DANIYEL 1:17 - Bible en langue guiziga

¹⁷ Gawla mumufaɗ tayna tuwa, Buymisemuŋ a vula taŋ sin ngi gi gwat ati sin ar mingiɓi waɗ ar sinmijileŋ. Daniyele, a sla wala ngi gwat gar, gwat mupura ti kleŋ ati musuwuno gu.

DANIYEL 1:17 ပူးပေါင်းရင်းမြစ်များ

BUYOY MUDUMBUŊ NAŊ 3:12

Vurˀe, weˀ avu cufuɗ ɗik na, y'ani vuluw sinmijileŋ ati lesl ngi sli wala ngi ɓi, ko mbur mulum kanah dumbuŋ ar ka, malla masa lum a dirba ɗike, anta.

BUYOY MUDUMBUŊ NAŊ 3:28

Buy Salomoŋ misla kiita hana, Israyeley gar micinaka ɓi nah na, a ɗuvaka hirnga da buyo, asi a puraka na, muvulaŋ sinmijileŋ ngi sli kiita mijeŋŋe na, i Buymisemuŋ.

ƁI NGI HINEY MUCUW NAŊ 1:10

Wurenna, vuliy sinmijileŋ ati sli wala ngi ɓi, ɓa i si na gi gwat a mbuŋ mizli hanayna. Da kanah ta na, mizli ɗikey, mizli misikinih haɗa hana, majigina taŋ gu i waka?»

ƁI NGI HINEY MUCUW NAŊ 1:12

I vuluw sinmijileŋ ati sli wala ngi ɓi vuna. Yo zlili, gwat ngi si haŋ waɗ dudok vuna ma na, i vuluw taŋ bac nga meˀe ava ma. Buyoy micifam dumbuŋ ar ka gar na, ko a lumam ɗaˀ ta, yo a dirba ɗike kwana, ko anta ma kini.»

ƁI NGI HINEY MUCUW NAŊ 26:5

Ti Zakari misi ar siifa na, ara dubuna zluwun ti Buymisemuŋ da Oziyasa, yo Oziyas vuna kwana ara sipa Buymisemuŋ. Ti Oziyas miteŋteŋ avu Bumbulvuŋ na, Buymisemuŋ a ga ɓa gwat naŋ maga gar na, a gi kasl kasla.

Ɗerewol JOP 32:8

Dambalaka na, mburo, magaŋ ɓa a ndir ti lesl na, i musuwun misi a hur naŋ, i ˀUf ngi Misi Gidaŋ wãˀ.

MIKUCUWULOY 2:6

Asi mavula sinmijileŋ i Bumbulvuŋ, yo sin ati sli wala ngi ɓi, a boko ti balam naŋ.

TILA MI 2:26

Haˀaw, mbur Buymisemuŋ mupura le kuy avu hiri na, a vulaŋ sinmijileŋ, si na gi gwat ati mumul, amma mbur gilaw na, a pulaŋ a gi welele ngi cikila gwat ati ngi kuso gwat, ɓa ngi vul da mbur Buymisemuŋ mapura kuy avu hiri tuwa. Nah gar kwana, a cuh ka cunju lambaˀ, yo i himiɗ ngataraŋ.

EZAYI 28:26

Dambalaka, madubunaŋ gwat, yo masirkaŋ jiviɗ ɓa a sipa na, i Buymisemuŋ naŋ.

EZEKIYEL 28:3

Ki wa kaɓa ka ti sinmijileŋ fineˀ Daniyele, kaɓa ɓi miyaŋ, manja ki si na na anta.

DANIYEL 1:18

Ar kiɗa mi ngi hin ngi Nabukodonozor, buy madiɗa misla, ɓa a bigakaŋ gawlahay tuwa na, madiɗa ngi migi slrahay a raŋ taŋ.

DANIYEL 1:20

Da buy a cufuɗa taŋ le ar ɓi ngi sinmijileŋ, yo ar ɓi ngi lesl wanaka gar kwana, gawla tayna, a slaka wala naŋ, is kuruˀ, fineˀ misi cucukoy ati muɓula musuɗukoy misi asi ruwuy naŋ ma zum buyo anga.

DANIYEL 1:4

A wuzla ziri gawla taŋhay manja hereweɗ ko neˀ. Deŋ taŋ naŋ kuy, taŋ ti sinmijileŋ, a sinam haɗa, yo taŋ ti sin ngi gi gwata ma. Taŋ, a sa gam a hay ngi buy. A sa dubunaka taŋ mingiɓi ati toho gwat ngi mizli Babiloŋhoy.

DANIYEL 10:1

Angi vi mimakir naŋ ngi Sirus buy Perse mazum buy na, Buymisemuŋ a njik ɓi le da Daniyel mazilaka Beltasara. Mingiɓi nah naŋ kaslsla, yo a ɓi di i ɓi ngi bonoy madiɗa. Daniyel a ja ɓi nah le, a sla wala nah ar naŋ mupura ti kleŋ.

DANIYEL 2:19

Akẽh na, ngi duvuɗo, gwat mufuna wuluk ngi mbur tuwa, a njik avu Daniyele, a pura ti kleŋ. Joˀ a ga sise da Buymuŋ.

DANIYEL 2:21

I naŋ mambuɗa hiney ati gwat ngi giheye, i naŋ maputukuso buyoyo, i naŋ maca buyoyo, a vul sinmijileŋ da misi sinmijileŋhey, yo a vul sli wala ngi gwat da misina sli wala ngi gwatay.

DANIYEL 2:23

Buymisemuŋ ngi dideˀ ɗuwoy, i guw dudok, yo i hunumuw, asi ki vuliy sinmijileŋ le waɗ gidaŋ. Wurenna, gwat ndra mucufuɗaka na, ki bigiy di le, ti ka minjika ndra gwat maga weleleˀ da buy na.»

DANIYEL 2:30

Na ya, gwat mufuna wuluk ngi mbur na, a njikikiy di le. Anta vur ya ti sinmijileŋ fineˀ mizli gar ta, amma vur ɓa i njukuw ɓi naŋ da ka buyo, waɗ ɓa ki si na wuluk ngi mevel ɗike.

DANIYEL 4:6

‹Beltasar, madiɗa ngi mupura daˀasay, yi si na le, sin ngi kuli mezlehey ada ar ka, yo gwat mufuna wuluk ngi mbur wanaka gar na, anta zumuw hirnga ta. Ɓiy ɓi ngi gwat ya mupura ti kleŋ na, yo ɓiy mbiɗeˀvra naŋ ma.

DANIYEL 5:14

Yi cin, a ɓam sin ngi kuli mezleheye ada ar ka, yo mizli a puraka na, ki pur kaˀ haɗa, ki pur kweŋ kweŋ, yo ka ti sinmijileŋ haɗa ma.

DANIYEL 7:1

Ar vi mudumbuŋ naŋ ngi Baltazar, mazum buy a Babiloŋ na, Daniyel a ro tup ar li hin naŋ, musuwun a gaŋ, a pur gwat ti kleŋ. Dar a toho musuwun nah ti tuhu.

DANIYEL 8:1

Ti Baltazar mazum buy ngi vi mimakir naŋ na, ya Daniyel i pur gwat le ti kleŋ, a dirba ngi dumbuŋ na.

SLUFA VU 12:6

Bumbulvuŋ a ɓa taŋ: «Cinaka mingiɓi ɗu ani kuy kuy: Da mijiviɗ ada a wuzla kumo na, ya Bumbulvuŋ, i bigaŋ vu, ɓa a puriy ti kleŋ, yo i ɓaŋ ɓi ar musuwun.

Ɓimezle ngi Yesu Kristu LUK mitil di mi 21:15

Asi ya, i sa vulukum mingiɓi ati sinmijileŋ, ɓa ko mesene kum pal masa ngilukum mi malla masa mbuɗukum mi gu anta.

SLRA 6:10

Amma ko a ngilakaŋ mi gu ta, asi ˀUf Mipal a vulaŋ sinmijileŋ le ar mingiɓi naŋ.

SLRA 7:10

a bi di tir bonoy naŋhay gar. Joˀ a gaŋ mezleŋ, a vulaŋ sinmijileŋ a mbuŋ buy madiɗa ngi Ezipte. Buy Ezipte a cifa Zosefe i buy miwi li angi hirwuy Ezipte, yo ar hay naŋ gar.

SLRA 7:22

Moyis a dubuna sinmijileŋ ngi Ezipteheye le gar. Naŋ gidaŋ ar mingiɓi ati gwat ngi gi naŋ ma.

KOLOSOY 1:9

Vurˀe, zle ti hin ndra micinaka ɓi kum na, i pulaka diradibiɗ vur kumo ta. I ra cufuɗaka Buymisemuŋ, ɓa ki sinaka gwat naŋ mawuɗo kuy kuy wãˀ, ɓa ˀUf naŋ a vulukum sinmijileŋ gar waɗ lesle,

Ɗerewol ZAK 1:17

Gwat ngi vul mupuɗaw puɗaway ati gwat ngi vul ngatara mikaslsla wãˀ gar na, a poko sar paɗ ti muŋ, tivu Buymisemuŋ, buy ngi gwat mupusluɗa lihey. Naŋ, naŋ anta mbiɗi ta, naŋ anta wus ta, yo naŋ anta gi luvuŋ ta.

Ɗerewol ZAK 1:5

Amma da mbur a wuzla kumo, sinmijileŋ a kicaŋ le na, anja a cufuɗ avu Buymisemuŋ masa vulaŋ di. Asi Buymisemuŋ a vul gwat da mizli gar ti gula ti hazum, manja mbiɗi hirnga.