AMOS 7:3 - Bible en langue guiziga

³ Dar Bumbulvuŋ a mbiɗa wuluko, a ɓi: «Anta sa gi kanah mata.»

AMOS 7:3 ပူးပေါင်းရင်းမြစ်များ

ZLI VIRZI 6:7

Dar a ɓi: «Sey i ngizla mizli ya miga taŋ na, leɗeɗ wãˀ asi ruwuyo, waɗ gwat misi titiri mimeɗ meɗ ati madiɗahay, ko ɗiyuwoy. Asi yi ra zil marava vur ya miga taŋ na.»

ƁI NGI HIN GAR MUDUMBUŊ NAŊ 21:15

Buymisemuŋ a slina modro naŋ ɓa ara ngizla mizli a Zeruzaleme. Ti modro mangizla mizli tuwa na, Bumbulvuŋ a pura, a gaŋ kuy a mevele mata. A ɓa modro mingizla vu: «Muk muduba, muɗa haŋ ɗike!» Naɓa modro ngi Bumbulvuŋ naŋ deŋ gweˀ zleˀe avu məlaŋ ngi Ornaŋ mbur Zebusi.

DIMISEY 106:45

Jumoˀay naŋ ati taŋ na, naŋ da keŋŋe a hirnga, naŋ magi teŋteŋ haɗa tuwa na, dar a mbiɗa wuluko.

DIMISEY 78:38

Amma Buymisemuŋ, naŋ i mupura ircece, ara pula malambaˀ taŋ, mbak ngizl taŋ kuɗupo jak. A muca mevele le sar mbeˀ mbeˀe, a bo ti ji mevele njoy wãˀ ta.

DIMISEY 90:13

Bumbulvuŋ, kisa pula ji mevel ɗik ar ndra, hã ti vunaka? Mo ng'avi ndra, pura ndrˀircece da ndra gawla ɗikeye.

BI NGI ISRAYELEY 32:14

Dar Bumbulvuŋ a pula malambaˀ, naŋ mawuɗ a ga da mizli naŋhay zleˀe tuwa.

ZEREMI 26:19

Ani Ezekiyas, buy Zuda ati mizli naŋhaya, a kiɗaka mijiviɗ Mise le vagay kwa? Ezekiyas a zluwun ti Bumbulvuŋ, yo a tislaŋ mevel le ta kwa? Dar Bumbulvuŋ a pula hiryi, naŋ ɓi micica ɓi nah ngi ga taŋ di zleˀe na. Ani da i ra gam di i mungra madiɗa nga hirnga ndra kwani.»

ZEREMI 42:10

‹Da ki ngumam le ngi cifi asi ruwuy hana na, naɓa i sa cucukum gidaŋ gidaŋ, y'anta sa zuzukum mata, yi sa cifi ti kum hǝɗ hǝɗ kuy kuy, y'anta sa hizigiɗukum mata wãˀ, i sa wulka malambaˀ ya mugukum di na.

Ɗerewol OZE 11:8

Efrayim, i sa guw mbrike? I sa pula Israyel a si haŋ ɗik kwa? Ɓa i sa gi ti kakaɓa walahay Atma na, mbri mbrike? yo i sa tiri ti kakaɓa walahay Seboyim na, mbri mbrike? A giy le welele a mevel ɗu, waɗ mana, ircece anta avu ya mata.

ZOWEL 2:13

Ki ngiram di i zana kumoy ta jak, mbiɗaka mevel kumoyo,» yo moko ng'avu Bumbulvuŋ, Buymisemuŋ kum, naŋ ti mevel mezleŋ, yo a pur ircece haɗi, a ji mevel kutum ta, a gi mezle haɗa. malambaˀ naŋ muwuɗ gi naŋ le da mburo na, a wulka a muŋ.

ZOWEL 2:14

Da a sa mbiɗa wuluko kwani, misina i waka? Yo a dirba nah, a sa ɗuwulukum mi, naɓa, kisa soko ti hapa ngi vul waɗ mbaazla ngi pusl da Bumbulvuŋ, Buymisemuŋ kumo.

AMOS 5:15

Puraka ɓi malambaˀa hiris le, wuɗam gi mezle. Ar kiita na, cicaka ɓi kaslsla, asinta, Bumbulvuŋ Buymisemuŋ misi gidaŋ wãˀa, a sa pura ircece da dideˀ ngi Zozefey mindirama.

AMOS 7:6

Akẽh na, Bumbulvuŋ a mbiɗa wuluko, a ɓi: «Anta sa gi kanah mata.»

ZONAS 3:10

Buymisemuŋ a pura gi gwat taŋ na: ara pulaka jiviɗ taŋ malambaˀa. Akẽh na, a pula ɓi naŋ mujuwa a mevel ngi ga taŋ malambaˀ na. A ga mata.

Slu cuw 32:36

Bumbulvuŋ a sa ga kiita da mizli naŋhaya. Amma naŋ masa pura taŋ a hĩhĩyam le, beke asinta, diimu asinta na, a sa pura taŋ geˀ ircece.

Ɗerewol ZAK 5:16

Da ki wuɗam le ɓa ki mbulom na, anja mbur gar a njika mungra naŋ da cala, yo mbur gar a dir dibiɗ vur cala. Diradibiɗ ngi mbur mijeŋŋe na, naŋ ti gidaŋ haɗi.