AMOS 7:2 - Bible en langue guiziga

² Jaray tuwa a zuma giziŋ ngi si ruwuyo le tirneˀ wãˀ? Akẽh na, yi ɓi: «Bumbulvuŋ, Buymisemuŋ ɗu, ambuh takwa, pula mungra ngi mizli ɗikeye. Da kanah ta na, mizli ngi Zakopoy a sa ngiram mbri mbrike? Ani i sukwi meciɗek wãˀ mayse.»

AMOS 7:2 ပူးပေါင်းရင်းမြစ်များ

BI NGI ISRAYELEY 10:15

A sirtaka hirwuyo sirit wãˀ, waɗ hirwuy a tiri tirnik. A tirnaˀaka giziŋ ngisi ruwuyo tirneˀ wãˀ, waɗ yi ngi widisey cek mindiram a dirba yam tuwa. Asi hirwuy Ezipte gar na, ko ki pur kalaf avu widisey neˀ ta, ko gwat mutukuzo kaˀ a ɓuh anta.

BI NGI ISRAYELEY 34:9

Dar a ɓi: «Bumbulmuŋ ɗu, da ki ra giy mezle gisiŋ na, ambuh, sawa, kisa ndra. Yi si na le, mizli tayna, hirnga taŋ gidaŋ, amma pula ndra mungra ati malambaˀ ndraˀahaya, yo pura ndra ka mizli ɗikeye!»

EZAYI 37:4

Soje micawwa ngi buy Asiri, buy naŋ vuna a slino di, ɓa a za Buymisemuŋ misi ti siifa. Asinta, Bumbulvuŋ, Buymisemuŋ ɗike, a cine mingiɓi naŋhay na le gar, yo a sa kutaŋ ti bonoy aseˀe kwani? Anja ka mijiviɗe, ki tumbulo Buymisemuŋ asi mizli mindiram ar siifa neˀ na so.»

EZAYI 51:19

Bonoy zlaɓ zlaɓ cuw, a ndilukum le sar cuw, ani masa gukum kiita naŋ i waka? I moˀore ati hirya gwat, yo may ati vurum, na masa jukukum didak i waka?

ZEREMI 14:7

Aw Bumbulvuŋ ɗu, da mungra ndrahay ara mbiɗam ndra hirnga tehhe a muŋ na, gi gwat neˀ ɓa ngi ɗuva hirnga da slimiɗ ɗike! Naŋ kanah ɓula, i ra jam mi ndrehhe: i sinukuw ta, i sinukuw ta, i zluɓam ɓi le avu ka.

ZEREMI 42:2

mijiviɗ Zeremi, a ɓakaŋ na: «Inga tiɓa tumbul ndra na takwa! Tumbulo Bumbulvuŋ Buymisemuŋ ɗik ar deɗe ndra mindiram njireˀ hana takwa. Haˀaw ndra zleˀe haɗi, ani i ndiram ti siifa njireˀ kini! Ka vuna ki si na le kuy kuy.

EZEKIYEL 11:13

Hirak ti ya manjika ɓi ngi Buymisemuŋ tuwa na, Benaya, mangal ngi Pelatiya a mucu. Akẽh na, i diɗ waɗ huruk a ruwuy, i widi ti gidaŋ, i ɓi na: «Aw Bumbulvuŋ, Buymisemuŋ ɗu! Israyeley mindiram na, ki wuɗ ki ngizla taŋ wãˀ sukwa!»

EZEKIYEL 9:8

Ti taŋ mira kiɗaka mizli tuwa na, yi ndir pal ɗu, i huruk huruk a ruwuy, i widi: «Aw Bumbulvuŋ, Buymisemuŋ ɗu! Israyeley mindiram na, ki wuɗ ki ngizla taŋ gar ti ka mavunaha himaˀ ɗik ar Zeruzalem na sukwa?

DANIYEL 9:19

Bumbulvuŋ ɗu, cine ndra di! Bumbulvuŋ ɗu, pula mungra ndraˀahaya. Bumbulvuŋ ɗu, jiko slimiɗe, yo ga gwat nah, ki mur ta. Aw Buymisemuŋ ɗu, slimiɗ ɗik mazil ar walahay ɗik, yo a wuzla mizli ɗikey vur ka vuna.»

ZOWEL 2:17

Masayay ati mizli ngi slra ngi Bumbulvuŋhoyo, ara tuwam ar hay ngi Bumbulvuŋ, ar wala ngi jawleeru ati li gi mikuli. Anja a tumbuloko Bumbulvuŋ, a ɓam: «Bumbulvuŋ, pura ircece da mizli ɗikeye, anja ki pula mizli ɗikeye mesem mesem ta, ɓa sukwi mekelemey a singiram ar taŋ ta, ɓa a ɓam: «Bumbulvuŋ taŋ naŋ amaka?» ta.

AMOS 4:9

I go jijihey wal wal da daw ngir guva kumoyo, a muˀulom, a zãˀãm. Gwat ngir jarne kumoy ati gudubun kumoy, ˀuruf kumoy waɗ tutumbur kumoyo, birnjeɗek a zuma taŋ le pay. Gar ti nah kwana, ki moko ng'avi ya ta na si. I ya Bumbulvuŋ maɓi.

AMOS 7:5

Joˀ yi ɓi: Bumbulvuŋ, Buymisemuŋ ɗu, ambuh takwa, pula ɓi nah si. Mizli ngi Zakopoy a sa ngiram mbri mbrike? Ani i sukwi meciɗek wãˀ mayse!»

ZAKARI 4:10

Hin ngi zli virzi ngi gwat meciɗekey na, mupura hiris le i waka? Tapas masa puraka Zorobabel kaw ti ɗugur ngi wi virzi ngi hay na, mizli a sa mumulom. Lampe mitarnaˀ tayna i hiri ngi Bumbulvuŋ, mira bula hirwuyo bal bal keɗeɗe.

ƁIMUNJUYO 9:4

A tikaka taŋ ɓa ko a gam malambaˀ da giziŋ ngi si ruwuyo ko neˀ ta, ko da kalaf malla ko da widisey, a gaka taŋ di neˀ ta. Amma sey da mizli manja ɗuva haŋ ngi Buymisemuŋ a midibiɗ taŋhay na si.