DANIYEL 10:1 - Bible en langue guiziga

¹ Angi vi mimakir naŋ ngi Sirus buy Perse mazum buy na, Buymisemuŋ a njik ɓi le da Daniyel mazilaka Beltasara. Mingiɓi nah naŋ kaslsla, yo a ɓi di i ɓi ngi bonoy madiɗa. Daniyel a ja ɓi nah le, a sla wala nah ar naŋ mupura ti kleŋ.

DANIYEL 10:1 ပူးပေါင်းရင်းမြစ်များ

ZLI VIRZI 41:32

Da ka buy madiɗa ngi Ezipte ki musuwun le is cuw na, naɓa i Buymisemuŋ ɓi micica ɓi nah, yo a wuɗ ɓa a ga wureˀ wurenna.

ƁI NGI HINEY MUCUW NAŊ 36:22

Ar vi mudumbuŋ ngi Sirus, buy madiɗa ngi Perse mazum buy a Babiloŋ na, Bumbulvuŋ a juwa le ɓa a ga gwat naŋ mubo di ti balam Zeremi zleˀe tuwa muduba. Bumbulvuŋ a wuna lesl ngi Sirus, buy Perse, ɓa asi ruwuy naŋ mazum buy anga gar na, a til di mi ti til malla toh toh ti tuh:

ESDRAS 3:7

Waɗ ma na, a wurkaka miciɗa ɗuguroy waɗ mujuwa marjahaya, yo a vulaka gwat ngi zum, gwat ngi si waɗ mal da mizli Sidoŋhoy ati mizli Tirey, ɓa taŋ kwana, a slinoko taŋ dum ngi widis miter ngi Libaŋ tir mubuliy, hã sesẽŋ a Zafa. A gaka kanah, asi Sirus, buy ngi Perse, a vula taŋ jiviɗ nah le.

ESDRAS 4:3

Amma Zorobabel, Yesuwa waɗ buy ngi hay ngi wuzla mizli Israyeleye, a ɓaka taŋ: «Ndr'anta jumom ati kumo ngi ndira hay da Buymisemuŋ ndra ta. I ndra pal ndra mandiraka hay da Bumbulvuŋ, Buymisemuŋ ngi Israyele, kaɓa Sirus, buy Perse mupula ndra jiviɗ naŋ na.»

ESDRAS 4:5

Diga avu Sirus muzum buy a Perse, hã avu Dariyus muzum buy a Perse ma na, ara vulaka dala da mukuti vu ngi mamay buyoyo, ɓa a tikaka slra, Yudehey muwuɗam ngi gi naŋ gar.

ESDRAS 6:14

Mizli micawwa ngi Yudehey ara ram nga mbuŋ ti slra ngi ndira hayakasl kasl, kaɓa mijiviɗ Aze ati mijiviɗ Zakari, mangal ngi Ido minjikaka zleˀe tuwa. A kiɗaka mi ngi haya, kaɓa Buymisemuŋ ngi Israyel miɓa ɗaˀ le, yo kaɓa Sirus ati Dariyus waɗ Artakzerses, buy Persehey miɓaka ɗaˀ le na ma.

ESDRAS 6:3

Ar vi mudumbuŋ ngi Sirus mazum buy na, a vula ɓi ani: Hay ngi Bumbulvuŋ a Zeruzalem. Anja a ndiraka haya ar li magam mikuli, yo ar li misi virzi naŋ muɗuva zleˀe na: gil naŋ nga muŋ, metir kukur makir, sliprik naŋ, metir kukur makir.

EZAYI 44:28

Yi ɓi vur Siruso: «Naŋ i mijigina mizli ɗuwoy.» Gwat maciriy hiri gar na, i sa ga ɓa a gi kasl kasl avu naŋ. Yo i ɓi vur Zeruzaleme ma na: «Anja a ndiraka hiri naŋ a muŋ», yo hay nga ya Bumbulvuŋ: «Anja a ɗuvaka virzi naŋ a muŋ.

DANIYEL 1:17

Gawla mumufaɗ tayna tuwa, Buymisemuŋ a vula taŋ sin ngi gi gwat ati sin ar mingiɓi waɗ ar sinmijileŋ. Daniyele, a sla wala ngi gwat gar, gwat mupura ti kleŋ ati musuwuno gu.

DANIYEL 1:21

Joˀ Daniyel a gi slra ngi buyo hã ar vi mudumbuŋ ngi Kiriyus mazum buy.

DANIYEL 1:7

Madiɗa ngi migi slra ngi mamay buyo, a ca taŋ slimiɗ mekelemey. Daniyele, a zila Beltasar, Hananiya, a zila Sadrak, Mikayele, a zila Mesak waɗ Azariya, a zila Habet-Nego.

DANIYEL 10:14

Yi so na, ɓa ngi ɓuw ɓi ngi gwat masa gi tumbuŋ avu mizli ɗikey, asi ar hin masa gam tayna na, gwat ngi pur ti kleŋ ada pal aruŋ.›

DANIYEL 11:2

Wurenna, i wuɗ i ɓuw ɓi mikaslsla so. Pura buyoy a sa boko makir a ruwuy Perse, amma mumufaɗ taŋ a sa cikil zlili haɗa wãˀ fineˀ nga taŋ gar. Da naŋ misa lum gidaŋ le ti zlili nah na tuwa so na, a sa slikiɗ ɓi avu zumabuy ngi ruwuy Greke.

DANIYEL 12:4

Naka, Daniyele, ndir ti mingiɓi hana yaŋ a mevel ɗiki, yo slirɓa ɗerewol hana sliraɓ hã avu kiɗa mi ngi hin. Mizli haɗa a sa slufaka, yo sin taŋ kwana a sa sik nga mbuŋ aya.»

DANIYEL 12:9

Naŋ a mbiɗiy di: «Aru ti zuy Daniyel ɗu, asi mingiɓi hana anja a ndir i ɓi miyaŋŋa, yo sliraɓ sliraɓ hã ar hin ngi kiɗa mi naŋ.

DANIYEL 2:21

I naŋ mambuɗa hiney ati gwat ngi giheye, i naŋ maputukuso buyoyo, i naŋ maca buyoyo, a vul sinmijileŋ da misi sinmijileŋhey, yo a vul sli wala ngi gwat da misina sli wala ngi gwatay.

DANIYEL 4:8

Widis tuwa a tiri madiɗa, yo naŋ gidaŋ ma. Gil naŋ sesẽŋ ar birngiŋ muŋ, yo a pur sesẽŋ a ruwuy mira kiɗo mi.

DANIYEL 5:12

Asi a puraka Daniyele na, a wuluk haɗa, a naŋ ti sin ngi gi gwata, a pura gwata kweŋ kweŋ ngi njika musuwunoy, a bo ti ɓi mumbuzahaya njoy, yo a ɗiya ɓi mutuwaˀa. Buy vuna, a caŋ slimiɗ mekelem, a zila Beltasar. Na ani wurenna, ngi zilo mbur Daniyel nah vuna, naŋ a sa njika mbiɗeˀvra ngi gwat mutoho hana.»

DANIYEL 5:17

Dar Daniyel a mbiɗa da buyo: «Gwat ngatara ɗikey na, anja a ndiram da ka vuna a muŋ, yo madiɗaka mavuliy di na, vula taŋ da mizli mekelemey! Amma, gwat mutoho, yi sa slufuw di buy, ɓa ki si na mbiɗeˀvra naŋ.

DANIYEL 6:28

A cuko mburo tir bonoyo, yo a lahaŋ, a gi gwat mabigi gwat ati gwat migam ɗaˀ tahay a muŋ waɗ a ruwuyo, ani a laha Daniyele le tivi mi ngi moboroyo.»

DANIYEL 8:16

Joˀ i cin ˀay ngi mbur mawudo ti mizaw Ulay, a ɓi: «Gabriyel! Mbur hana mupura gwat ti kleŋ na, inga slaŋ wala nah.»

DANIYEL 8:26

Ka mupur gwatay ti kleŋ ngi pastaˀ ati ngi miprik kaɓa miɓaka ɓi naŋ na, naŋ kaslsla gisiŋ. Ka ja gwat ka mupura ti kleŋ hana ɗum a kwacay ɗik. Asi naŋ vur hin mikileŋhey.»

Ɓimezle ngi Yesu Kristu LUK mitil di mi 1:20

Pura ɗi, kisa ndir ngbimme, kisa ɓi gu mata, hã tapas gwat hana misa gi le. Asi ɓi ɗu masa gi angi hin naŋ na, ki tiɓa ta.»

ƁIMUNJUYO 19:9

Modro ngi Buymisemuŋ a ɓiy: «Toho na: Mizli mazilaka taŋ nga zuma ɗaf ngi vula ngwas ngi tumuŋ na, taŋ ar wuya!» A ɓiy ma: «Hana i mingiɓi ngi Buymisemuŋ vuna si.»