DANIYEL 11:27 - Bible en langue guiziga

²⁷ Buy mucuwoy na, a sa zliram ar zuma gwat ar sikiɗ purla, taŋ muroko ti moˀore ndus ndus a kwacay tuwa, a sa gam slir tewle. Amma anta sa gi ta, asi hin ngi kiɗa mi na, sey a ndila hin nah.

DANIYEL 11:27 ပူးပေါင်းရင်းမြစ်များ

SAMUYEL MUCUW NAŊ 13:26

Absalom a ɓa buyo: «Na kwana, pula jiviɗ da sukum ɗu Amnoŋ ɓa a kisa ndra ta ma kwa.» Buy a mbiɗaŋ di: «Amnoŋ a kisukum vur mike?»

DIMISEY 52:1

Dimis ngi wuzla dimis ngi Davitey. I mulumo di ar ɗerewol ngi buy Dimis.

DIMISEY 58:2

Gisiŋ mizli! Da ki ra ɓam ɓi na, ɓi mijeŋŋe anta bo ta. Kum mizli titrahay, kum ada gam kiita micirre ar wala kumo kwa?

DIMISEY 62:9

Kum mizli misi a ciki Buymisemuŋ, njaham hiri aseˀeŋ, ɓakaŋ ɓi ngi gwat misi ar mevel kumoyo Buymisemuŋ i li ɗum ndra.

DIMISEY 64:6

A vuɗam ɓi vaɗ vaɗ ti wer, a ɗiyam ɓi yaŋŋa ngi ji vu kaɓa kwar, a ɓam: «Masa si na i waka?»

MIKUCUWULOY 12:20

Mizli majuwam ɓi ngi gi malambaˀa, misi a mevel taŋ i ɓi mijeŋ ta, amma mizli makutam vu ti ɓi ngi zuy na, misi a mevel taŋ i mumul.

MIKUCUWULOY 19:21

Wuluk ngi gi gwataya, naŋ haɗa a mevel mburo, amma ɓa a gi na, sey da Bumbulvuŋ mujuwa le.

MIKUCUWULOY 26:23

Ɓiri bara, manja bi ti zay naŋ avra mupuyaka le da hohoy na, a bam vu ati mi mihimaˀ waɗ mevel malambaˀa.

EZEKIYEL 17:9

Bumbulvuŋ, Buymisemuŋ a ɓiy, ɓi na: Gudubun nah a sa yi gu kwa? Kurom a sa muɗa slaslalak naŋhaya le na, a sa pula yi naŋ a ɓut, a muˀul takwa? Dimbasl naŋ mumuɗa tuwa na, janga naŋhay gar a sa muˀulom. Ɓa ngi muɗ naŋ na, anta ti gidaŋ haɗa ta, i mizli haɗa mata!

DANIYEL 10:1

Angi vi mimakir naŋ ngi Sirus buy Perse mazum buy na, Buymisemuŋ a njik ɓi le da Daniyel mazilaka Beltasara. Mingiɓi nah naŋ kaslsla, yo a ɓi di i ɓi ngi bonoy madiɗa. Daniyel a ja ɓi nah le, a sla wala nah ar naŋ mupura ti kleŋ.

DANIYEL 11:28

Buy vay muŋ, a sa mi nga ruwuy naŋ ti zlili haɗa. Sukwi ngi Buymisemuŋ mujum ˀay ati taŋ, naŋ a muro ti wuluk malambaˀ ar taŋ tuwa na, a wuɗ a ga wãˀ muduba, a sa mi nga hirwuy naŋ a muŋ.

DANIYEL 11:29

Da hin naŋ a ndilo le na, a sa so ngi kiɗa vu ati buy vay ruwuy, amma anta sa gi ar kiɗa mi naŋ, kaɓa ar zli virzi naŋ ta mbula.

DANIYEL 11:35

A wuzla misi lesley na, mekelemey a sa micam, ɓa pumbus taŋ a bi ti malambaˀavra, a buna mungra, a pusluɗa taŋ ndazl ndazl hã avu kiɗa mi ngi hin, asi a sa ndilo sey angi hin naŋ.

DANIYEL 11:40

Ar kiɗa mi ngi nah na, buy vay ruwuy a sa zliram didak ati naŋ, amma buy vay muŋ a sa ru cir ng'ar naŋ ti mota ngi vurum naŋhay, ti pilis naŋhay waɗ ti palalam madiɗa naŋhay mikwesle kwesle na. A sa cam ɓuyoh ng'asi ruwuyoy gar, hã tuwɗeˀ maakwaya.

DANIYEL 8:17

A so ng'aciki ɗu, ar li ya mideŋ ara na, ti naŋ maso na, didak a muɗiy, i huruk huruk a ruwuy. Dar a ɓiy: «Ka mburu, cin ɗi, gwat ka mupura ti kleŋ na, i ngi kiɗa mi ngi hin.»

DANIYEL 8:19

Joˀ a ɓiy: «Gwat masa ndilo a dirba mevel mufõh fõh na, i wuɗ i njukuw di, asi kiɗa mi ngi hin i misla le si.

HABAKUK 2:3

asi gwat ka mupura ti kleŋ na, hin naŋ i manja sli aruŋ. Naŋ gweˀ ngi kiɗa mi, anta sa gi slir ta. Da ki puraka le kaɓa ara mur na, kutukokoŋ, asi a sa ndilo gbaˀa, ko anta mur ta.

SLRA 1:7

Naŋ a ɓa taŋ: «Hin naŋ ati pas naŋ, Baha muɗuva ti gidaŋ naŋ na, kumo, ki sinaka gu ta.

SLRA 17:31

Naŋ kine, a ɗuv hin le pal, naŋ masa ga kiita mijeŋŋe da duniya gar tapasa. Masa ga taŋ di, i mbur naŋ muwunaŋ. A biga le njah wãˀ da mizli gar ti naŋ mislikiɗaŋ ti wuzla mumucahay na.»

TESALONIKEY MUDUMBUŊ NAŊ 5:1

Sukum ndrahay, ɓi ngi pas malla ngi hin ngi gwat tayna masa gam na, kum anta ti may ɓa a i tuhukum ɓi nah mata.