AMOS 8:3 - Bible en langue guiziga

³ Tapasa, dimis mazlaka a hay buyo, a sa tiri dimis ngi vagay, vagay ngi mizli a sa gi haɗa, ko a maka gar na, li a sa gi siriw.» I Bumbulvuŋ Buymisemuŋ ɗu maɓi.»

AMOS 8:3 ပူးပေါင်းရင်းမြစ်များ

DIMISEY 39:9

Lihiy avu mungra ɗuwoyo gar, ki puliy mbak da gilaway, ɓa a zikiy ta.

EZAYI 37:36

Modro ngi Bumbulvuŋ a ci ng'ar walahay guɗuk ngi soje Asiriheye, a kiɗ mizli durmuk skat ti kukur dangafaɗ nga zlum. Ngi miprike, mizli mindiramay a slikiɗam, keɗ na, vagay ngi mizli mumucahay tuwa saɓaɓaɓa.

ZEREMI 22:18

Yo mbak ɗagay so, i ya Bumbulvuŋ misi gidaŋ wãˀ maɓi da Zoˀakim mangal ngi Zoziyas, buy Zuda: «Anta sa tuwam kaɗam kaɗam ar vagay naŋ ta, mbur masa ɓi ka misi ani na, anta: ‹Aw zuŋ ngi ba! Aw zuŋ ngi ma!› Anta sa tuwakaŋ ka misi ani na ta: ‹Aw buy ɗu!› ‹Aw kumani ndra madiɗa!›

TUWUY 2:10

Mizli micawwa ngi Siyoŋ Mimezle, a cifam le joˀ a ruwuy, lek lek, a pam murɓuk a hirnga. A kam zana ngi vagay ɓaˀ ɓaˀ avu vu. Ziri diili Zeruzalemeye, hirnga jik jik a ruwuy.

ZOWEL 1:11

Kum muhuvoy, gam dəh dəh lambaˀ, kum muhuva gudubunoy, tuwam irslik irslik, vur ɓi ngi daw alkamari ati daw giziŋ kumoyo: gwat ngi migam gar a hiryi le.

ZOWEL 1:13

Kum masayay, kam zana ngi vagay, tuwam kaɗam kaɗam, kum migi slra ngir li gi mikulihey, tuwam ˀirslik ˀirslik. Migi slra ngi Buymisemuŋ ndrahay, soko, hinam ti zana ngi vagay ɓaˀ ɓaˀ avu vu, hapa ngi vul ati mbaazla ngi pusl, anta ram di ar hay ngi Buymisemuŋ kumo mata.

ZOWEL 1:5

Kum muwam le, puɗkam, tuwam, kum misi mbaazlahay gar, tuwam kaɗam kaɗam, asi kum anta sa lumam mbaazla si mata.

LEVIHEY 10:3

Moyis a ɓa Aroŋ na: «Bumbulvuŋ a ɓa le ngbaŋ takwa! A ɓi na: ‹Mizli makirohoko ng'avi ya na, anja a purikiy, ya pal, yo a mihiri ngi mizli gar na, yi wuɗ anja a gikiy dudok.›» Aroŋ a ndir lek.

AMOS 4:10

I slino jiji mozorbono a wuzla kumo kaɓa migi zleˀe a Ezipte na, i kiɗa gawla kumoyo le vagay vagay ti maslalam, yo i tiɓa pilis kumoyo le, yo zĩˀĩ ngi vagay ngi mizli misi ar walahay guɗuk kumo, aru sesẽŋ a hutuŋ kum. Gar ti nah kwana, ki moko ng'avi ya ta na si. I ya Bumbulvuŋ maɓi.

AMOS 5:16

Vurˀe, Bumbulvuŋ Buymisemuŋ misi gidaŋ wãˀ, Bumbulvuŋ ɗu, a ɓi na: Ar li zik ngi mizli gar na, a sa cinam tuwuy ngi vagay. A jiviɗ madiɗahaya gar na, mizli a sa ɓam: Aw ba! Aw ma! Asa zilam mizli muhuvoy ng'ar tuwa vagay, yo ng'ar gi mezegwel ngi dika vu, i ngwas misinaka kuɗma tuwuy le.

AMOS 5:23

Dimis kum munguloŋ nguloŋ na, kiraham di kileŋ avu ya, dungur kum ti gujuvuroyo y'anta wuɗ cin naŋ ta.

AMOS 6:4

Ki roko tutup ar arngawo miɗiyahay ti sliŋ ngi begene, ginasl ginasl ar gwat ngi hin kumoy, ngi humbuɗa useˀ ngi zlengerekey, waɗ ngi ziri sla muwunahay ti wini ar gezleŋ.

AMOS 6:5

Ki roko zlam dimis ngi gujuvur, ˀay kaˀ a muŋ, ki boko ti gwat ngi kiɗ ngi dunguroy, kaɓa Daviti.

AMOS 6:8

Bumbulvuŋ a hudum ti slimiɗ naŋ tehhe muŋ, a ɓi: Huhumo vu ngi Israyeley na, anta giy kuyta wãˀ, hay taŋ mezleheye, i pura taŋ hiris le, i sa vula walahay Samari taˀ gar asi haŋ ngi mesene taŋhay. «I ya Bumbulvuŋ, Buymisemuŋ misi gidaŋ wãˀ maɓi.

AMOS 8:10

Muguzlum kumoyo, i sa tiri taŋ tuwuy ngi vagay, yo dimisi kumoyo gar, i sa tiri taŋ tuwuy mikaɗam kaɗam. Mizli gar a sa juwam zana ngi vagay hirlak hirlak a virzi, yo a sa hijaka hirngahaya kurzluˀ kurzluˀ cek, i sa tiri ti tuwuy kumoyo kaɓa matuwam vagay ngi mangal kirmalay, Gwat tayna gar, kiɗa mi taŋ a sa bam vu ati hin ngi bonoy mukuy ta naŋ wãˀa.

NAHUM 3:3

Misi pilisey ara bam le ng'ar vurum, maslalam walak walak, ziwit mawucuɗu. Mumucahay a slufam ta, vagay ngi mizli ara mbi zikitiŋ, ko anta tiki ta. Vagay ngi mizli ara ba sar da mizli toŋ toŋ.

SOFONI 1:7

Taˀaka mi a mbuŋ ya Bumbulvuŋ, asi hin nga ya Bumbulvuŋ naŋ gweˀe. ya Bumbulvuŋ i ra juw vu ngi gi mikuli, mizli naŋ mizilo taŋ, a ɗuwula taŋ mi le, ɓa a ndiram taŋ pal.