AMOS 7:9 - Bible en langue guiziga

⁹ Ti ya masa slikiɗ badam, maslalam kaw a haŋ ng'ar mizli ngi hay Zeroboˀamay na, i sa waha li miɗingir ɗingir ngi gi mikuli ngi mizli ngi Izakay na, kiɓac kiɓac, yo hay muvuku vu taŋ ngi Israyeley na, musukuɗ musukuɗ.

AMOS 7:9 ပူးပေါင်းရင်းမြစ်များ

ZLI VIRZI 46:1

Zakop a zuɓ jiviɗ ti gwat naŋ misi ti naŋ gar. Naŋ mindil a Berseba na, a gi mikuli da Buymisemuŋ ngi cine naŋ Izaka.

BUYOY MUCUW NAŊ 14:24

Zeroboˀam a gi di i gwat malambaˀ a mihiri ngi Buymisemuŋ. Mungra ngi Zeroboˀam, mangal ngi Nebat miga, hã a hizigiɗa Israyeley ɓa a gaka na, ko Zeroboˀam a pula gi naŋ mbak le ta.

EZAYI 63:18

Ndra mizli ɗikey muvuku vu taŋ, ndra mitiɓaka hirwuyo da ndra na, a zik haɗa ta. Mesene ndrahay a musukuɗoko hay ɗik mipala le tur.

ZEREMI 51:51

Ndra macinaka mizli mazam ndra na, anta ga ndra kuy ta, mesem ara kiɗa ndra: asi mizli mulakay a cam le ng'ar li mipal misi ar hay ngi Bumbulvuŋ na.

EZEKIYEL 6:3

Ki sa ɓa taŋ na: Mizli ngir muwã Israyeley, cinaka mingiɓi ngi Bumbulvuŋ, Buymisemuŋ ani. Bumbulvuŋ, Buymisemuŋ a ɓukum, kum mizli ngir muwãhay ati ngir li miɗingir ɗingirey, ngir hurjijiŋ ati ngir sozohoy na: Y'ani i ra ga ɓa vurum a ndilo ar kum, i sa hirya li miɗingir ɗingir kumoy mipal ngi gi mikuliheye.

Ɗerewol OZE 10:8

Li miɗingir ɗingir ngi gi kuliheye, a sa susuyumoko taŋ avra, i li Israyeley migam mungra ar taŋ. Sisim ati hadaway a sa tiɓaka li gi mikuli taŋhaya, a sa ɓaka muwãhaya: «Ɗumom ndra!» A sa ɓaka li miɗingireye: «Diɗoko ng'ar ndra!»

AMOS 3:14

Tapas ya masa ru nga mbiɗa hirnga da Israyeley vur malambaˀ taŋ na, i sa mbiɗi hirnga avu li gi mikulihey misi a Betele, a sa ngilaka durumoy misi avu li gi mikuli, a sa ndilam a ruwuy.

AMOS 5:5

Amma ki sipikiy a Betel ta, ki cam nga Gilgala ta, ki cohom ti Berseba ta. Asi a sa jaka Gilgalaya pay nga ruwuy mulak, yo Beteleye, a sa zizaka taŋ kap.

AMOS 7:11

A sa kiɗaka Zeroboˀama ti maslalam, yo a sa jaka Israyeleye cek, a ram taŋ kileŋ avu hirwuy taŋ.»

AMOS 7:13

Amma a Betel aka na, ki mahiri ngi ga slra ɗik ngi mijiviɗ na mata, asi aka i hay ngi buy, yo i hay ngi Bumbulvuŋ ma!»

AMOS 8:14

Mizli mahudumom ti kuli ngi Samarihey, maɓam: «Hadam ti kuli ɗik misi ti siifa, mazilaka Daŋ!» na, yo «Hadam ti Misi Gidaŋ ngi Berseba» na, a sa ndilam simtraˀ simtraˀ ngi wãˀ, anta purtaˀ le mata!

AMOS 9:1

I pura Bumbulvuŋ ɗu deŋ ar li gi mikuli, a ɓi na: Kiɗa mecepek ngi hirnga ɓamtalay misi ar hay ngi Buymisemuŋ na, ɓa a jijika sivirzi ngi haya gar. Ngila taŋ ngurof ngurof nga hirnga mizli gar, mizli mindiramay le na, i sa kiɗa taŋ ti maslalam, ko mbur masa lih anta, ko masa ndir ti siifa loŋ anta.

MISE 1:5

Hana a gi gar na, vur dideˀ ngi Zakopoy mislikiɗam ɓi, yo vur Israyeley migam mungra. Slikiɗa ɓi ngi dideˀ ngi Zakopoy vuna i wanaka? I walahay Samari takwa? Li miɗingir ɗingir ngi Zudahay vuna i wanahay ka? I walahay Zeruzalem takwa?