AMOS 8:2 - Bible en langue guiziga

² A ɓiy: «Amos ka mapur na i mike?» Yi mbiɗaŋ di: «I kiɗgil ti yi ngi widis minahaŋ. Bumbulvuŋ a ɓiy: «Israyel, mizli ɗuwoyo, hin taŋ a ndila le muduba, y'anta sa pula mungra taŋ na teˀ mata.

AMOS 8:2 ပူးပေါင်းရင်းမြစ်များ

ZLI VIRZI 6:13

Dar Buymisemuŋ a ɓa Nowe na: «Hin ngi kiɗa mi ngi gwat mamusuwunamay gar a ndila le! Asi a nahaka hirwuyo le ti moˀore taŋ na, i wuɗ i ngizla taŋ pay asi ruwuyo.

EZAYI 28:4

yo mufuyuk muɓutohoy, gwat ngi wuya naŋ, misi a hirnga sozo magi gwat haɗa tuwa, a sa tiri mepiɗece ngi uruf, manih daf angi sife: mbur a pura le na, a zuɓa, a nda suɗuk.

ZEREMI 40:10

Ya i cifi a Mispa, ar deɗe kum a mbuŋ Babiloŋhoy masoko ngi hay ndra na. Amma kumo na, kum slaka yi ngi gudubun kumoy ati ngi widis ngi zumoy waɗ yi ngi widis ngi malaya, wam taŋ vu, kum cifam ar walahayay kum misi ar taŋ na.»

ZEREMI 5:31

Mijiviɗey a njikaka ɓi ngi gwat masa gi tumbuŋ jeŋŋe ta, gwat ngi lum gar na, masayay ara paka ng'ar jiiba taŋ, mizli ɗuwoyo kwana, ara puraka kuy. Na a dirba gwat tayna, kisa gam mike? kisa gam mike?

TUWUY 4:18

Mesene ndraˀahaya, a roko sesek ar sar ndra, i bam ng'ar luuma ndraˀahaya gu mata. Pas ngi kiɗa mi ndra gweˀe, hin ndra a ndila le muduba, haˀaw, pas ngi kiɗa mi ndra a ndilo le.

EZEKIYEL 12:23

Ɓa taŋ: Bumbulvuŋ, Buymisemuŋ a ɓi na: I susuyumo mikicuwul hana avra, anta sa ɓaka asi ruwuy Israyele mata. Ɓa taŋ jak na: ‹Hin ara ndilawa, gwat ya mabiga ngi pur ti kleŋ gar na, a sa gi›.

EZEKIYEL 29:8

Vurˀe, ya Bumbulvuŋ, Buymisemuŋ i ɓi na: Y'ani i wuɗ i pulo sojehey ɓa a soko lumukuw akẽh ti maslalam, mizli ati ginew ɗikeye, i sa kiɗa taŋ cek.

EZEKIYEL 3:10

A ɓiy ava ma: «Ka mburu, ɓi ya maɓuw di hana gar na, tiɓa a mevel ɗike, cine ti slimiɗ ɗike.

EZEKIYEL 3:7

Amma mizli Israyeleye, taŋ, t'anta sa cinukuw mingiɓi ɗike ta, asi t'anta ngumam cinikiy mingiɓi ɗu ta. Asi mike na, mizli Israyeley gar na, hirnga taŋ gidaŋ, yo ɓi anta ci a mevel taŋ ta.

EZEKIYEL 7:6

Kiɗa mi ngi gwat a ndilo le, kiɗa mi a ndilo le. A wuno mi le ng'ar kum. Nˀani, ara ndilawa.

EZEKIYEL 8:12

Buymisemuŋ a ɓiy na: «Ka mburu, mizli micawwa ngi Israyeleye, gwat taŋ magaka angi luvuŋ, mbur gar angi viŋ ngi kuli naŋ na, k'ada pura taŋ ya? Asi a ɓam na: ‹Bumbulvuŋ anta pura ndra gu ta, a muɗ haŋ le avu hirwuyo.›»

EZEKIYEL 8:17

A ɓiy ma: «Ka mburu, ki pura le ya? Gwat mukuyta wãˀ, mizli Zudahay magaka aka na, naŋ pireˀ kwa? A nahaka hirwuyo le ti gi moˀore, ani a zlaka slikiɗikiy mevel le si ma, ara bigaka gidaŋ taŋ ti mevel fõh fõh.

EZEKIYEL 8:6

A ɓiy ma: «Ka mburu, k'ada pura gwat mizli magaka na ya? Gwat madiɗa mukuy tahay wãˀ, Israyeley magaka taŋ aka, ɓa i kirih kileŋ avu hay ɗu na, k'ada pura ya? Ki sa pur gwat makelem madiɗa mukuy tahay wãˀ vuna ma.»

Ɗerewol OZE 9:7

Hin ngi kuta vu ti bonoy a ndilo le, hin ngi slufa ɓihey a ndilo le, anja Israyel a si na sin le. Mijiviɗ ngi Bumbulvuŋ a bi hirnga le, mbur Buymisemuŋ muvulaŋ lesle, ara gi lambaˀ lambaˀ, asi malambaˀ ɗik madiɗaka miga na, waɗ asi ka mazuɓ himaˀ haɗa ng'ar Buymisemuŋ na.

AMOS 7:8

Bumbulvuŋ a ɓiy: «Amos, ka mapur na i mike?» I mbiɗaŋ di: «I zeweɗ ti ɓiri ngi wi gil ngi dalam cir cir.» Bumbulvuŋ ɗu a ɓiy: «Pura, y'ani i wa Israyel mizli ɗuwoy na ti zeweɗ ti ɓiri ava ngi wi gil ngi dalam cir cire, zle dana na, y'anta sa pula mungra taŋ teˀ mata.

AMOS 8:1

Bumbulvuŋ Buymisemuŋ, gwat naŋ mibigiy di, ya mupura na, «I kiɗgil ti yi ngi widis minahaŋ.»

MISE 7:1

Kay! Yˀar bonoy! Ya kaɓa mbur, misi ar hin ngi sifi ngi gwatay, misi ar hin ngi ngila yi ngi gudubun. Amma ko gudubun ngi zum anta, ko yi naŋ micikiɗeffe, ya mawuɗ haɗa na, ko purla anta si!

ZAKARI 5:2

Joˀ modro tuwa a ɓiy: «Ki pur mike?» I mbiɗaŋ di: «I pur ɗerewol maslikiɗ kifilihhe, jek naŋ metir kuruˀ, yo sliprik naŋ, metir zlum.»