AMOS 7:4 - Bible en langue guiziga

⁴ Bumbulvuŋ, Buymisemuŋ ɗu, gwat naŋ mibigiy di anihĩ: Keɗ na, Bumbulvuŋ, Buymisemuŋ ɗu ara til mi ti ɓi ngi gi kiita ti vu, yo vu vuna a zuma yam mijileŋ ngi si ruwuyo gar, waɗ ara zuma hirwuyo ma.

AMOS 7:4 ပူးပေါင်းရင်းမြစ်များ

EZAYI 27:4

Mevel anta jiy mata, da i lum hadaw ati sisim le ara na, i sa ɗuva taŋ vu a wuram.

ZEREMI 21:12

Mizli ngi hay Davitey, Bumbulvuŋ a ɓi na: Ti miprik gar na, gam kiita mijeŋŋe, mbur mazumakaŋ gwatay na, tuɓoko di tisi haŋ ngi mbur muguzuvur naŋ! Da kanah ta na, mevel ɗu a sa tiɓi ka vu, a sa tiɓi giw giw, ko mbur mumuc naŋ gu anta, vur gwat ngi gi taŋ malambaˀ na.

ZEREMI 4:4

Kum mizli Zudahay ati Zeruzalemey, cam mizaw vur Bumbulvuŋ, cam vur ya. Da kanah ta na, naɓa himaˀ ɗu a sa tiɓi njilim njilim ka vu, a sa zlizlira gwataya, ko mbur mamuca gu anta, asi gwat ngi gi kum i ngi moˀore.

EZEKIYEL 21:3

Ki sa ɓa mizli ngi ɓuh vay ngi ruwuyo na: Cinaka mingiɓi ngi Bumbulvuŋ. Ya Bumbulvuŋ, Buymisemuŋ i ɓi na: Ani i sa bul vu a wuzla kumo. Dum tukuzo ati dum muˀulo gar na, vu a sa wura taŋ. Irne vu mihilɓiɓ anta sa muc pam le ta. Zle tir vay ruwuy ati vay muŋ gar na, a sa wura mizli gar.

ZOWEL 1:19

Ya matil mi na ng'avi ka Bumbulvuŋ: vu ara zuma li jigina ginewey a ɓuh, irne vu njilim njilim, ara zuma widis ngir guvahaya cek.

LEVIHEY 10:2

Akẽh na, vu a bo ti mbuŋ Bumbulvuŋ, a zuma taŋ kap, waɗ a micam daˀ a mbuŋ Bumbulvuŋ vuna si.

AMOS 1:4

I saka vu da hay ngi buy Hazayele, yo i sa wura hay ngi buy Ben-Hadataya.

AMOS 1:7

I saka vu da dalam ngi Gazahaya, joˀ vu a sa zuma hay mimezle ngi raˀahaya.

AMOS 2:5

I saka vu da ruwuy Zuda, joˀ vu a sa zuma hay mimezle ngi Zeruzalemeye.»

AMOS 4:11

I mbiɗa gwataya le pulaˀ pulaˀ gar a hay kumo, kaɓa migi zleˀe a Sodom waɗ a Gomor na. Kum zleˀe kaɓa misliŋ vu muɗuɗoko di le tir vu. Gar ti nah kwana, ki soko ng'avi ya ta na si. I ya Bumbulvuŋ maɓi.

AMOS 5:6

Da ki wuɗam siifa le na, sipam di i ya Bumbulvuŋ. Kum mizli ngi Zozefey, jam lesl, vur ya mabiga gidaŋ ɗu misi ka vu mazum vu na avu kum, ko mbur anta ngi muc naŋ a Betele ta.

AMOS 7:1

Bumbulvuŋ, Buymisemuŋ ɗu, gwat naŋ mibigiy di anihĩ: Keɗ na, ara go jaray, naɓa hirak ti giziŋ mazla ɗiɗi ti ɗiɗi aruŋ, a dirba mislaka giziŋ mudumbuŋ naŋ le ngi murbuc da buyo.

AMOS 7:7

Bumbulvuŋ, gwat naŋ mibigiy di anihĩ: Keɗ na, Bumbulvuŋ deŋ ar mohol miwa gil nah le cir cir, waɗ zeweɗ ti ɓiri ava ngi wi gil ngi dalamakaw a haŋ.

MISE 1:4

Muwãhay ara luwuslam asi sar naŋ, si virzi ngi sozohoy ara ndislam, kaɓa tebeɗ a ciki vu, kaɓa yam maɓul ar misirnene.

NAHUM 1:6

Macici avu himaˀ naŋ gu i waka? Da naŋ miji mevel le na, maɓusa ɓi nah gu i waka? Ji mevele mufõh fõh na, a slikiɗ ka vu matiɓi giw giw, mandazlay muwãhaya a ndislam kpah kpah a mbuŋ naŋ.

SLUFA VU 16:35

Bumbulvuŋ a bulo vu ngiɗ ngiɗ, mizli mi skat skat cuw ti kukur zlum mazlumam urdihey tuwa, vu a zluma taŋ kap.

Slu cuw 32:22

Haˀaw, mevel ɗu ara tiɓi ka vu, ara zlizlir hã sesẽŋ ar li ngi mizli mumucahay, ara zuma hirwuy ati gwat ngi raˀahaya gar, ara huhuto dimbasl ngi muwãhaya.

HEBEREY 1:7

Buymisemuŋ a ɓi vur modrohoyo na: «I tiri himiɗ ti modro ɗuwoyo, yo i tiri irne vu ti migi slra ɗuwoyo.»

ƁIMUNJUYO 4:1

A dirba nah na, i pur miviŋ muwuna le baŋ a muŋ, joˀ ˀay ya micina mudumbuŋ ka tulum zleˀe tuwa, a ɓiy: «Jiɗo ng'aka, i sa buguw gwatay masa gam a dirba nah ma.»