DANIYEL 10:16 - Bible en langue guiziga

¹⁶ Amma mbur, kaɓa mburu, a sa wusiy avu mi, i wuna mi, i ra ɓi. I ɓa mbur mideŋ a ciki ɗu tuwa: «Kumani, gwat mubugo vu na, a muɗiy didak le haɗi, yo gidaŋ ɗu anta mata.

DANIYEL 10:16 ပူးပေါင်းရင်းမြစ်များ

BI NGI ISRAYELEY 4:10

Moyis a ɓa Bumbulvuŋ na: «Ambuh takwa Bumbulvuŋ ɗu, yi si na ɓi ɓi ɗaˀ ɗaˀa ta, zlezle vuna, i si na mi ta, ko zle ti ka maɓiy ya gawla ɗik vuna si na, i si na mi ta si. I ɓa mi tuwaˀ tuwaˀ, irne ɗu naŋ gbiˀgbiˀ haɗa.»

BI NGI ISRAYELEY 4:13

Moyis a mbiɗaŋ di: «Ambuh takwa Bumbulvuŋ, slin mbur ka muwuɗ le gar ɓa ara ɓa ɓi nah!»

TILA MI 1:18

Asi da mburo naŋ da ti sinmijileŋ haɗa na, naɓa lik kwana ada haɗa ya, yo mbur maska sin naŋ nga mbuŋ na, a sik di i bonoy.

EZAYI 6:7

A dukiy di duk avu mi, waɗ a ɓiy: «Zle dana, gwat hana muwusa mi ɗik na, gwat malambaˀ ɗik a puy le avra. Mungra ɗik i muzuɓa le avra.»

ZEREMI 1:9

Bumbulvuŋ a tilo haŋ til, a wusiy avu mi, a ɓiy: «I ca mingiɓi ɗu le a balam ɗike.

EZEKIYEL 1:26

Yo ti hirnga birngiŋ misi a hirnga taŋ tuwa na, gwat kaɓa ɗugur mupuɗaw ngil ngil, a bam vu ati janga ngi buy. Ar sukwi ngi janga ngi buy tuwa, a hirnga naŋ wãˀ na, gwat kaɓa mbur deŋ.

EZEKIYEL 3:27

Amma da ya misa ɓuw le na, i sa wunuw mi, dar kisa ɓa taŋ: ‹Maɓi kahana i ya Bumbulvuŋ, Buymisemuŋ. Mbur muwuɗ cin naŋ le na, anja a cin, mbur muwuɗ cin naŋ ta kwana, anja a cin ta›, asi taŋ i sukwi ngi mizli mislikiɗa ɓihey.

EZEKIYEL 33:22

Ngi pastaˀ naŋ, ti mbur milaha tuwa mindilo t'aruŋ na, naɓa haŋ ngi Bumbulvuŋ naŋ da taˀ angi ya si. Ti mbur tuwa muso ng'avi ya ngi miprik na, yi ɓi ɓi gu muduba, y'anta ngbimme mata.

DANIYEL 12:8

I cine cin cin na, ko i sla wala naŋ ta, i ɓi: «Kumani ɗu, gwat hanayna vuna, kiɗa mi naŋ i wanaka?»

DANIYEL 4:19

nah na gar, i ka vuna kumani! Asi ki tiri le ki madiɗa, yo ka gidaŋ, madiɗa ɗik a sik le, a ndil le sesẽŋ a muŋ, zumabuy ɗik a ndil le sesẽŋ asi ruwuy mira kiɗo mi.

DANIYEL 7:15

Ya Daniyele, didak a miɗiy hã sesẽŋ avu membezleŋ ngi vu ɗu, yo gwat ya mupura ti kleŋ tuwa, ɓi naŋ ara giriy a mevele haɗi.

DANIYEL 7:28

Slufa ɓi ngi kleŋ ɗu a kiɗ mi ar hana. Ya Daniyele, wuluk ara giriy haɗa. A pusluɗiy vu ndararara, i ro di a mevele.

DANIYEL 8:15

Dambalaka, ti ya Daniyel mira pura gwat ti kleŋ, i wuɗ i sla wala naŋ tuwa, keɗ na, mbur mibam vu ati mbur, a so deŋ a ciki ɗu.

DANIYEL 8:17

A so ng'aciki ɗu, ar li ya mideŋ ara na, ti naŋ maso na, didak a muɗiy, i huruk huruk a ruwuy. Dar a ɓiy: «Ka mburu, cin ɗi, gwat ka mupura ti kleŋ na, i ngi kiɗa mi ngi hin.»

DANIYEL 8:18

Ti naŋ maɓiy na, i ro ɗokɗok, durus a ruwuy. A wusiy, a slikiɗiy deŋ ar li ɗu a muŋ.

DANIYEL 8:27

Ya Daniyele, i ra hĩhĩy, ya guta, ɓaˀ hin mbeˀ mbeˀe. A dirba nah, i slikiɗ, i gi slra ngi buy. Wuluk ara giriy, vur ɓi ngi gwat ya mupura ti kleŋ na, amma ko mbur misla wala naŋ anta.

DANIYEL 9:21

Ti ya madir dibiɗ kanah na, Gabriyel, mbur ya mupura ti kleŋ tuwa, a slikiɗo faw kutum ng'avi ya, ar ler ngi vula gwat ngi mikuli ngi pastaˀa.

Ɓimezle ngi Yesu Kristu LUK mitil di mi 1:64

A haŋhaŋ si na, mi ngi Zakari tuwa a wun, irne a pusuku, dar a ɓi, a hunuma Buymisemuŋ.

Ɓimezle ngi Yesu Kristu LUK mitil di mi 21:15

Asi ya, i sa vulukum mingiɓi ati sinmijileŋ, ɓa ko mesene kum pal masa ngilukum mi malla masa mbuɗukum mi gu anta.

Ɓimezle ngi Yesu Kristu ZAŊ mitil di mi 20:28

Tomas a mbiɗaŋ di: «Aw Bumbulvuŋ Buymisemuŋ, ɗu!»

ZOZUWE 5:14

Mbur tuwa, a mbiɗaŋ di: «Kay! kanah ta, yi madiɗa ngi soje ngi Bumbulvuŋhoy. Yi ndilo wureˀ ani.» Ar nah na, Zozuwe a pula vu nga ruwuy, a huruk huruk, a ɓaŋ: «Ani ki ɓiy ya gawla ɗike na mbri ska, Buy ɗu?»

ƁIMUNJUYO 1:13

waɗ mbur mubam vu ati Managal ngi mbur deŋ a wuzla li ɗuva lampehey mitarnaˀ tuwaŋ. A ki jibe silmir sesẽŋ a ruwuy. Kanda ngi ɓiri tapasl tapasl, hir a didaka.

MIGI KIITAHAY 13:8

Akẽh na, Manoa a tumbulo Bumbulvuŋ, a ɓaŋ: «Ambuh Bumbulvuŋ ɗu, anja mbur ngi Buymisemuŋ ka mislino di na, a mo ng'avi ndra ava ma, ɓa a dubuna ndra gwat ndra masa gaka da mangala, ti ndra miyaka le.»

MIGI KIITAHAY 6:13

Zedeyoŋ a mbiɗaŋ di: «Ambuh takwa kumani ɗu! Da Bumbulvuŋ naŋ da ati ndra na, gwatay migam avu ndra kahana na vur mike? Gwat ngi zuma hirngahay, cine ndrahay muslufam ndra ɓi taŋ na taŋ ama ani ska? A ɓam na: ‹I Bumbulvuŋ mubo ti ndra ti ruwuy Ezipte kini ta kwa?› Na wurenna, Bumbulvuŋ a pula ndra le zlaɗ asi haŋ ngi Madiyanay so.»

MIGI KIITAHAY 6:15

Amma Zedeyoŋ a mbiɗaŋ di: «Ambuh kumani ɗu! I sa laha Israyeleye mbri mbrike? Sukwi ɗu, muy ɗuwoy ar sukwi ngi Manase i miĩya wãˀ, yo ya kwana, yi zuŋ hiri meciɗek wãˀ a hay baha!»