DANIYEL 1:19 - Bible en langue guiziga

¹⁹ Buy a kiɗam slir ati taŋ. A wuzla taŋ gar na, a lum misi kaɓa ti Daniyel, Hananiya, Mikayel waɗ Azariya na ta. Vurˀe, taŋ a ndiram a mbuŋ buyo.

DANIYEL 1:19 ပူးပေါင်းရင်းမြစ်များ

ZLI VIRZI 41:46

Ti Zozefe muru nga mbuŋ buy madiɗa ngi Ezipte, naɓa naŋ ti vi kukur makir. A pula buy madiɗa ngi Ezipte, ara bula hirwuy Ezipte gar.

BUYOY MUDUMBUŊ NAŊ 17:1

Eli, mbur ngir walahay Tiseba, angi hirwuy Galaˀata, a ɓa buy Akap na: «Ti slimiɗ ngi Bumbulvuŋ misi ti siifa, Bumbulvuŋ ngi Israyel, ya magaŋ slra naŋ na, ar vi ngi mbuŋhoy na, wulngar anta sa gi ta, yo vuŋ anta sa gi ta ma, sey da ya mucufuɗ le vurˀe far.

MIKUCUWULOY 22:29

Mbur maga slra naŋ kuy kuy na, ki pur le ɗaˀ kwa? Ko a mbuŋ buyoy kwana, naŋ a cici gu, naŋ anta sa cici a wuzla manja sineye ta.

ZEREMI 15:19

Bumbulvuŋ a ɓi, yawwa: «Da ki mo le ng'avi ya na, i sa tuɓuw a muŋ, kisa cici ar li ɗik a mbuŋ ɗu a muŋ. Ar deɗe ngi ɓi mi ngi sefel na, kisa ɓi di i ɓi mupuɗaw, naɓa kisa tiri mijiviɗ ɗu. I mizli Zudahay masa soko ng'avi ka, ka, k'anta sa ru ng'avi taŋ ta!

DANIYEL 1:18

Ar kiɗa mi ngi hin ngi Nabukodonozor, buy madiɗa misla, ɓa a bigakaŋ gawlahay tuwa na, madiɗa ngi migi slrahay a raŋ taŋ.

DANIYEL 1:4

A wuzla ziri gawla taŋhay manja hereweɗ ko neˀ. Deŋ taŋ naŋ kuy, taŋ ti sinmijileŋ, a sinam haɗa, yo taŋ ti sin ngi gi gwata ma. Taŋ, a sa gam a hay ngi buy. A sa dubunaka taŋ mingiɓi ati toho gwat ngi mizli Babiloŋhoy.

DANIYEL 1:5

Buy a juwa le, ɓa vur hin gar na, a vulaka taŋ gwat ngi zum ati gwat ngi si kaɓa nga naŋ buy vuna, yo a dubunaka taŋ gwat ngi gi hã vi makir. A dirba nah, a sa gam slra ngi buy.

DANIYEL 1:6

A wuzla taŋ, dideˀ ngi Zudahay ada cah, i ti Daniyel, Hananiya, Mikayel waɗ Azariya.

DANIYEL 1:7

Madiɗa ngi migi slra ngi mamay buyo, a ca taŋ slimiɗ mekelemey. Daniyele, a zila Beltasar, Hananiya, a zila Sadrak, Mikayele, a zila Mesak waɗ Azariya, a zila Habet-Nego.

DANIYEL 2:13

Mingiɓi naŋ a njik le. A wuɗ a ngizlaka misi sineye gweˀe, a supoko Daniyel ati ngama naŋhaya, ɓa a kiɗaka taŋ ya.

DANIYEL 3:29

Na ya so na, yi ɓi le ɗaˀ le: «A wuzla mizli ɗuwoy, sukwi ɗuwoy, ati mizli maɓam mi miwal walay gar na, mbur masa ɓi mi malambaˀ ar Buymisemuŋ ngi Sadrak, Mesak ati ngi Abet-Nego na, a sa puwaka paw paw, yo hay naŋ a sa tiri kitikil. Asi Buymisemuŋ mekelem malih vu ka hana, anta.»