋ le ar zlili naŋhaya gar. Naŋ kanah, ara pura mizli duniyahay, ara cam ng'ar hay naŋ mipala, Buymisemuŋ, ki ɓi le ɗaˀ le zleˀe, mizli duniyahay na, a cam ng'ar kus ngi ɗike ta ngbaŋ.

TUWUY 2:7

Bumbulvuŋ a hiziga li gi mikuli naŋ le avra, a pura li naŋ mipala kuyta wãˀ, dalam ngi hay mimezle ngir walahay Siyoŋ, a vula taŋ asi haŋ ngi mesene taŋhay. A wudam ar hay ngi Bumbulvuŋ, kaɓa mawudam ti hin ngi muguzlum.

EZEKIYEL 9:7

Buymisemuŋ a ɓa taŋ: «Hiryaka hay ngi Buymisemuŋ, nahaka wazlaraya ti vagay ngi mizli. A dirba nah, cohom!» A bam, dar a kiɗaka mizli ngir walahaya.

DANIYEL 12:11

Zle avu hin ngi mikuli vur hin gar masa kiɗ mi, hã tapas masa kaka malambaˀ mukuyta wãˀ ngi hirya gwata, ɓaˀ ar li gi mikuli na, naɓa hin a gi le durmuk ti skat skat cuw ti kukur ngoltir.

DANIYEL 8:24

Gidaŋ naŋ ngi wi mizli, a sa ru nga mbuŋ nga mbuŋ, amma anta ti gidaŋ ngi hirnga naŋ ta. A sa wuh gwatay haɗa, yo gwat naŋ muwuɗ le ngi gi gar na, a sa gi. A sa ngizl mizli migidaŋhay, mizli ngi Bumbulvuŋhay.

DANIYEL 8:26

Ka mupur gwatay ti kleŋ ngi pastaˀ ati ngi miprik kaɓa miɓaka ɓi naŋ na, naŋ kaslsla gisiŋ. Ka ja gwat ka mupura ti kleŋ hana ɗum a kwacay ɗik. Asi naŋ vur hin mikileŋhey.»

DANIYEL 9:27

Ar vi mitarnaˀ ngi dirbahay na, a sa tika ˀay ngi jumoˀay da zigiduw, yo angi reta ngi vi tarnaˀ na kwana, a sa kiɗa mi ngi mikuli ati gwat ngi vulo. Mingizla mizli a sa sawa, a sa ga gwat mukuy ta naŋhaya kutum, hã ɓi micica tuwa, a mbiɗi nga hirnga naŋ a muŋ.»

Ɗerewol OZE 3:4

Naŋ kine, Israyeley a sa cifam hã hin mbeˀ mbeˀe: buy madiɗa anta, buy anta, mikuli anta, kuli ɗugur anta, jampa anta, terafim anta.

Matiye 24:15

«Malambaˀvu mukuy ta wãˀ, mihirya gwat, mijiviɗ Daniyel miɓa ɓi naŋ na, da kisa puraka le ar li mipal na, anja mbur maslufa ɗerewolo, a sla wala naŋ.

Mark 13:14

Ki sa puraka mukuy ta wãˀ, mihirya gwata, a cici le angi li mizlir ɓa a cici anga zleˀe ta. Anja mbur maslufa ɓi hana, a sla wala naŋ. Akẽh na, mizli misi a Yude, anja a kilam nga muwãhay.

Ɓimezle ngi Yesu Kristu LUK mitil di mi 21:20

Da ki puraka le, sojehey a gunoko Zeruzaleme le gun na, sinaka sin le, naɓa pas ngi wuh naŋ a ndilo le.

ƁIMUNJUYO 17:12

Durumoy mukuruˀ, ka mupura taŋ na, i buy madiɗahay kuruˀ mazumam buy t'aruŋ. Amma a sa wunkaka zuma buyo, ati gwat misããmi angi pas purla si.