DANIYEL 11:16 - Bible en langue guiziga

¹⁶ Mbur muso le ngi zlir didak ati naŋ na, a sa gi di kaɓa wuɗ naŋ. Mbur masa cici a mbuŋ naŋ gu ko pal anta. A sa cici deŋ a ruwuy mimezle haɗi, gwat ngi ngizla vu kaw a haŋ.

DANIYEL 11:16 ပူးပေါင်းရင်းမြစ်များ

EZAYI 8:8

A sa zuma hirwuy Zuda rekrek, a sa tuwuɗa mibuzugumoyo, a zuɓvra vra, hã giw ti ˀay. Aw Emanuwel! Mihaŋ naŋhay maɓulomo, a sa naha hirwuy ɗike zlar.»

ZEREMI 3:19

Yi ɓi ti kwacay ɗu zleˀe na: «Yawwa, yi wuɗ i muɗuw ceɗ ti wuzla ziri ɗu mizileheye, i vuluw hirwuy mimezle haɗa, hirwuy mukuy teˀ misi a wuzla sukwi ngi mizli.» Dar yi ɓi ti kwacay ɗu: «Ki sa zilikiy ‹Baha›, kum anta sa mbiɗikiy duba mata.»

DANIYEL 11:3

Amma buy migidaŋ a sa bo tir ruwuy Greke, a sa zuma buyo ka naŋ muwuɗu.

DANIYEL 11:36

Buy a sa gi kaɓa naŋ mawuɗo. A sa zluzluɓ, a njur njor njor fineˀ kulihey gar. A sa ɓi ɓi malamɓaˀ a hirnga Buymisemuŋ mufuna kuliheye. A sa lum bugawla, hã himaˀ ngi Buymisemuŋ a gi. Asi gwat Buymisemuŋ ɓi micica ɓi naŋ na, a sa gi muduba.

DANIYEL 11:41

A sa ci ng'asi ruwuy mimezlehey, mizli haɗa a sa ndilam. Amma Edomoy, Mohaˀapay ati modogom ngi Amoŋhoy a sa laham tisi haŋ naŋ.

DANIYEL 11:45

A sa nga guɗuk nga naŋhaya, ar wala ngi mubuliy ati muwã mipal, mimezle ngisi ruwuyo. Naŋ a sa muc manja mbur a jiniˀis aseˀe.›»

DANIYEL 5:19

Vur naŋ muvulaŋ madiɗa tuwa na, mizli gar, sukwihey ati mizli maɓam mi miwal wal gar na, a zluwunam kirkir a mbuŋ naŋ, asi ko wa gar, da naŋ muwuɗ le na, a kiɗa vagay, ko wa gar, da naŋ muwuɗ le na, a pula ti siifa, ko wa gar, da naŋ muwuɗ le na, a gaŋ ɗongor, ko wa gar, da naŋ muwuɗ le na, a maŋ nga ruwuy.

DANIYEL 8:4

I pura na, zlengerek tuwa, ara kiɗ gwat ti durumo kini tisi pas ngi pastaˀ, tir vay muŋ, waɗ tir vay ruwuyo, gwat misahmi macici a mbuŋ naŋ gu anta ko pal ta, yo matiɓa gwat gu ti vaˀa ko pal anta. A ga gwataka naŋ mawuɗ, yo ara gil.

DANIYEL 8:7

I ra pura, a ndil a ciki zlengereke, a zuɓ mevel fõh fõh ng'ara. A kiɗa zlengerek tuwa, a ngilaŋ durumoyo cuw taŋ, zlengerek a lum gidaŋ ngi cici a mbuŋ naŋ gu ta. A zlumbura nga ruwuy, a gudubura asi sar. Mbur ngi tiɓa zlengerek avaˀa, ko anta loŋ ta.

DANIYEL 8:9

Avu durum pal numuŋ, mekelem meciɗek wãˀ a bawa, a gil haɗa ng'ar vay ruwuy, ng'asi pas ngi miprik waɗ tir vay hirwuy mimezle haɗa.

ZOZUWE 1:5

Angi hin ngi siifa ɗik gar na, ko mbur macici gu a mbuŋ ɗik anta wãˀ. I sa ndir ati kakaɓa ya mindir zleˀe ati Moyis na ya. Ko y'anta sa puluw fuk ta, yo y'anta sa hiziguw avra ta.