DANIYEL 11:22 - Bible en langue guiziga

²² Mizli matiɓaka hirwuy ti gidaŋ na, a sa ngizlam pay a mbuŋ naŋ, jom ati buy ngi mizli mujumom ˀay le.

DANIYEL 11:22 ပူးပေါင်းရင်းမြစ်များ

EZAYI 28:15

Ki ɓam: «I ɗiyam ɓi ngi jumo ˀay le ati muco, i slam ˀay kiri le ati li ngi mizli mumucahaya. Bonoy masa ndilo na, a sa cuh, ko a luuma ndra ta, asi slire, i tiram di li ɗum ndra le, yo gi gwat ti kwacay cuwo, i li ɗum ndra.»

DANIYEL 11:10

Ziri naŋhay a sa juwam vu nga kiɗa vu: a sa kusom zigiduw taˀ taˀ mbeˀ mbeˀ. Pal a wuzla taŋ a sa bi nga kiɗa vu, a sa ndaham ati soje naŋhay, a tuwuɗaka maakwayakaɓa mekepel mazuɓ. Joˀ a sa moko nga ruwuy taŋ a muŋ, a ram ti kiɗa vu hã sesẽŋ ar li ngi mesene naŋhay, walahay muguno ti moholoy tuwa.

DANIYEL 11:23

A sa jumˀay ati buy nah tuwa, ɓa a tikin vu. A sa zli mizli ngi kiɗa vu, amma a sa lum bugawla ti mizli naŋhay mineˀ vuna.

DANIYEL 8:25

Naŋ misi ti wer tuwa, a sa si na tikina vu gisiŋ gisiŋ. A sa gil ti huhumo vu a mevele, yo a sa ngisl zigiduw mapuraka kaɓa taŋ zuy zuyo. A sa zlir didak ati madiɗa ngi yarmahay, amma a sa ngilakaŋ ngiɓac ngiɓac, ko mitiɓi naŋ anta pal ta.

DANIYEL 9:26

A dirba vi tarnaˀ tarnaˀ makaw kukur merkeɗ ngaˀ cuw na, mbur mipaŋ mal ngi vulaŋ slra, a sa kiɗam pal vagay, amma ko mbur pal masa cik vu aseˀe anta. Walahay ati hay ngi Buymisemuŋ na, mizli ngi buyoy misi tumbuŋ, a sa wahaka taŋ. Mizli ngi buy tayna vuna, i himaˀ ngi Buymisemuŋ masa kiɗa taŋ, yo hã avu kiɗa mi ngi vurum kwana, ɓi micica ngi ngizla vu ada.

AMOS 8:8

Naŋ kine, hirwuy a sa jijik vurˀe, yo mizli ngi raˀahay gar, a sa tuwam vagay. Hirwuyo cek a sa slikiɗ hogokko kaɓa mizaw, waɗ a sa mbizli kip nga ruwuy kaɓa mizaw Ezipte.

AMOS 9:5

Bumbulvuŋ Buymisemuŋ misi gidaŋ waˀa, a wusa hirwuyo le duk na, hirwuy a jijik, joˀ mizli ngi raˀahay gar a tuwam tuwuy ngi vagay. Hirwuyo a slikiɗ hogokko cek kaɓa mizaw mazuɓu, yo a mi kip nga ruwuy kaɓa mizaw Ezipte.

NAHUM 1:8

Ko da mendere ara cuh kaɓa mekepel madiɗa kwana, a ki slimiɗ ar taŋ na si. Amma a hirya walahay avra, a ɓula mesene naŋhaya sesẽŋ ng'ar li luvuŋ.