AMOS 9:9 - Bible en langue guiziga

⁹ Naŋ kanah, ani i ra ɓi ɗaˀ: A wuzla sukwihey gar na, i wuɗ i dingila Israyeleye, kaɓa madingilam daw ti sikiɗi. Ko zuŋ ɗugur masa diɗ pal a ruwuy anta.

AMOS 9:9 ပူးပေါင်းရင်းမြစ်များ

EZAYI 27:12

Ti hin nah na, Bumbulvuŋ a sa ɗugo gwat ngi sifi naŋ, zle a Efrat mizaw madiɗa hã sesẽŋ a mizaw Ezipte. Na kum ziri ngi Israyeley na, a sa jukum cesl cesl kaɓa magam holoko.

EZAYI 28:28

A ngirwaka alkamari le kwa? Ĩˀĩ, anta ndiram ar li ɗugo alkamari ta. A cohom ti sar ngi mota ngi pilis ara jom ti pilis naŋ ɓula, amma, anta ngirwaka ta.

EZAYI 30:28

Himiɗ naŋ, kaɓa mekepel mazuɓ maso taˀ ti ˀay. A sa dingila sukwi ngi mizli ti kata ngi mendere, yo a sa ci lejeŋ a balam mizli ɓa ngi ziza taŋ.

ZEREMI 31:36

Da yi ɓi le, ɓimujuwa hana anta mata na, naɓa tizer ngi Israyel kwana, a susuyum le ngi set a mbuŋ ɗu ya. I ya Bumbulvuŋ maɓi.

ZEREMI 46:28

Ka gawla ɗu Zakopo, ki zluwun ta, asi y'ada ati ka. mizli, ya muzliɗukum hirnga ngi hay taŋ na, i ra ngizla taŋ kuɗup. Amma kumo, y'anta sa ngizlukum ta. I guw kiita da ka ar kaslsla naŋ, ɓa i puluw teˀ, kaɓa ki gi gwat ta na, a gi ta ɓula!» I ya Bumbulvuŋ maɓi.

ZEREMI 49:36

Tir vay muŋ, yo tir vay ruwuy, tisi pas ngi miprik, yo tisi pas ngi pastaˀa, i sa go himiɗ mumufaɗay na ng'ar Elama, i sa zliɗa taŋ hirnga suɓulak si li gar, mizli Elamay mizliɗam hirnga na, a sa ndilam angi sukwi gar, sukwi masa ndir manja a ndilam a diga na anta.

EZEKIYEL 20:38

Mizli mislikiɗam ɓi avu ya, yo micinikiy mi ta na, i sa bi ti taŋ avra ti wuzla kumo. Hirwuy taŋ mislikiɗam ng'ara na, i sa bi ti taŋ ti raˀa avra, amma t'anta sa cam sar asi ruwuy Israyele ta. Dar kisa sinaka, yi Bumbulvuŋ.

EZEKIYEL 36:19

I zliɗa hirnga taŋ le mber mber nga wuzla sukwi mekelemey, a waham le purla purla fuk si ruwuy gar. I ga taŋ kiita le weˀe avu gwat ngi gi taŋ ati slra taŋ.

EZEKIYEL 39:28

Dar a sa sinaka, yi Bumbulvuŋ Buymisemuŋ taŋ. Asi a dirba ya mija taŋ nga wuzla sukwi mekelemey ruwuy mulak na, y'anta sa pula taŋ a diga mata, amma yi sa kuso hirnga taŋ ng'asi ruwuy nga taŋ.

EZEKIYEL 5:10

Naŋ kine, cine ngi ziri a sa humbuɗaka ziri ngir walahaya, yo ziri kwana, a sa humbuɗaka cine taŋhaya. Kiita ɗu mujuw na, i sa mbuɗuw hirnga, yo gwat masa ndiruw gar na, i sa zliɗa hirnga taŋ lambaˀa.

EZEKIYEL 5:12

Ar walahay ɗike, mizli micah mudumbuŋhoyo, i sa ngizla taŋ ti jiji matiɓi vu malla ti may, mucuw naŋ, i sa kiɗa taŋ ti maslalam gun walahay ɗiki, yo mimakir taŋ, yi sa zliɗa hirnga taŋ lambaˀ da himiɗ, i sa muɗ maslalam kwak waɗ ya ɓaˀ asi taŋ.

LEVIHEY 26:33

I sa pulo vurum ng'ar kum, yo i sa zliɗukum hirnga mber mber nga wuzla sukwi mekelemey. Hirwuy kum a sa tiri wuzlaɓuh mikirɗak kirɗak, yo walahay kum madiɗahay a sa tiram diŋhey njoˀ njoˀ.

Ɓimezle ngi Yesu Kristu LUK mitil di mi 22:31

Buy Yesu a ɓi: «Simoŋ, Simoŋ! Satan a cufuɗ le ɓa a kufukum kaɓa makufam daw.

Slu cuw 28:64

Bumbulvuŋ a sa zliɗukum hirnga mber mber nga wuzla sukwi ngi mizli gar, zle asi diˀis hã asi diˀis vay mekelem. Ki sa huruk hurukam a mbuŋ kuli dumoy malla kuli ɗuguroy, misi ko kum vu na, malla dideˀ kumoy a si na ka ta