AMOS 7:7 - Bible en langue guiziga

⁷ Bumbulvuŋ, gwat naŋ mibigiy di anihĩ: Keɗ na, Bumbulvuŋ deŋ ar mohol miwa gil nah le cir cir, waɗ zeweɗ ti ɓiri ava ngi wi gil ngi dalamakaw a haŋ.

AMOS 7:7 ပူးပေါင်းရင်းမြစ်များ

ZLI VIRZI 28:13

A pura Bumbulvuŋ deŋ a cikeˀe, a ɓaŋ: «I ya Bumbulvuŋ Buymisemuŋ ngi dunuk Abraham, waɗ ngi Izak. Hirwuy ka mutup anga hana, i sa vuluw di da ka ati dideˀ ɗikey.

SAMUYEL MUCUW NAŊ 8:2

A kiɗa Moˀapaya, a hina taŋ tup tup a ruwuy, a wa taŋ ti zeweɗ ngi wi gwatay. A wa taŋ ti zeweɗe weˀweˀ makir, miweˀ weˀ cuw mudumbuŋhoy i ngi kiɗ vagay vagay, amma miweˀ mimakir na, a pula taŋ ti siifa. Zle ar nah na, Moˀopay a tiram avu Davite i beke naŋhay, a wurkakaŋ buutu.

BUYOY MUCUW NAŊ 21:13

I sa ngizla Zeruzaleme ngirnin wãˀ kaɓa ya mingizla Samari ati hay ngi Akap ngirnin wãˀ na ya. I sa ngizla mizli ngir walahay Zeruzaleme ger ger kaɓa magiram helelem avu skiɗ, a dirba nah a sa tiɗaka tiɗeˀe.

EZAYI 28:17

Ɓimujuwa mitaˀ gara, i zeweɗ ngi wi gwat, yo ɓi mijeŋŋe, i ngi wi gwat cay rak raka. Joˀ yam a sa waha li ɗum ngi slire, yo yam a sa kil ti li cifi kumoyo.»

EZAYI 34:11

A sa ndir i li ngi biizim ati cemcemehey, kurek ati magakgakay a sa cifam ara. Bumbulvuŋ a sa juwa ti zeweɗ ngi ngizla vu, a sa siɗila siɗil siɗil kirɗak.

TUWUY 2:8

Bumbulvuŋ a juwa le ngi waha mohol ngi Siyoŋ mimezle. a sa waha ngirnin, naŋ anta pula haŋ ava ta, sey da naŋ mususuyumo le ngirnin. Mohol ngi huroˀo ati ngi vra, a tiri taŋ diŋ le, ara mbizlam cuw taŋ.

EZEKIYEL 40:3

Aru ti ya ng'avi hayay tuwa, keɗ na: mbur, a bam vu ati ɓiri gaza. Gwat ka zeweɗ ngi gugumay mislirkeɗ waɗ ganday ngi wi gwat kaw a haŋ. Naŋ deŋ a mizlingre.

AMOS 7:6

Akẽh na, Bumbulvuŋ a mbiɗa wuluko, a ɓi: «Anta sa gi kanah mata.»

AMOS 7:8

Bumbulvuŋ a ɓiy: «Amos, ka mapur na i mike?» I mbiɗaŋ di: «I zeweɗ ti ɓiri ngi wi gil ngi dalam cir cir.» Bumbulvuŋ ɗu a ɓiy: «Pura, y'ani i wa Israyel mizli ɗuwoy na ti zeweɗ ti ɓiri ava ngi wi gil ngi dalam cir cire, zle dana na, y'anta sa pula mungra taŋ teˀ mata.

ZAKARI 4:10

Hin ngi zli virzi ngi gwat meciɗekey na, mupura hiris le i waka? Tapas masa puraka Zorobabel kaw ti ɗugur ngi wi virzi ngi hay na, mizli a sa mumulom. Lampe mitarnaˀ tayna i hiri ngi Bumbulvuŋ, mira bula hirwuyo bal bal keɗeɗe.

ƁIMUNJUYO 11:1

Dar a vulikiy lavaɗ, a bam vu ati ganday ngi wi gwat, a ɓikiy: «Slikiɗ ɓa ki wa hay ngi Buymisemuŋ ati li gi mikuli a mbuŋ Buymisemuŋ, yo slufa mizli misi ara, madilkam a mbuŋ naŋ na.

ƁIMUNJUYO 21:15

Modro maɓiy tuwa, naŋ ti gwat ngi wi gwat, i lavaɗ ngi ɓiri tapasl tapasl kaw a haŋ, ɓa ngi wa walahay madiɗa ati mizlingre naŋhay waɗ mohol naŋhaya.