DANIYEL 10:6 - Bible en langue guiziga

⁶ Vu naŋ, naŋ kaɓa ɗugur marva, mihiri naŋ kaɓa wucuɗ ngi vuŋ, hiri naŋ kaɓa dali i vu, haŋ ati sar naŋhaya, a wucuɗam kaɓa ɓiri gaza mingirzla kuleɗ kuleɗ, mingiɓi naŋ, kaɓa i zigiduw taˀ.

DANIYEL 10:6 ပူးပေါင်းရင်းမြစ်များ

BI NGI ISRAYELEY 28:20

Yo jobol mumufaɗ naŋ i ɗugur kalaf kalaf, ɗugur mupuɗaw kakayak kakayak waɗ ɗugur kalaf kalaf gagaza zlop zlop, ɗugur gar na, gwat ngi luw naŋ i ɓiri tapasl tapasl.

DIMIS MIMEZLE 5:14

Haŋ naŋhaya ka ɓalaŋ ngi ɓiri tapasl tapasl, miga ti ɗugur mu puɗaw tapasl tapasl. Kwacay naŋ i palalam ngi sliŋ ngi begene, misirta le ti ɗugur mupuɗaw ngil ngil.

EZEKIYEL 1:14

Dar gwat misi titiri tuwa, a mbiɗam ti ka ti ka, kuɗiɗiɗi kuɗiɗiɗi kaɓa wucuɗ ngi vuŋ.

EZEKIYEL 1:16

Sar ngi mota tayna, kpak taŋ ati ɗiy t'anihĩ: a wucuɗam kaɓa ɗugur mupuɗaw mazilaka krisolit. Taŋ mufaɗ taŋ a bam vu, yo ɗiy taŋ, kaɓa sar purla gar na, kulaˀ ar cala kulaˀ ar cala.

EZEKIYEL 1:24

Da taŋ mira ram na, i cine hurum ngi kirpasl taŋhaya. Hurum taŋ kaɓa hurum ngi mubuliy, kaɓa ˀay ngi misi gidaŋ wãˀ malla hurum ngi zigiduw mihaɗa ar vurum. Da taŋ ɓi micicam le na, a suroko kirpasl taŋhaya.

EZEKIYEL 1:7

Sar taŋhaya cir cir. Sar taŋ ngi ɗuv taˀ taˀ a ruwuyo, taŋ kaɓa sar ngi zuŋ sla, a wucuɗam kaɓa ɓiri gaza mukuleɗ kuleɗe.

EZEKIYEL 10:9

I ra pur hiri: keɗ na, gwat ka sar ngi motahay mufaɗ a ciki kerubeŋheye. Kerubeŋ gar na, sar ngi mota purla a cikeˀe. Sar ngi motahay a bam vu ati wucuɗ ngi ɗugur mupuɗaw mazilaka krisolit.

EZEKIYEL 40:3

Aru ti ya ng'avi hayay tuwa, keɗ na: mbur, a bam vu ati ɓiri gaza. Gwat ka zeweɗ ngi gugumay mislirkeɗ waɗ ganday ngi wi gwat kaw a haŋ. Naŋ deŋ a mizlingre.

EZEKIYEL 8:2

I pur hiri, keɗ na, gwat kaɓa mbur. Zle avu li misi kaɓa li juwa gwat ngi duba naŋ, waɗ nga ruwuyo i vu. Yo zle avu li juwa gwat ngi duba naŋ, waɗ nga muŋ kwana, sukwi ngi wucuɗ ngi gwat, kaɓa wucuɗ ngi ɓiri jiriy jiriy.

Matiye 17:2

Vu ngi Yesu a mbiɗi a mbuŋ taŋ: mihiri naŋ a zla a wucuɗ ka pas, zana naŋhay a mbiɗam njazlazl njazlazl ka li minjahha.

Matiye 28:3

Modro vuna a wucuɗ ka vuŋ, zana naŋhaya babara ndarara ka gugumay.

Ɓimezle ngi Yesu Kristu LUK mitil di mi 9:29

Ti naŋ madir dibiɗ na, mihiri naŋ a mbiɗi pal, zana naŋ a mbiɗi babara ndararara, a wucuɗ wilik wilik ka vuŋ.

ƁIMUNJUYO 10:1

Yo ma na, i pur modro mekelem ngi Buymisemuŋ ma, migidaŋ, ara po sar paɗ ti muŋ, gazlavay ɓaˀ avu vu ka zana, kwalay mogodonok gun hirnga, mihiri naŋ a wucuɗ kaɓa pas, yo saraya, taŋ kaɓa vu minjihhe.

ƁIMUNJUYO 19:12

Hiri naŋhaya, njilim njilim kaɓa irne ngi vu madiɗa. Loppoloy mbeˀ mbeˀ a hirnga, yo slimiɗ toh toh a hirnga, sey naŋ pal naŋ misinaŋ.

ƁIMUNJUYO 2:18

«Toho da modro ngi cikil ngi misikristu ngi Tiyatireye ɓaŋ na: Mangal ngi Buymisemuŋ, mbur misi hiri njilim njilim, kaɓa vu matiɓi haɗa haɗa, yo saraya kaɓa ɓiri gaza mukuleɗ kuleɗ, mipaka ti pi, a ɓi:

ƁIMUNJUYO 21:20

muzlum taŋ i ɗugur mupuɗaw gagaza coy coy, mimerkeɗ taŋ i ɗugur mupuɗaw kakayak kakayak, mitarnaˀ taŋ i ɗugur mupuɗaw kalaf kalaf, midangafaɗ taŋ i ɗugur mupuɗaw cuhho, mungoltir taŋ i ɗugur tapasl tapasl, mukuruˀ taŋ i ɗugur mupuɗaw zay zuŋ kalaf kalaf, mukuruˀ ngaŋ kaˀ taŋ i ɗugur mupuɗaw virziŋŋe, mukuruˀ nga cuw taŋ i ɗugur miwitwit.